للشاعر سالم بن جخير
اتمنى ان تنال إعجابكم
[frame="1 80"]
عزاه ليت الصبر يشـرى والله انـي لشتريـه
وياطي حالي مـن غرابيـل الزمـان وطيتـه
اثر الهوى يخلي الرجـال ينسـى امـه وابيـه
الا بـري حالـه وعزيلـه وممـحـق نيـتـه
يصد عن بعض الوجيه ويشكي لبعض الوجيـه
لاهـل دمعـه عنـد خلـق الله وربـي بيتـه
ياليتهـم يـدرون باللـي فـي فـوادي كلّبيـه
كان اعذرونـي واتركـو قلبـي علـى سجيتـه
(مجنون خلقه ) وابتلاني واحـدٍ حسبـي عليـه
جنيتـي مـن يـوم شفتـه عانقـت جنيـتـه
شرع بقلبي من يسـار وقـام يسحـب مايليـه
لرتحت من شلفاه شفـت المـوت مـن جنبيتـه
الله مسخّرني كـذا والقلـب فـي راحـة يديـه
قلبـي معـه بشهـود ومعـرّف علـى ملكيّتـه
ماغيراراقـب طلعتـه واقــول يالله تهـديـه
عسـاه ياقـع فـي محابيـل الغـرام وخيتـه
امشي معه كني سفيه وارجع معـه كنـي سفيـه
الله معنينـي مـعـه مــن بيـتـه لكليّـتـه
لاشفت زوله من بعيد وكـل شبحـي لـد فيـه
كنه يقـول انـي بامـوت ولا عَبـر محميتـه
انشهـد انـه فالحـلا والملـح مامثلـه شبيـه
كن الحلا فـي معصمـه والملـح فـي كفيّتـه
ابيـه مـن قلبـي ابيـه وكـل مافينـي يبيـه
لخطيت من حسناه راضي لـو تجينـي سيتـه
لو المطالـب بالتمنـي دون كيـف ودون ليـه
كـم واحـدٍ لامـن طلـب تحققـت امنيـتـه
ياليـت لـه اخٍ صغيّـر واتعذربـه واجـيـه
لاقال وش عنـدك هنـا طلعـت لـه عيديتـه
والله لعـزّه وان تعثـر قلـت بسـم الله عليـه
ماهو لجل عين الصبـي لجـل عيـون اخيّتـه
ذبحت نفسـي مـن غـلاه الله يرحـم والديـه
واللي ذبـح نفسـه بنفسـه كيـف تِدفـع ديّتـه [/frame]
| 
|
03-17-2006, 02:25 PM
المواضيع المتشابهه
العرض العادي
