منقديم الرياحي (رحمه الله)

[؛؛ابو ريناد؛؛]

صباح الورد مما احتفض به

خفا خافين في خافق القلب أختفى
خفين خفا في خافقٍ يقرع اقراعي
لجى والتجى ثم لجلجت عقب مالجى
هواجيس قلبٍ تالي الليل سراعي
اكيل الروابع واتذكر مامضى
واصارع همومي والمخاليق هجاعي
تذكرت لي ناسٍ من الناس مانسو
عهدي وانا مانسا عهدهم ولا ضاعي
غالين غلغلني غلاهم وغلني
هواهم رعى جسمي وقلبي لهم راعي
عسى الله يقب دارهم عقب بعدهم
ويفرح بهم قلبٍ عذلته ولا طاعي
تولع ولاعه لايع الحب لوعتن
خذتبه ثلاث سنين مغرم وملاعي
يقضي اليالي بالسهر في غيابهم
وفي قربهم مرتاح مال السهر داعي
سوات الهوى ياجاهلٍ سيرت الهوى
يسم السليم ويودعه رهن الاوجاعي
وانا اللي فتني وامتحني واصابني
هوى صاحبٍ بالقلب بانله شراعي
تمكن ومكنله سهومن تمكنت
من القلب واصبح قلبي انصاف والرباعي
سهومن مسممتن تسممت
منها معاليق الحشا بين الأضلاعي
وعذابي وغربالي ومابي وعلتي
من أجل الحبيب اللي له القلب خظاعي
خضعت وتبعته من بلانيبه الهوى
وعلى ثومت فؤادي تربع ترباعي
أحبه محبه ساسها الطيب والوفى
محبة شرف والسر محفوظ ماظاعي
طماعة بعضنا في بعض عشرة الشرف
ولأني من اللي كل كلمة تهزهم
طرافيش ناسٍٍ حبهم ضحك وخداعي
ولاهي من أغصانٍ يميل أبهن الهوى
شريفه نضيفه ما تحب التداعي
عليها من الملبوس لبسٍ يزينها
حرير وجواهر غطت الصدر وقناعي
ولها خدٍ ليابان القمر كنه القمر
أخذ من قمر خمسة عشر نور وشعاعي
ومجدولها اللي ما تلزم به النمى
ليا مال عن متنينها ياصل القاعي
وأنا اضن لو مجنون ليلى يشوفها
رمى حب ليلى بين سبعين طماعي

فيصل الرياحي (رحمه الله)

[إبن ثعلي]

لاهنت يابو ريناد والله يرحم الرياحي

[؛؛ابو ريناد؛؛]

هلا بك ولاهان مرورك
شرفتني