التعامل مع الانثى ليس سهلاً ...

[خيّال الهيلا]

السلام عليكم ورحمة الله وبركاته ..

كثر ماخذت من دورات تدريبيه وكثر ماقرئ كتب عن امور التعامل ..
وكثر ماهتم بهذا الجانب واعتني بخصوصه ..
لكن استطعت اتعامل مع كافة اطياف المجتمع .. الا الانثى اعتبر كل ماكتسبته .. مايفيد معها !

احياناً التجربه تعلم .. لكن كيف اتعلم وانا بكل مره اسقط في نفس التجربه ؟ :)
قلت بأخذه كعلم .. وابحث فيه على صوب .. واعرف شلون تفكر وشلون تشعر وشلون يتعامل معها ..
برضو .. صفر ...

عرفت ان الانثى اهم شيء يتم التعامل معها بعفوية وبدون تصنع ...
حسيّت هذا اقرب ماوصلت له .. لكن احياناً هالنقطة مو شرط تفيد .. بالعكس احياناً تخسّرك معها ..

برضو .. احياناً احس انها تتشكل على مزاجها هي .. وصعب تمشي معها وتتكيف ...
مرات تشوف كلمة وتراضيها .. ومرات تجلس ساعه ولا رضت الا بمقابل ..
ياتمشيه .. ياهديه ..
مرات ماترضى هي الا بمزاجها ...

وماهي بس سالفة الرضى .. حتى احياناً في التعامل ..
مرات تشوف كذا تعامل ماتتقبله .. ومرات كذا تعامل ترغب فيه ...

وانا متأكد لو طلبت من اي شخص اسلوب تعامل واحد مع الانثى .. بيعجز ..
مدري اعتبر الأنثى مزاجيه .. او هي الأمور كذا في تركيبتها ..
او الرجل بطبعه ماهو مرّن وبطيء في التحوّل ..


كتبت كلامي كمعرفة كسبتها من الحياة ... وحبيت اقدمها كـ فائدة ..
خصوصاً للذكور ..
ركزّوا زين بالتعامل معهن ... لأن النتيجة النهائية فشل .. بس عالأقل اقدروا تصلحون الامور ..
حبّه حبّه حبّه .. عالأقل ازين ماينكّب الوضع زيادة او يعفسه ...
واعرف ان التعامل ماهو سهل .. لكن اكيد لكل شيء حل والله يعين في اكتشافه ..
:)

وخواتي الانسات .. مايحتاج تقولون الا فيه طرق توصلك بسهولة في التعامل معها ..
ياكثر ماقريت كلام نساء بهالخصوص .. لكن ماشوفه ينطبق على ارض الواقع ..
لانكم انتم بنفسكم ماتحسّون انكم متغيرات ....
بس برضو خفّو علينا شوي .. ترى المروّنه والتغير خاصيه ازلية لكم .. ومافي اي مجال الوضع يُضبط بالنسبة لنا معكم ..



.. خيّال الهيلا ..

[صقـر عتيبـة]

اخوي خيال الهيلا

كل ما قلته جميل الاثنى صعب تتعامل معاااها بمزاجك او بكيفك

لماذا .... لانهم انثى وعوره وخاصه الانثى الاجنبية صعب وصعب جداً

الله يكون بلعون والله يخارجنااا منهم وان شاء الله يرفقون علينا شوي

مشكووور والله يعطيك الف عافية على الابداع المميز

لك تحياااااااااااااتي

صقر عتيبة

[اصايل]

مرور لـــــــــ :)


سجل اعجابي بماكتب اعلاه


جوريه لك

[خيّال الهيلا]

المشاركة الأصلية كتبت بواسطة صقـر عتيبـة اخوي خيال الهيلا كل ما قلته جميل الاثنى صعب تتعامل معاااها بمزاجك او بكيفك لماذا .... لانهم انثى وعوره وخاصه الانثى الاجنبية صعب وصعب جداً الله يكون بلعون والله يخارجنااا منهم وان شاء الله يرفقون علينا شوي مشكووور والله يعطيك الف عافية على الابداع المميز لك تحياااااااااااااتي صقر عتيبة

مدري وش علاقة الملون بالأحمر بكلامي ..
بس ياشيخ انت رهيب ...
... روح نمّ الله يصلحك .. لاتسهر كثير

[خيّال الهيلا]

المشاركة الأصلية كتبت بواسطة اصايل مرور لـــــــــ :) سجل اعجابي بماكتب اعلاه جوريه لك

اصايل شكرا لك لمرورك وتواجدك ..
تشرفنا فيه ..

