سداح
[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
غنيّت من هجسن طرا في بالـي=
هجسن ليا غنيّت لـه غّنـا لـي
لا فرّ دولابي .. وهزّ اشواقـي=
جريّت صوتي ف الطويل العالي
من تحت رجلي يوم تاطا واطي=
ومن فوق راسي غترتي واعقالي
وفي عظم مخي شاشه وطباعـه=
وبين الضلوع الحدب حاسب آلي
شاعر وسط في مركزي متوسط=
حالي على قدّي واقّـدي حالـي
ما اقول انا راع الحصان السابق=
لاشك مع عج الرمك .. خيّالـي
ومثايلي .. على ماقالـوا فيهـا=
وان جيت امثّلها كثيـر أمثالـي
مير العصا اللي في يدي عصايه=
والوسم وسمي والجمال أجمالي
اقودهـا واسوقهـا .. واغنـيّ=
والله يجملّهـا مـع الجمّـالـي
أرضى بنقـد الناقـد المتمـرس=
الواعي اللي ماعليـه اشكالـي
واصدّ عن هرج الهبيل الحاقد=
اللي يصب المرّ فوق الحالـي !
أنا سمعت أعـن الزمـان الأوّل=
وأنـا تحديّـت الزمـان التالـي
لي لابه وعزوه وربـع وديـره=
ماني مع جرد الفيافـي جالـي
تاريخ ثابت والعرب تـدري بـه=
يوم الهلالي .. يحتميه أهلالـي
أرد عن خالي سوالـف عمـيّ=
وأرد عن عميّ سوالـف خالـي
والطيب أحبّه واحتـرم جلابـه=
وادورّه ب جنيـه ولا ريـالـي
وعلى سلومي ما تضيع علومي=
ووصاة ابويه شلتهـا ل عيالـي
والناس خلق اجناس لكن يبقـى=
اللي عليه العلم .. راس المالـي
من سبنيّ من شان قـولٍ قلتـه=
لسانه اللي يفـرده وش قالـي ؟
أمّا رضيت ب حقّـه ومعدالـه=
وألا عليه الحـقّ .. والمعدالـي
ماهـوب مفنينـي ولا محيينـي=
لا قام يركـز ساقـه ويبرالـي
أمرٍ طبيعي لو تغـار الحرمـه=
مير البلا من غيرة الرجّالـي ؟
تموّا على كسب الجميلـه تمـوّا=
ماعـاد تنفـع حيلـة المحتالـي
الله يكثـرّ خيـركـم ويديـمـه=
فازوا ب الأولى محتمين التالـي
استغفر الله يـوم اعـدّ ذنوبـي=
واضيق لا ضاق الحبيب الغالي
بيني وبين الحب وقفـة خاطـر=
خلاني اعد الهجـوس الحالـي
يا اللي وردت الجمّه المردمّـه=
راحت حبالك تلتوي ف احبالـي
صدّرت عنها والخواطر طابـت=
اللّه .. ولا دلو ٍ تطـقّ الجالـي [/poem]
| 
|
03-09-2006, 09:12 AM
العرض العادي
