قصيده للشاعر فيصل المرشدي

[الدجيما]

[align=center]هذه قصيده للشاعر فيصل بن سعود المرشدي يفتخر فيها بشعراء عتيبه ويعتذر عن التقصير وانما ماذكر من الشعار لايعد حصرا وانماهناك العديد من الشعراء الذين لم يتسع المجال لذكرهم اليكم القصيده وهي تعبر عن نفسها[/align].
[poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="solid,3,sienna" type=2 line=0 align=center use=ex num="1,black"]
يالابتي دوكم جوابي على الزين = لا جاك قول الناس ناقص وزايد
حنا عتيبه محتمين المخلين = يوم السنين اللي لهبها وقايد
واليوم بالاسلام والشرع والدين = متمركزينٍ بالرجوم النوايد
فالمجتمع صرنا مهامه وعينين = مترفعٍ بالمرجله والقصايد
واللي مكذبني يشوف البراهين = وعندي على ماقول عرف وشهايد
وشعارنا في ماضي الوقت والحين = تضرب بها الامثال والفعل كايد
تضرب بها الامثال والناس دارين = هم منبع الحكمه وساع البنايد
واولهم اللي قائد في الميادين = تركي ولد صنهات راع النشايد
وشليويح ابن ماعز على العسر واللين= تعرف فعوله في نهار الوعايد
وبديوي الوقداني على منهج الدين = هو منبع الحكمه راع الفوائد
وزبن اللي عساله جنان وبساتين = وعبدالمعين اللي بعصر الشدائد
وفراج ابن منصور ذخر الدماسين = لا صار في الميدان والحظ صايد
وذعار ذخر اللي يفك المتلين = ابن الشيوخ اللي تفك البلايد
واللي بقوله يعملون المدلين = رشيد لاعدو هل الشعر قائد
واللي على صفحة العشق باقين = لبن الدجيما ياحمر العين شايد
اللي من اسباب الهوى راح مسكين = واخر على دربه بيوت القصايد
والحكره اللي جت بيوته مثامين = اللي بناها بالفعول الوكايد
وخالد بن عقاب راع التلاحين = قرمٍ على نطح المواجيب زايد
وبندر ابن سرور ذيب السراحين = ياما قطع من دارها والبعايد
على النقاء ومجالسه للسلاطين = واخذ من دروس الليالي فوايد
واللي بقافه يطربون المغنين = شاعر وطنا بالامور الشدايد
خلف ولد هذال نسل الميامين = عند الملوك اللي تحل العقايد
وناصر ابن اللى يقر الموازين = قضاة حق ولابهم من نقايد
وشاعر هوازن وانت ياعارفه زين = شاعر ولامثله يجيب الجدايد
وعبدالله ابن عون يسل العريبين = شعره ليا من قال عذب وجايد
وغازي ولد عمه ولاقول به شين = لا شك يظهر بالدويله فرايد
ومحمد ابن سعيد لاصرت غاوين = شاعر مصيف المملكه والودايد
وشعارنا في ماضي الوقت والحين = تضرب بها الامثال والفعل كايد
واللي على المنهاج بالطيب ماشين = هتاش هتاش الوفاء والمجايد
وكديميس ابن صالح صعوط المجانين = لاجاء نهار(ن) فيه قدح الزنايد
بفعال ربع(ن) ينطحون المعادين = عتيبه الهيلا حمات الولايد
وشعر ابن حطاب المسمى دواء عين = اخير من اللي ينقلون الزهايد
واللي ليا حضروا هل العلم سامين = جهز وسعدونٍ يحل النكايد
وساير اليا عدو هل العرف وافين = ومحمد ابن حويل بالعرف سايد
وعصام ابن عباس عز الموالين = وسبتي ابن حمود راع الصمايد
وغيره وغيره يالنشاما كثيرين = ومطلق ابن خالد بقوله شرايد
ومطلق ابن هادي طويل الذراعين = واشقير مثل السيف وقت المزايد
وسهل سهل الكسور المتاقين = ومحماس مثل الراس فوق القلايد
ونياف ابن نماس ياحاسده هين = غصبٍ على اللي هرجهم بالحسايد
وحمود ابن بندر بعيد الاكاوين = ونجر ابن فيصل مقر الحمايد
وسهل الحزيمي بالبيوت المزايين = ونشهد انك يابيض الوجه رايد
فالنظم عديت سبع وثلاثين = والرد يبقى له بحورٍ مدايد
مثل الثبيتي مطلقٍ بالدواوين = وغيره حبيب بالبيوت الجوايد
ومستور شاعرنا بكل العناوين = يستاهل البيضاء وسيع البنايد
وملفي على بنوك الذهب بالجناحين = شاعر ولامثله بعشر البدايد
وعبدالله اللي دوم ضد المناحين = لاصار فالميدان خاسر وفايد
وشعارنا في ماضي الوقت والحين = تضرب بها الامثال والفعل كايد
والفتنه اللى مثل حد السكاكين = ماهي تروح بالسيوف الحدايد
نبقى كما حنا اخوانٍ شجيعين = والحر مايوذيه حس الجرايد
وكلٍ على حقه من الناس ويبين = مثل الجبال الراسيه بالوتايد
وكل العباد اخوان مافيه تخمين = رفقة حياه وباقي العمر بايد[/poem]

[align=center]الدجيما[/align]