[النجم الأصيل]

خيال الهيلا

التعامل مع الانثى من وجهة نظري انا انه من اسهل ما يمكن لا ن المرأة لطيفة وحنونه وباستطاعتك تملك المراةوتتعامل معها بطرق جميلة هذا ما حببت توضيحه ولك تحياتي

[سيوف]

مدري خيال يوم قريت كلامك احس اننا صعبات ونحن احن خلق الله انسانا :o

<<عاد مزاجها من رمضان معفوس << باقي لي رجعه اتكلم عن وضع المراءه :)

لان من تجارب الي حولي بحلانات بكم يالرجال وش يسون وش يخلن لارضاءكم :o

دمتم في دوامتكم معهن :)

،،،،،،،،،،،،

[خيّال الهيلا]

المشاركة الأصلية كتبت بواسطة النجم الأصيل خيال الهيلا التعامل مع الانثى من وجهة نظري انا انه من اسهل ما يمكن لا ن المرأة لطيفة وحنونه وباستطاعتك تملك المراةوتتعامل معها بطرق جميلة هذا ما حببت توضيحه ولك تحياتي

الحنان والطيبه من صفات المرأة .. بس برضو التعامل معها صعب ...

نفذ لها طلبات كل الأيام .. وتعال بيوم واحد وارفض لها طلب .. تنكر كل الماضي ..
عاد انت بتقول الا انا وديتك كذا وكذا وكذا .. بتقول يعني بتتمنن علي بهالمشاوير :)
بتقول لا بس حبيت واضّح اني مو مقصر معك .. تقول طيب اجل ودّني هالحين ..
تقولها مشغول مثلاً .. تقول يعني شغلك اهم مني ...
ولآخر .....

هم عندهم تدقيق على الأمور الصغيره .. وتحسسهم دائماً اسرع ..
ويمشون مع عاطفتهم قبل عقلهم احياناً .. وهذا يسبب في كذا تصرفات ..

[خيّال الهيلا]

المشاركة الأصلية كتبت بواسطة سيوف مدري خيال يوم قريت كلامك احس اننا صعبات ونحن احن خلق الله انسانا :o <<عاد مزاجها من رمضان معفوس << باقي لي رجعه اتكلم عن وضع المراءه :) لان من تجارب الي حولي بحلانات بكم يالرجال وش يسون وش يخلن لارضاءكم :o دمتم في دوامتكم معهن :) ،،،،،،،،،،،،

مو المشكلة في المزاج .. :)
اكيد بنستفيد من التجارب .. حيااك الله بأي وقت ياسيوف
وننتظر رأيك وتواجدك ..

[ރالزيــاديރ]

خيال الهيلا

أرى ان شخصية الأنثى تُبنى من أول مقابله لها بالرجل

فليجعل له شخصيه متوسطه شديده مرنه متقلبه

فلا يجعل من نفسه ضعيف شخصيه بتعامله اللطيف الزائد عن الحد..
فستكون شخصيتها صعبه فلا ترضى الا بالكثير ولاتغفر الزلات الصغيره..

ولا يجعل شخصيته عصبيه ومعقده وجديه دائمآ
حتى لا يخلق مشاكل وانفصلات او ربما تصبر على حياته البائسه تضحيه لمن تحبهم وتصبح هي الضحيه


الوسطيه جميله ومع هذا الموضوع زد الوسطيه حبتين:)

تحياتي لك