اصبر على العوجاء من ادنى ربوعي

[فواز الشيباني]

وقصيدة اليوم هي لشاعر الحكمة الشاعر الغني عن التعريف "مهدي بن مهذل الصقور اليامي"



يقول شاعرنا:




[poem=font="Simplified Arabic,6,black,bold,normal" bkcolor="transparent" bkimage="backgrounds/39.gif" border="none,4,gray" type=1 line=0 align=center use=ex num="0,black"]
اصبر على العوجاء من ادنى ربوعي
=وعلى خطا الاجناب مانـي بصبـار
واسرار عمري بين حدب الضلوعي
=ماني بمن يبدي على الناس الاسرار
راحت معاليق الضمايـر مزوعـي
=وزهقت من دنياي عقب الذي صار
الله يهيـن مفرقـيـن الجمـوعـي
=ويرمي حبايلهم بعيـد عـن الـدار
لا بـد ماياتـون الانـذال طوعـي
=وجرف الهيار انهبت النـود ينهـار
الحـر مايخفـاه درب السنـوعـي
=والعز مايخفـى عزيزيـن الاشـوار
واهل الوفا والطيب مثل الدروعـي
=شيالهـا يـوم المظاهيـر جـسـار
من خوه الرديـان قلبـي جزوعـي
=يالله تقـوم حظنـا يـوم نخـتـار
لا بارك الله في الرفيـق القطوعـي
=اللي يجافي صاحبـه مالـه اعـذار
والله مانـرجـي وراه الفـزوعـي
=حنـا رسينـا للثقيلـه وهــو ذار
وان كان قلبه من ربوعـه قنوعـي
=فما عاد للمقفيـن حشمـه ومقـدار
ومن كان في الدنيا كثير الطموعـي
=فللمـال وراث وللقـبـر حـفـار
ودرب الخطا يعفيك عنه الرجوعـي
=والموت لي صار الخطا منك تكرار
ومايستـوي ليـل سـواده يروعـي
=وليل غدى ضوح القمر فيه سمـار
ياويل من ضلـه هشيـم الزروعـي
=ما من ضلال الا مواريث الاحـرار
ومانلتفـت لمغيريـن الطبـوعـي
=والنـاس يختلفـون وافـي وغـدار
[/poem]