.. * إســمـي ...ومـعـنــآهـ * ..

[عزوز العتيبي]

ياللي تنشّدني عن :
[ أسمي ومعناه ] !
بـ أعلمّك , ما قلت لك وش تبي بي !

رصيدي مع العالم :
( الأسم والجاه ) !
ماهوب والله ما أجمعه وسط جيبي ,

أعتز به ,
والحمد والشكر لله ,
ياربي .. آلك الحمد على نصيبي !

والمال ؟
خير ومن بغى الخير يلقاه ,
يتعب : [ سواة الراحجي والقصيبي ] ,

لكن من يرخص :
( مقامه ومبداه ) !
هذا صحيب المال .. ماهو صحيبي !

الوقت :
بحر ٍ ماني بـ لاحق ,
أقصاه !
( يوم ٍ ) يقرّبني .. ويوم يغدي بي ,

يغريني :
بـ لوله , وليله , وليلاه ,
ويردني .. عن مغرياته ( رقيبي ) !

رقيبي الذاتي
بـ سيفه وشلفاه ,
عن حيرتي فـ أمري , وشكي وريبي ,

الوقت علمّني
ولازلت ويّاه !
طالب , وأنا ياشيب عيني وشيبي ,

كم درس درسني ,
لو أموت ما أنساه !
ما أبدي على ضحّاكة السن : غيبي ,

وردى العرب :
ما أشوفه ولا أتمنّاه ,
وتقصيري أشوفه .. ولا أشوف طيبي ,

ومن تقصر حباله ,
ولا تطول يمناه . ,
أستصغره .. حتى لو أنه : قريبي ,

وجميع ما قلته ,
من أوله لـ أتلاه :
مشعآن ابن محارب هلال العتيبي

/


،


راقت لي فنقلتها