اسج بأرضٍ خليه واقطـع الفرجـه

[سطام الجياشي]

السلام عليكم ورحمة الله وبركاته


هذه القصيده كتبتها منذ فتره وحبيت انني انقلها لمنتداكم المعطا والقصيده تعبر عن معناها

[poem=font=",6,darkblue,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
اسج بأرضٍ خليه واقطـع الفرجـه=ماني بضاري على الدكه وقهوتهـا
احب شوف العرب لان العرب درجه=لكن بعض العـرب مالـي بخوتهـا
خوة مصالح ترا ماهيب منفرجـه=اللي تدنـس لحاهـا مـع مروتهـا
اللي تعن الجـواد وتركب بسرجـه=تبغى تهـدم البيـوت بكـل قوتهـا
مالي بخوة ضعافٍ تنقـل الهرجـه=هروج من روسها للنـاس سوتهـا
حتى تحطك مع الاجواد في حرجـه=ماغر بعض العرب ياكود هقوتهـا
حتى خطاها برجليها تـرا عرجـه=تبغى تسلي على العالـم فضاوتهـا
ياوين تلقى رجال الساعه الحرجـه=وقلـوبهم بيض من شدة نقاوتهـا
اصبحت رجلٍ يشيل الداب في خرجه=واقاسي اوقات يامااصعب قساوتهـا
داير بنا الوقت والايام مندرجه=قلبي مابين الهجوس اللي تشاوتهـا
يالله ياللي عليك الصبـر والفرجـه=ياخالق الخلـق يامبـدع تفاوتهـا
تفرج لعبـدٍ ذنوبـه ماليـه درجـه=يارب ياللي على المخطـي تفوتهـا[/poem]

تقبلوا تحيات اخوكم/سطام محمد الجياشي الحارثي

[إبن ثعلي]

صح السانك يااخ سطام ولا هنت قصيدة رائعه

[فهيد مقعد الرويس]

صح لسانك

وعتلاشانك

ويامرحبابك

ياسطام

تحيتي وتقديري

[سطام الجياشي]

صحت ابدانكم والله لايهينكم ياعتيبه

[نادر النمر]

يامرحبااااااااااا ياسطام في منتداك وبين أخوانك .. وأرحب تراحيب المطر


وصح لساااااانك ع القصيده الكاااايفه والوافيه .. وأهنيك عليها ومن جد أسمتعت بقرائتها .


كل التقدير ويامرحباا وغلاااا

..

[تربيتك يابوي]

ياوين تلقى رجال الساعه الحرجـه
وقلوبهم بيض من شـدة نقاوتهـا


أهنيك على الابياات أبدعت فيها وصح لسانك


أختك /تربيتك يابوي

[شيخ الشيوخـ]

صح لسانك ياسطام وبيض الله وجهك قصيدة رائعة وابداع ملحوظ

كل الشكر وننتظر المزيد منك..

[سطام الجياشي]

صحت ابدانكم ومروركم اثلج صدري

[الغربي]

صح لسانك ملايين يابو محمد

قصيده في الروعه والجزاله

تحياتي لك الغربي

[ابوسـعد]

صح لسانك يالذيب وياهلااوغلااء