احذر تصدقهن ولو بايعنك (مراسلات جميلة جداً تهتم بحقوق المرأة)***

[رهين السهر]

الشاعر الكبير بعيد المدى كتب قصيدة وعنون لها (احذر تصدقهن ولو بايعنك)،،، وقد قمت بمجاراته والرد عليه فأصبحت المراسلة بيني وبينه،،
وقد استمتعت بشعره وإبداعه،،،،،، ولكن ياليت فيه شاعرات من النساء يقومن بالرد ويرتاح رهين السهر الذي تصدى للسهام من قبل بعيد المدى،
والآن أترككم مع قصيدة بعيد المدى ///

[poem=font="Simplified Arabic,6,black,bold,italic" bkcolor="transparent" bkimage="backgrounds/33.gif" border="solid,4,gray" type=0 line=0 align=center use=ex num="0,black"]
ياعنك مـا للبيـض لـو عاهدنـك=ذمة ولا فيهـن جمالـة ولا طيـب
أحـذر تصدقهـن ولـو بايعـنـك=وخلك مركزهن على الشك والريـب
ان جيت بـدروب الوفـا ضيعنـك=ولا تثمر علوم الوفـا فالرعابيـب
وان جيت تبغى سترهـن فضحّنـك=بين الرجال أهل السيوف المعاطيب
وان جيـت تبغـى عزهـن ذللنـك=وفي شرعهن ما يحسبن العواقيـب
وان جيت بعلـوم الكـرم خسرنـك=تفلس وهن باقي وراهـن مطاليـب
وان جيت صاحي عندهـن جننـك=واصبحت في جر العوى تغلب الذيب
وان جيت مخلص في هواهن رمنك=ودقن على راسك سواة المناسيـب
وان جيت بالمعروف مخلص وظنك=إنه يبين فـي عيـون الخراعيـب
راحت معاريفـك سـدى وانكرنـك=وحطن على كبدك سواة اللواهيـب
وان جيتهن صابر حليـم احتدنـك=ورنك الحسرة وجابن لـك الشيـب
وان جيتهن راعي حقوق اجحدنـك=وراحت حقوقك في يدين اللواعيـب
وان جيتهن باغي حنـان احرمنـك=تسري وهن ما قدمـن المواجيـب
وان جيت طالـب قربهـن بعدنـك=وكزن يدينـك لا تنـوش التلابيـب
وان جيتهن ضامي هوى ما سقنـك=صدن وحطن في طريقـك عراقيـب
واليـا نقلـت علومهـن فشلـنـك=عند الرجـال معكفيـن الأشانيـب
واليا مشيـت بشورهـن بهذلنـك=ومن رايهن دارت عليك الدواليـب
وان جيتهن قاسي طبـاع أكرمنـك=واليـا لفيـت يكثـرن التراحيـب
واليـا رويـت السالفـة صدقنـك=وان غبت لجلك يرسلـن المناديـب
واليـا وطيـت ارقابهـن سلمنـك=واصبحت مثل الضيف عند المعازيب
واليا كسـرت عيونهـن عشقنـك=ترسي وتصفيلك جميع المشاريـب
لا تحسبـن البيـض يستاهلـنـك=يا مدح يا معروف يا شكر يا طيـب
المـدح لرجـالً تقـف لا غزنـك=غبر المصايب والسنين المجاديـب
والشكر لعيـال ٍ تجـي لا وطنـك=سود الليالي بالحصا والمشاعيـب
والطيب للي يأخـذ الحمـل عنـك=يبرك ويشتال الحمول المصاعيـب [/poem]
بعيد المدى



ورديت عليه بلطافه/// (رهين السهر):::

[poem=font="Simplified Arabic,6,black,bold,italic" bkcolor="transparent" bkimage="backgrounds/33.gif" border="solid,4,gray" type=0 line=0 align=center use=ex num="0,black"]
حرام تطعن في حريمٍ غذنك=سلبت كل الخير منهن مساليب
وين انت عنهن في مقاديم سنك=يوم انك بغاية كبار المحاضيب
عليك شالن الحمولات عنك=وصارت حياة البيض لاجلك تقاليب
عليك شربن العنا وحملنك=يبكن لاجلك لاوطنك غواليب
يبكن لاجل الضحك يسكن بسنك=يبكن لاصكت عليك المكاريب
تسهر عيون البيض لابان ونك=تحملن لاجلك كبار الملاهيب
انشد عن امك كيف كانت تحنك=يعجز لساني لو اعد المحاسيب
وان كان مقصودك عذارى هونك=وخلن ودك بعد مابيَن الشيب
هذيك من جملة بنات لقنك=على قدور الحب فوق المراكيب
مشيت معهن عقب ماطاوعنك=وارخيت حبلك يوم شفت الغواريب
داسن على قربك ولاشاورنك=وخلن في صافي ربيعك مشاهيب
انصحك باللي فالمحبة شرنك=بنات ربعٍ صافيات المشاريب
لاصرت طيب حاولن وبغنك=يشرن قربك لابغن التقاريب
اصدق وزينات العذارى يجنك=بنات ربعٍ ينطحون التراكيب
لاجاك خطار البلد يعجبنك=تحيزمن وانته عليك التراحيب
في مجلسك كل الكرامة كفنك=تضحك مع الطرقي وهنه صواليب
واعرف تراهن لانكرنك جفنك=كلن يبي فرقا خبيث الهناديب
واعرف تراهن لامرضت اسعفنك=صارن طبيباتك بزين التطابيب
اعسف مهار الخيل ويسايرنك=تمشي على رايك بزين التجاويب
تنسفك خير الخيل لاشان فنك=خلتك من عالي ظهرها تساحيب
هذا المثل فالخيل لايطرحنك=يبغن خيالٍ يقود الكتاتيب[/poem] ( رهين السهر)

ثم قام بعيد المدى برد آخر جميل سأورده قريباً إن شاء الله،،،