لا تحسب إن المال في الدنيا غناه <> المال ما يغني فقير المرجلة !!

[محمد العريــدي]

\
/

أسعد الله أوقاتكم بكل خير ..

جديدة أتمنى أن تنال الرضىا يا عتيبه

[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
من هاجس(ن) مطنوخ يبدع ما اشتهاه = دايم على بدع الشعر فيه عجله !!
يكتب و ينقش ما كتب صم الصفاه = و " علامة الجودة " عليه مسجله !!
شاعر لا هب الشعر يلفحني هواه = استنشق حروفه و فكري طاب إله !!
إن ما كتبت اللي ينومسني نباه = والأ تركت الشعر ماني من هله !!
شعّارنا واجد .. ولا فيهم سواه = أحد(ن) درينا عنه , و أحد(ن) نجهله !!
والشاعر الطيّب فلا يبغى وصاه = يارد على هداج و يسوق جمله !!
و الشاعر اللي في خلاه وفي عماه = يشعب ذلوله , والذلول معقله !!
أخير له يسكت و يبرك في خلاه = لا صار شعر(ن) قايله ما جمّله !!
و الشعر في هالوقت جاه اللي كفاه = الله يزيّنها .. ويرفع منزله !!
تسمّعوا من شاعر(ن) ربي عطاه = ليا نشف للشعر ريق يبلله !!
الطيب بيّن .. مير من يلحق مداه = ما كل رجل(ن) شاف دربه يدهله !!
اللاش يقصر دون دربه لا نصاه = والكفوو يسعى له و دربه كمّله !!
يحرص على العليا و لا يرجع وراه = تندى يمينه و الفعول مهوّله !!
" والنعم " كايد ما يجي لك لو تباه = يا كود رجل ٍ ما يبا الأ الأوّله !!
ورجل(ن) ليا جيته و لقـّالك قفاه = لا رحِم جده وش تبا به كنسله !!
عليك باللي كان كادت بالسواه = ليا نخيته .. كل مايل عدله !!
يقضي لزومك ما توّنا لا قضاه= ياقف معك والصعب دونك ذللـه !!
من لا يشيل الحمل في وقت الرخاه = في الكايده والله ليبطي ماحمله !!
وحق الخوي يخطي وندمح له خطاه = ناصل معه بالطيب لا ما نهمله !!
ليا وفا لي فـ الوفاء له من وفاه= وليا نساني جعل ربي يحلله !!
ما نطرد المقفي ولا نتبع رضاه = من صد عنّّا فـ الدروب مسّهله !!
واللي يحسب المال هو ساس الحياه = قله ترى ماهوب كل المسأله !!
لا يحسب إن المال في الدنيا غناه = المال ما يغني فقير المرجله !!
وصلى الله وسلم عدد ما هل ماه = واللي تبّقى فـ الأبيات المقبله !!
[/poem]