حمامة تلعي من الفرقا على روس الغصون ( لـ ناصر بن سعدي )

[شاعر عتيبة]

السلام عليكم ...................................



[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حمامة تلعي من الفرقا على روس الغصون=سرت تسامر ليلها بالنوح مما صابها
يامحمد العشاق مع نوح الحمامه يدمعون=لاواعيوني كل منديلي على صبابها
كنيت مابي فالضلوع حزون سامرها حزون =اخفيتها على عيون الناس مايدرابها
قفل جهازك يامحمد خل عنك التلفون=مكالماتك زايده ولا عرفنا اسبابها
عندك مهمه عاجله مالك عذر مهما يكون=هذي مواجيب الرجال الي تضرينا بها
الاوله لفهيد قلناها وجعله مايهون=والثانيه ترسل لابن سعدي بشرح كتابها
رسالتن ماتنرسل ببلاك بيري وآي فون=نسج الذهب في طرسها والعز في جلبابها
قصيدة ماكنها الاالجادل الغظ الفتون=اللي تتل أقصى العروق ان سلهمت باهدابها
احلى بشر من شط ابحر لين شط الهاف مون=احبها واجلها وازعل بها وارضى بها
وقصيدتي بالماس واللولو وبالدر المصون=زينتها وارهيتها والنار من شبابها
اركب علي الي يامحمد مالها شكل ولون=أزرارها في وسطها تفتح وتغلق بابها
ماكنها الا الباخره لاصار فالشاطي سكون=ياكثر ناس مع تخطيها يسيل لعابها
أفخم صناعه للبشر صارت على مر القرون=حازت على (الاوكيه) من عدوانها وآصحابها
تصميم فاخر للرفاهيه ولانواع الفنون=ميزاتها ماتنحصر تصعب على حسابها
ضد الكوارث والرصاص وضد مالا يعلمون=والا المنيه غيبها في علم رب اربابها
ماوقفوها فالمعارض عرض للي يشترون=الله من رجل تمناها عجز ما جابها
بلادها بمواصفات يصممون ويرسلون=على رؤوساء الدول ولا تليق الابها
المرسدس والبنتلي ورا قفاها يرجعون= مثل الاسد بين الوحوش الضاريه في غابها
الفاخره والمعجزه فيها الخيال مع الجنون=آخر موديل الـ (روز رايز) مكملين اتعابها
أكبس على زر الامان وشغل انوار الزنون=ثم تلها يامسندي والخيل من ركابها
تطوي زفلتات المسافه كنها رمش الجفون=وتميل معها ميلة اللي سمها في نابها
ثم قل لبن سعدي لياجيته وشفته بالعيون=هذي قضية شاعر عتيبة موصينابها
قضية ملفها يزري بحله بانكيمون=لويجتمع بالمجلس الدولي بلش بصعابها
فيها السلام ورحمة الله تعتلي هام المزون=تحيتن من حلوها كن الشهد يهدابها
والصدر ياناصر من الايام مليان غبون=صارت تواليها يابن سعدي تعيفنابها
مرتني الدنيا مثل الدنيا مثل ريم تعرض لي بهون=الله يامحلا تحطيها وحلو كعابها
ولاتبدل غيها تميل مع الغصون=الزعفران مع الشمطري والخزام ترابها
لاكنها زيف تغر اللي وراها يلهثون=خداعتن مثل السراب يموت من يضمابها
سألتها ياريم وين اللي على قلبي يمون=الروح وين اصحابها والعين وين احبابها
تغيرو باطباعهم والله مدري وش يبون=ناس دخل فيها بلا مدري وش اللي صابها
والرفقه اللي ماتشاد السيف يوم الوقت كون=ولاهي على وضحا النقا تنعاف ويش ابغابها
والمشكلة من كثرة اللي جعلهم مايكثرون=ناس عسانا مانصحابها ولانبلابها
أشطب على الاصحاب ياناصر ولوهم يزعلون=بعض الرفاقه سلعة خسران ياجلابها
مليت من كثرة تصنعهم ومن ضحك السنون=وقت السعه والا الشدايد ماترف اشنابها
كلن يدور مصلحه لعلهم مايربحون=ولاهمهم غير الثياب اللي تفوح اطيابها
كن اللذي يرقب معزة عند دون وابن دون=الشيعه اللي ترقب المهدي تحت سردابها
ولوهم يزعلهم كلامي يزعلون ويقعدون=الا رفيق لادعته المعضله يشقا بها
هذاك جلاب السعد شيال حملي بالمتون=رفقة معزة مايسام بها ولايصخابها
شرواك ياللي لك حصان الطيب مسرج ومعنون=المرجله تتعبها ومن الظفر تحظى بها
واللي سبق نال الشرف والسابقون السابقون=فازوبها وارجي عسانا مثلهم فزنابها
وحنا على درب المعزة مانحيد ولانخون=نمشي مع الدنيا ونرقا فوق روس هضابها
[/poem][/quote]

وسلامتكم ,,,