كـثـر الـمـواصـل / عـبـدالله علوش

[شـوآق]

السلام عليكم ورحمه الله وبركاته

صباحكم شعر مع المبدع / عبدالله علوش

[poem=font="modawar,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كثر المواصل بالهوى ماهو بزين=ودك بخلـك بيـن مـده ومــده

لن البنادم ماترك طبعه الشيـن=لاحب له شي وشبـع منـه هـده

لكن لا منه جاك من حين لي حين=قـدرت جياتـه وقـدرت صـده

وان قلت ابيك وقال ماهوب ذلحين=لاتبلشه يمكن ظروفه تحده

اصبر عليه ايام وشهور وسنيـن=ان كانه يودك ... وكانـك تـوده

خلك لمنه اعطاك ماتطلبـه ديـن=ماجاك منه اخذه .. ومـارد رده

ولاتسوي مثل ناس(ن) مساكيـن=اصلك وفصلك بالهوى .. لاتعـده

الحب ماخلا قبيلـه ولاديـن=نكـس حكومـات ِ وكسر اشده

جالوه عقـال ِ وراحـو مجانيـن=وكم واحدن خاضه ولاهوب قـده

يقوله اللي جاحد ِ علته لين=سم الهوى حاله وبيح بـسده

هذا كلامي وانت بتشوف بعديـن=والله ان تميز بين مزحه .. وجده
[/poem]

اتمنى ان تكون حازت ع رضاكم
فمان الله ..