.. بث الاثير يثير ..

[مرزوق الرمالي]

مع التحيه والمحبه والتقدير
[poem=font=",5,,bold,normal" bkcolor="transparent" bkimage="http://www.otaiby.com/vb/mwaextraedit4/backgrounds/168.gif" border="none,4," type=2 line=0 align=center use=ex num="0,black""]
ما علي من الاقاويل الكثيره لا خلت من وزنها والاتزان=ولا علي من الهجوس اللي تطيرها العواصف لا سياج ولا ذرا
راحة الاحساس لا عد الحقيقه وانبراله لين يوصلها الامان=والحقيقه والخديعه بينهم وجه التشابه للثريّا والثرا
زارعين الزعفران وهيل يجنون الثمر محصول هيل وزعفران=وزارعين الشك ,في ,ياهل ترا يجنون شك وحدهم ياهل ترا
والزمان يمر فيه المر والحالي وحنا في تصاريف الزمان=والعلوم الطيبه تبقى ولو عدّا الزمن والعمر ما يرجع ورا
يا خفايا الروح روحي للضمير وحركيه وحركي معه اللسان=لجل ما اغش الحروف بشي ما هو من كياني يخدع اللي له قرا
كم خذيت وكم عطيت وكم لقيت وراح فكري من مكان ليا مكان=وكم حملت بخاطري شي ودرا فيه المقابل والمقفّي ما درا
وكم لقيت من البشر يعطون الاربع بينما بقلوبهم عشر وثمان=وكم لقيت اللابسين الثوب الابيض والبياض الداخلي منهم برا
وكم لقيت اللي قساهم هو حلاهم من رضاهم با القساوه والليان=وكم لقيت اللي ليا دارت رحاهم ما تزج الا طحين الافترا
وكم لقيت اللي ليا جيته ضحك والقلب فيه اوصاف من كوفي عنان=وكم لقيت اللي ليا قفيت دمعه من على خده على شاني جرا
وكم لقيت اللي على بث الاثير يثير حس الغير من سحر البيان=وكم لقيت اللي يخوض الحوض ويعكّر ويبدي ما يمر وما طرا
يا ظنوني وصليني وامنعيني عن خطا عيني وقلبي والكيان=ولا توديني متاهات الظنون اللي ينوش الحظ منها الاقشرا[/poem]