جيت الرياض

[عادل العصيمي]

.


[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
جيـت الرياـض وفزّ قلبي من الشوق = والشوق صحى ذكرياتٍ قديمة
الماضي اللي كان منسي ومفهوق = أشرق علاه النور عقب العتيمة
حملٍ قديم وحافظه جوف صندوق = منتوج ويلات السنين الأليمة
صحاه خفّاقٍ من الشوق مطفوق = ما قد درا بأن العواقب وخيمة
جاني يسوقه سوق ذودٍ من النوق = ما كنّه الا جايني بالغنيمة
سحايبه ترزم لها رعود وبروق = غيمة تكف الغيث وتهل غيمة
أغيب مع ذكرى المواليف وآفوق = وأصحى على نزف الجروح المقيمة
صوت العتب غطى على كل منطوق = والقلب يبحث عن خيوط الجريمة
تدور في جوفي معاديل وحقوق = وأحترت بين الحظ والاّ العزيمة
وون ونّة ظيم من كل معلوق = ونّة نديمٍ ضاع عنّه نديمه
تكشّفت صفحات عاشق ومعشوق = وأنا بدار أهل النفوس الكريمة
غريب ما أعرف فيه لو كان مخلوق = الدار واسع والخطاوي غشيمة
أمشي ولكن القدم عاقها عـوق = والا الدروب أشوفها مستقيمة
مدري من أين أحث الأقدام وآسوق = كل الحلول اللي طرت لي عقيمة
شفت الشوارع ما بها ميز وفروق = توشحت قدمي بثوب الحشيمة
ويلاه ياخلٍ مع الناس مرموق = خلٍ وصوفه في زمنّا عديمة
جيـت الريـاض وقلت أبا اطفي الشوق = عودت الملم فالجروح القديمة [/poem]
.