الـراحـلـيـن / للـمـبـدع مرزوق الروقي

[شـوآق]

السلام عليكم ورحمه الله وبركاته

صباحكم شعر .

[poem=font="modawar,6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
عزي لحالي والديار خلي عقب الراحلين=اللي مضوا درب السفر والبعد طالت مدته


أقفوا وخلوني وقلبي مجزعه كثر الونين=وخلو فراغ فالعمر كل البشر ما سدته


خلوني أبكي بعدهم والهم في قلبي دفين=صكت على قلبي غرابيل الزمان وهدته


صرت أتبع الهوجاس وأسري لا ذكرت الغايبين =كني يتيم مالقا امه راح يتبع جدته



ويلاه يا وجدي عليهم وجد مظلوم سجين=خلوه ربعه يوم ضرب الوقت زادت شدته


خلوه يصرخ ويتطلب مالقا قلب يلين=ضدوه واقفوا دون رحمه والصوادف ضدته

أو وجد عود ذره بنيات ما جاله بنين=خارت قواه وطاح معتل وعجز عن كدته


اليا فتح عينه وإلى هن من يسار ومن يمين=هن مالهن غيره وهو كف المنايا لدته


القلب قطعه البكا ونياطه أبلاها الحنين=يسري ويهرب عن همومه والمصايب ردته


يا طول ليلي بعدهم يا جور دورات السنين=يا ويل قلبي دام سيف الوقت زادت حدته


وعزي لحالي والديار خلي عقب الراحلين=اللي مضوا درب السفر والبعد طالت مدته
[/poem]