خلوووووهااا ،،، محاورة بيني وبين شاعر محترف ،،،

[{ أبوفيصل }]

محاورة جرت بيني وبين شاعر محترف
ترددت في نقلها هنا ولعيونكم اقدمها لكم
البداية من الشاعر :

العبرود

مرحـبا ترحـيب صـافي لاغش ولاغشاش ـ ـ يرضي الشعار واللي من الوقت احتشا

وين الشاعــراللي لاقام للملعــب وشــاش ـ ـ يســري في مثناة ليلً يطيــحبها العشا

خليجي

البقا واللي تبا حاضـر بحاضـر وكـاش = عسـا البســاط أحمــدي قدْمنا ومفـرّشا

أطيب الشعار ماينكره وجهــاً بشــاش = وانته راعي فلة احجاج وخاطرك انتشا

العبرود

ياسحــابن مانبالـه نفيــض ولا رشـاش ـ ـ ليتـه ليا هــل وبله يبل الك الرشا

ماني من يبني بيوته مثل بني العشاش ـ ـ بيتن مايذرّي راعيه مايصلح حشا

خليجي

البحر ماهو بسيـلً بين اشعيب ومشاش = لاتطـيح ابغـبّته وانته برضـن تنمـشا

خابرينك تبني البيت مير أصبح هشـاش = طيّشـوْك وصرت مع كل زفه أطـرشا

العبرود

في جال البحـرغثا مدري في جـاله قشاش ـ ـ وانا مــالي بالغــثا والمغـثه لاحشـا

البلـد صـاب اقتصـاده تضخــم وانكمــاش ـ ـ والرصيّص لويهيّص سواتك كرّشا

خليجي

اكـتشفت السـر والسـر ما يحمــل نقاش = شيًّ لويدريبه الواشي لأصحابه وشا

اِحمدالله واشكـره مابين أزمـه وانتعاش = جعلـهـا دفـعـة بلا والله يـفـعل مـايشا

العبرود

مع خشاش الارض أثر بعض الأوادم خشاش ـ ـ لاطلع ولاهو باللي فوق أرض الله مشا

أدري منته ماخـذن معـك ألاّ قـطعـــة قمـاش ـ ـ وكــل مخلــوقن على مايــورا لـه نشـا

خليجي

حـذفتن ولّمْت لفلوقــــها لفــــه وشــــاش = ماتوقيّ راسك اللي على اعــيونه غِـشا

تصلح يالعبرود في مسلسل طاش ماطاش = أظـنّك مـع سباسـيب الخلــق تلْقـا عشـا