[align=center]سداح[/align]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
عرّضت صدري ل الهوا عسا تناهيتي تطيـر=
ملّت تحايلني .. وأنـا مليّـت أحايـل كبتهـا
هاذي ثلاث شهور كابتها وصارت ما يصيـر=
الى متى تزرع وتحصد في ضلوعـي نبتهـا
مابه زفير إبلا شهيق ولا شهيق إبـلا زفيـر=
تركيبة أنفاسـي كـذا .. خلقـه ولا ركّبتهـا
آقف على جرّ النسم وامشي على سلك الحرير=
واقص درب الذاهبه وان جابهـا الله جبتهـا
مالي صحيب ولا نديم الاّ العنا .. فقط لاغيـر=
واللي تلوّت فـي حبـال المعرفـه حاربتهـا
والعبره اللي سقتها وعيّـا يعبرّهـا النظيـر=
دحدرتها مع مسلك البلعـوم ليـن أنشبتهـا
وعقارب الساعه على ذبحي تلفّ وتستديـر=
وأيامي الغبرا قهر .. من سبتهـا لا سبتهـا
واليا ضواني ليل ذقت الويل ف الثلث الأخير=
أرقب نجومه وأن بدت شمس الضحى راقبتها
اورّد التوبه .. ليا صدّرت تأنيـب الضميـر=
وأكثـر ذنوبـي لا تتوبـنـي ولا توبّتـهـا
واطوّل المحراف واردّه على اللحن القصيـر=
وأنا هناديبـي علـى مـدّ النظـر هندبتهـا
وأدوّر الخيره .. وأنا خيرّ ولا عيّنـت خيـر=
مصلاح وأسعى في صلاح ظنوني وخربّتهـا
الحال مقطوع الرجا .. والهمّ منقطع النظيـر=
ياربّ نفسـي لا تعذبّهـا .. بعـد عاقبتهـا
يارب لا تجعلني ( الأشقى) موالف زمهريـر=
والطيبّه ما أخطيتها .. والخيبّه مـا صبتهـا
الخاطر المكسور لا يضحك على العظم الكسير=
العظم يجبر والخواطر سايبـه .. لا سبتهـا
لكن يا الرب الغني .. يلوذ بك عبد(ن) فقيـر=
عساك ترحم نفسه وتلطـف ليـا حاسبتهـا[/poem]
| 
|
03-09-2006, 09:29 AM
العرض العادي
