قَلْبِي يسَآركْ يَآلرْيَآضْ ~

[صاحبة السموـو]

لمُهندس الكَلمَة / البَدْر !

.
.
.


عود الثمام ذابل
ومتعرج ظله على الحصا والرمل
وتحت سيقانه سيل مضى واحل
وبيت هجره النمل
لطيورها كانت ملاعب
اطرافها العيدان جاها السموم اللاهب
وحرق الجنحان..


القلب ينضح بالوله والربع خالي
وأوطان مرت في العمروالا ليالي


ما للصحاري فتون ان غابت اثار الظبا
عن ها العروق
والناقة المزيون في عيونها جمر خبا
وسنامها محروق


عود الثمام عودي جف وبراه الشوق
ربي يا معبودي تجعل ظلامي بروق


القلب ينضح بالوله والربع خالي
وأوطان مرت في العمروالا ليالي


اقبل على السيف وجلس
يخط في الرمل بعصاه
وخذا من الغربي نفس
ريحة زهر نجد ف هواه


في القلب جمر يالرياض ذكرك يشبه
ومحد عرف عشق الرياض الا نشبّه
يجيك غصب يالرياض وصادق محبه


يا فالق المحار لاتجيب لي دانه
جب للغريب اخبار وش سوت اوطانه
جينا نبي الارزاق وشبنا تعب وفراق
ضاع العمر وطراد نسيوه خلانه


هواجسه مثل الهبوب
تسكن لها ساعة وتهيج
ومراكب تبحر جنوب
تدوّر كنوز بالخليج


وبالحيل كنزي يالرياض
صخرك وطينك
وماشوف عزي يالرياض الا فجبينك
قلبي يسارك يالرياض وروحي يمينك ..
صوت النوارس غاب
طير ورحل لارضه وفل الجناح عقاب
طير ورحل لارضه وداعتك ياطير
لامن رجعت بخير
جب للغريب تراب من الوطن وأرضه !




.

.

تَحِيَّاتي ..