* طلب ياجماعة *

[بنت شمرالطنايا]

المشاركة الأصلية كتبت بواسطة عبـ الهيلا ـرود طيب شوفي يمكن أنتي مثبتة أكثر من برنامج حماية وعلشان كذا مسبب لك مشكلة أو يكون مثبتة إصدار جديد للبرنامج على القديم وأفضل حل إنك تسوين إزالة لكل برامج الحماية . وتثبتين واحد فقط من جديد بخصوص الصورة إحفظيها على إمتداد jpeg هو أفضل شي وحجمها راح يكون صغير

لا مو مثبته اكثر من برنامج بس حقي القديم المحل اللي اتعامل معه ما عنده غير هالاصدار اقوله حط الانتي فايروس ما يحطه يحط لي الا الكاسبر

خايفه احذفه يعلق جهازي ولازم فرمته وانا ما صار لي اقل من شهر مفرمتته

ما اعرف ياخاله احفظها كذا >>عليميه انا

[عبـ الهيلا ـرود]

طيب خليك معي ياخالة خطوة خطوة

1
تأخذين لقطة أو صورة للمشكلة الي عندك عن طريق
Prnt Scrn في الكيبورد
2
تفتحين برنامج الرسام
3
من قائمة تحرير سوي لصق
4
بعدين من قائمة ملف حفظ بأسم
5
يطلع لك مربع صغير اللي تختارين فية مكان الحفظ
تحت في نفس المربع تلقين خيارين (اسم الملف) و (حفظ كنوع)
في الخيار الثاني تلقين مجموعة أختيارات من ضمنها JPEG
أحفظية على هذا الإمتداد وحمليها على النت
وبعدين أتركيها بالثلاجة لمدة ربع ساعة >>> أثار معارك الفيروسات

بعدين ياخالتي العزيزة ماتلاحظين إنك خربتي موضوعي
وبدل ما أنا داخل أبي الفزعة صرت دكتور وأشرح بعد هههههه
لاتصدقين تمونيين ياخالة

[بنت شمرالطنايا]

المشاركة الأصلية كتبت بواسطة عبـ الهيلا ـرود طيب خليك معي ياخالة خطوة خطوة 1 تأخذين لقطة أو صورة للمشكلة الي عندك عن طريق Prnt Scrn في الكيبورد 2 تفتحين برنامج الرسام 3 من قائمة تحرير سوي لصق 4 بعدين من قائمة ملف حفظ بأسم 5 يطلع لك مربع صغير اللي تختارين فية مكان الحفظ تحت في نفس المربع تلقين خيارين (اسم الملف) و (حفظ كنوع) في الخيار الثاني تلقين مجموعة أختيارات من ضمنها JPEG أحفظية على هذا الإمتداد وحمليها على النت وبعدين أتركيها بالثلاجة لمدة ربع ساعة >>> أثار معارك الفيروسات بعدين ياخالتي العزيزة ماتلاحظين إنك خربتي موضوعي وبدل ما أنا داخل أبي الفزعة صرت دكتور وأشرح بعد هههههه لاتصدقين تمونيين ياخالة

نفذت كل اللي قلتوه خاله

اكيد امون اجل ماني خالتك >>>نشبه هالخاله

شوف صورت لك البلاوي اللي تصير على سطح المكتب بس خالتك وليده من يطلعن اسوي لهن اكست وما اشوفهن

[عبـ الهيلا ـرود]

طيب برنامجك سليم ونفس المشكلة اللي عندك هي نفس المشكلة اللي عندي

البرنامج يطلب منك التحديث على شان يكون شغال

طبعاُ أنتي عندك المفتاح أو السيريال منتهي ولازم تركبين مفتاح جديد

وهذا هو اللي أنا قاعد أدور علية
أول كان فية موقع يوفر المفاتيح بس قفولة

والمشكلة أنا ماني مشترك في منتديات ثانية ولا يمكن أحصلة

[بنت شمرالطنايا]

المشاركة الأصلية كتبت بواسطة عبـ الهيلا ـرود طيب برنامجك سليم ونفس المشكلة اللي عندك هي نفس المشكلة اللي عندي البرنامج يطلب منك التحديث على شان يكون شغال طبعاُ أنتي عندك المفتاح أو السيريال منتهي ولازم تركبين مفتاح جديد وهذا هو اللي أنا قاعد أدور علية أول كان فية موقع يوفر المفاتيح بس قفولة والمشكلة أنا ماني مشترك في منتديات ثانية ولا يمكن أحصلة

اها اجل ما نزلوه مجنون لنا

ولا ما يصلح

ترى انا عليميه ما اعرف يعني لازم يقولون روحي من هنا وسوي كذا خصوصا بالكمبيوتر دايم اجيب فيه العيد

اذا حصلت شي قول لخالتك

[دمي عتيبي]

أها سالفة مفاتيح :52:

<< راحت تدور مفاتيح حقة بيتهم < هههههههههههههههه

الله يقويك يامجنونا عطهم مفاتيح اصليه
واذا بغيتو مفكات وماهوب مقصرــــررر

وعساها اخر الاعطال عندكم وعندنا

[رايـق]

عبرود

دوامه ماتنتهي مفاتيح الكاسبر

خذ اصلي وسعره رخيص من جرير بـ 60 ريال أتوقع يساوي نصف بنزين السياره اذا جيب ... السيارات الكوريه يعادلها 3 مرات

وفك عمرك وصلاحيته بالايام يمكن يوصل سنه ويمكن اقل شوي وانت وحضك ..

وسلامتك

[عبـ الهيلا ـرود]

رايق

يعطيك العافية .. كأنك تشوف وأنا أخوك
أبشرك ركبت أصلي بس بـ 90 ريال من محل في البديعة

لو دريت عن ردك كان مريت جرير .. يالله خيرها بغيرها



بنت شمر

خلاص أنا أنحلت مشكلتي وأنتي الله يعينك ياخالة

تبيني أشتريلك برنامج أصلي ماعندي مشكلة حولي لي مبلغ 150 ريال وأبشري
طبعاً 90 ريال قيمة البرنامج و60 ريال بدل مشاوير وزحمة وبنزين .. ترى لو غيرك أقل شي 200 ريال ههههههه

[بنت شمرالطنايا]

المشاركة الأصلية كتبت بواسطة عبـ الهيلا ـرود رايق يعطيك العافية .. كأنك تشوف وأنا أخوك أبشرك ركبت أصلي بس بـ 90 ريال من محل في البديعة لو دريت عن ردك كان مريت جرير .. يالله خيرها بغيرها بنت شمر خلاص أنا أنحلت مشكلتي وأنتي الله يعينك ياخالة تبيني أشتريلك برنامج أصلي ماعندي مشكلة حولي لي مبلغ 150 ريال وأبشري طبعاً 90 ريال قيمة البرنامج و60 ريال بدل مشاوير وزحمة وبنزين .. ترى لو غيرك أقل شي 200 ريال ههههههه

افا ياذا العلم هذا وانا خالتك تاخذ مني 150

المفروض تجيب لي البرنامج وتعطيني فوقه فلوس >>>وش هالخاله

اشوى انك ركبتوه

والله لو ادري كان ماخذته معي لان توي جايه من براء والحين عاجزه اوديه

خله الين ما ربك يحلها والله يفكن من الفيروسات

[رايـق]

بنت شمر

ابشري بعزك اذا تبي شريناها لك من النت بس انتي ثبتي البرنامج عندك وبس

وبدون مصاريف الشحن الي يبيها ( مصارنه )

عبرود