لغز ... الجزيرة.. توصل للحل ]شيخ الشيوخ[

[وجودك يكفي]

مساء الخير

اللغز هذا كتبته امس واللغز بسيط واتمنى يحوز على رضاكم

يقول :

انشدك عن بنت)ن( بوسط الجزيره=تشبه لاسم بنت)ن( قديمه وبالحرف

والاسم نفس الاسم بآيه قصيره=مايقبل التحريف بالنحو والصرف

والحل بالمقلوب في وسط بيره=يموت مع راعيه وانشد هل العرف

[الأدميرال]

وجودك لاهنت على طرحك للغز

ولي عوده

[وجودك يكفي]

المشاركة الأصلية كتبت بواسطة الأدميرال وجودك لاهنت على طرحك للغز ولي عوده

هلا بك يالرياضي هلابك

وبرسل لك الجواب على الخاص لأن حصل عندي بعض الاشغال ومدري متى تخلص
ولآهنت وانا اخوك تسلم اللغز والرد على الرمعات ولا عليك امر يالغالي

[الأدميرال]

تامر امر وانا اخوك
ماتشوف شر ياوجودك و الله يستر عليك

[{ أبوفيصل }]

وجودك يكفي اسعدالله مساكم بكل خير
لغز محبُوك ومْرَسْتك تسلم يمينك
لي عوده

[الأدميرال]

ياهلا ومرحبا فيك اخوي خليجي نت
وبنتظار عودتك

[إبن ثعلي]

لغز محكم مافيه كلام لكني عرفت حله ولن افشيه كذلك يحضر على الأخ ناصر بن سعدي المشاركه في الحل
وموفقين ان شاء الله ومثل ماتعرفون وجودك يكفي كل الغازه من القرآن الكريم وشدوا حيلكم
وتحياتي للجميع

[الأدميرال]

حياك الله يا ابن ثعلي ولاتنسى شيخ الشيوخ برضو محضور عليه
وهلا ومرحبا فيكم

[مدهـال]

المشاركة الأصلية كتبت بواسطة إبن ثعلي لغز محكم مافيه كلام لكني عرفت حله ولن افشيه كذلك يحضر على الأخ ناصر بن سعدي المشاركه في الحل وموفقين ان شاء الله ومثل ماتعرفون وجودك يكفي كل الغازه من القرآن الكريم وشدوا حيلكم وتحياتي للجميع

هههههههههه

اثرك ما أفشيته يا ابن ثعلي ماخليت شي


لكن خل الموضوع ســر بيني وبينك

صح

[شيخ الشيوخـ]

ليش محظور علي وش دخلني يالادميرال ؟
الرسائل الخاصه انا ماشوفها هههههههههه الله يهديك

عندي رمعه وتقبل الخطاء والصواب

(رس )
الرس الي بوسط الجزيره هي مدينة الرس
والبنت القديمه هي اصحاب الرس اللي ورد ذكرهم في القران ( اصحاب الرس )
والمقلوب وسط البير هو الـ (سر) يموت مع راعيه محد يعرفه


وفي انتظار التعليق على جوابي