مرحبا بشاعرنا المبدع وضيف عزيز علينا جميعاً ؟؟؟؟

[فهيد مقعد الرويس]

استكمال لما سبق من اسئلة شيخ الشيوخ

ليش ابو مقعد مايشارك بلغز مع العلم انه مبدع في حل الالغاز ورمعاته طيبه دائماً ؟؟

انا سبق اني كتبت الغاز كثيره ولكن توقفت من فتره يمكن للانشغال او الاهتمام بالقصايد اكثر

واللغاز رياضه فكريه محببه لي كثير


لو سئلناك عن الاسباب اللي تجذب الشعراء لموقع عتيبة في وجهة نظرك ماهي ؟؟

الشاعر عموماً تجده يبحث عن التفاعل مع قصايده وعن الاسماء اللامعه شعرياً لكي يشاركهم

الاستفاده والموقع الذي يحمل اسم قبيله سواء عتيبه اوغيره تجد ان الاداره يوجهون دعوه لشعراء معروفين اعلاميً فتواجدهم له دور كما ذكرت

ماهي اقدم قصيده في ذاكرة ابومقعد من كتاباته القديمه ؟؟ ولاتقول ناسي ترا ماني بعاذرك

هههه لاماعليك ماني بناسي وانت اعرفك ميولك للغزل اكيد اليك هذه الابيات وهي قديمه جداً

[poem= font="simplified arabic,4,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياحي صوتك وحياكـا=لوعبر الاسلاك ينحبـي
ياللين العـود مغلاكـا=لايابعد من خلق ربـي
دايم عيونـي تحلاكـا=ماغيرك احداً على للبي
لوشفت فالقلب مبناكـا=مايلحقك شك في حبـي
والنارمن عقب فرقاكـا=في داخل الجوف تشتبي
امابرد الكبد من ماكـا=ولابتعـد لاتلاعـبـي
وش ينقصك لومن فاكا=مثل العسل لابدا نّبـي
يزيد ميـزان حسناكـا=لاصار يقصدبه الطبـي
والي من الناس يشناكـا=عساه يسحن له الشبـي[/poem]
من هم الشعراء اللي يجذبك شعرهم في شبكة عتيبة ؟؟ طبعاً الجميع شعراء مميزين ولاكن اكيد لك ذوقك الخاص

كثير الشعراء اللي الحقيقه اطرب لشعرهم وعلى سبيل المثال عبدالله المرشدي بن مسلم عادل العصيمي محمد دغيم صنداح الزلامي شاعر اعتيبه ساهر سابق وغيرهم لايتسع المجال لذكرهم

ومن الاقلام النسائيه القاسميه وهي غايبها لها فتره وحصه العتيبيه وشواهينه


هل تؤيد ان الشاعرة تخوض مجال المحاورة على الانترنت؟
وماهي الاسباب؟ا

طبعاً غير مؤيد والاسباب كيثره ومنها المحاوره تحتاج الي قوة تفتقدها المرءه امام الرجل ثم انها لا تتناسب مع طبيعتها الفطريه وهناك امور كثير في دهاليز المحاوره لن تتمكن المرءه من الالمام بها

ماهو رأيك في شاعر المليون ؟ وفي لجنته؟

برنامج حقق نجاح كبير بلاشك وخدم الشعراء كماذكرت اكثر من الشعر واما اللجنه فالغلبيه جانب النقد السليم

ماهي افضل القنوات الشعبية في نظر ابو مقعد؟

المرقاب والصحرى ومن وجهة نظري هي الافضل
اقرب قصائد فهيد الرويس إلى قلبه ؟ (سؤال تقليدي)

المرثيه في والدي رحمه الله هي الاقرب

ماهو الفرق بين المحاوره والمساجلات ؟؟

الفرق في الوقت فالمحاوره حاضر بحاضر وتعتمد على النقض والفتل اكثر من المساجله بالعم ان المساجله يوجد بهاكذلك نقض وفتل ولكن بشكل اقل من المحاوره

السؤال الاخير

قبيلة عتيبة تجمع عدد ضخم من اكبر الشعراء في الجزيرة العربية

مثل

عبدالرحمن العطاوي
خلف بن هذال
رشيد الزلامي
عبدالله بن عون
شقير الجذع


وغيرهم الكثير

من هو شاعر عتيبة من هذه الاسماء في نظر فهيد الرويس طبعاً كلهم يستحقون ولاكن اذا كان لابد من الخيار فمن ستختار؟؟

اذا كان لابد من الاختيار فهو ابوجميل لتواجده في الديوان والميدان

ولعلي ان شالله وفقت في الاجابه على اسئلتك يابورحيم

ولك مني اجمل تحيه