لديك عادات غريبة ؟! تعال وأخبرنا بها هنا ..

[سلمان]

سلام يا الجميع

اللهم زد وبارك

كاثره الحالات هنا شذى والله لو يسجل معنا دكتور امراض نفسيه ليصير اطلق واحد

ما اقصد انكم نفسيات

يكفي انا

معلن التحدي مع القذافي
ــــــــــــــــــــــــــــــــــــــــــــــــــ ــــــــــــــــــــــــ


امس كنت في المعارض ومتذكر ها الموضوع لاني طلعت فيني شي
طبعاً كل واحد يسولف بينه وبين نفسه مافيه شي موب وسوسه اصلان شي كويس هي لانك تفكر بينك وبين نفسك كيف تعامل مع فلان وش تقول لفلان بتروح المكان الفلاني وش اسوي

المهم

انا طبعي اني احب اتطنز على العالم موب بس اكشتفت امس وتاكدت اني حتى وانا لحالي اجلس اتطنز في العالم في نفسي يعني امس في المعارض راح يومي ما طالعت السيارات اطالع الناس واحللهم ذا شكله غبي ذا توحفه ذا المفروض في الجنادريه ذا محترم ذا شايف نفسه
يعني ابي اختصرها

لو ما لقيت احد اسولف انا وياه ونتطنز على الشعب جلست اتطنز فيهم في نفسي

اعرف نفسي بثر :85:

ولي رجعه

ومثل ماقلت يا القذافي وخر عن طريقي فيه منافس لك

[غلا الجعده]

يؤيؤيؤ وش ذا كل العتبان مرااض <<< احترم حالك ولااه

وانا اهون شيء فيكم <<<والله انك اصعب حاله

انا ما اقولكم الا الحالات الهينه لأني لو بجيب الأشياء الثانيه ما ادري وش تسوون

المهم
أنا لا مزح معي رجال ابكي <<< قصدي برجال عمي خالي جدي
لازم ابكي وأزعل والله ان مزح الرجال ثقيل وانا ما اتحمله
باستثناء الوالد طبعآ ما ابكي من مزحه <<< حاله مستعصيه
لي بآآك

[شذى العصمه]

عليكم عادات

طقوس

غريبة

عجيبة


< يازين شذى بينهم

نظرة خجولة

مشكورة ع الورد و وجودك أحلىآ باقة

ثاني شيء وش ذنب رجلك ..

يمكن قد وطيتي حشرة عشان كذا لاشفتيها تفاعلت رجلك مع الموضوع

قلبت مشكلتك يمين يسار ماش مالها طب ,

عبد العزيز حياك داييييم


شموخ أي و الله وينك ؟

من الأزمة وأنا ياربي شموخ وين غدت ؟ < تسمع بالأزمة

من عهد جدي وانا اأعييييط ..

تعينوها ........ ؟ < عاجبتها الكلمة بس ماتدري وين تنحط

شموخ أحس انك تخلطين روب بـ شاهي :( .. < لا تصدمينها

بعدين الكذاب لاتجاملينه عطيه بوجهه ..

وش يحدك يا اختي الطيبة الحليلة :(

هلا هلا بمنافس القذافي

هلا بـ سلمان

ماودي أقولك جعلك ماتلقى أحد يحش معك

اخاف إنك تحش مع اخوانك / اخاف انها دعوة شينة

خل حشك بينك وبين نفسك .. اتوقع ماعليك ذنب < أوفر

الله يستر لاتحط صورة عمر المختار و تروح لإيطاليا

عليك عادات

غلا الجعدة

يا حياتي شكل جايك من مزحهم رعب ..

تعالي شوفيني ياصبري صبراااه

مره اخوي سحبني من سريري ع الأرض

ليييييييين وسط الصاله

< ماسكها من طرف القميص

يسحبني ع البلاط ويقول وخروا جاكم الهريفي

قد شفتي اخ يقوم اخته كذا

يا اختي انا شفت دفاشة / بس زي اخوي ماشفت

اذكر من ذاك اليوم يوم سحبني جلست اسبوع ماانسدح ع ظهري

ما الومك و الله ..

الحين لاقرب اخوي مني مسكت يدينه حتى لو ماسوا شيء

والا نقزت من مكاني تقول شايفه جني

[شذى العصمه]

الناس اذا جيت تسولف تطالع بـ عيونك

تطالع بـ يدينك وحركاتها

تطالع بـ خشمك / خدك .. ضرسك اليمين ..

تطالع بـ الأرض

الغريب العجيب .. وحدة من صديقاتي

لا جاء أحد يسولف معها تطالع بـ قصته ( الغرّة )

أغرب حالة مرت علي ..

تسبب للي يسولف معها أزمة

الواحد يحس إن بشعره قمل و الا بلىآ

أحس السالفة تطير مني و السبه بحلقتها بقصتي

بالله تخيلوا الوضع

أحس اني قاطعتها والسبه طبعها الغبي الله يصلحها

[سيوف]

المشاركة الأصلية كتبت بواسطة شذى العصمه الناس اذا جيت تسولف تطالع بـ عيونك تطالع بـ يدينك وحركاتها تطالع بـ خشمك / خدك .. ضرسك اليمين .. تطالع بـ الأرض الغريب العجيب .. وحدة من صديقاتي لا جاء أحد يسولف معها تطالع بـ قصته ( الغرّة ) أغرب حالة مرت علي .. تسبب للي يسولف معها أزمة الواحد يحس إن بشعره قمل و الا بلىآ أحس السالفة تطير مني و السبه بحلقتها بقصتي بالله تخيلوا الوضع أحس اني قاطعتها والسبه طبعها الغبي الله يصلحها

شذى نفس حال واحده عندنا بس تقزز فوق اقولها ناظري تحت تقول ماقدر مااعرف اسولف

وع قولتس تخلي الواحد يمرر يده ميت مره ع شعره حتى لومافي شعره شيء << اوووف نفسيات طالعه منها

وسلمان انت نفس خالتي بس تسولف ع نفسها ع بالي سخنه واثره طبيعي طمنتني ياشيخ

وفيني شيء يابنات مقدر اقوله ع الين ابي اعرف انتن زيي ولا لا :(

،،،،،،،،،،

[بنت شمرالطنايا]

ههههههههههههههههه

حلوه هالعادات وانا بعد عندي عادات غريبه عجيبه بعضهم قالوها

فيني عاده اذا دق التلفون لو ينقز المتصل ما ارد عليه اكره شي ارد على التلفون لاني ادري محد بيتصل علي >>>فاقده الامل

والعاده الثانيه اذا حطيت مناكير على اظافري ما يقعدون نص ساعه لازم العب فيهم اشيلهم باظافري باي شي اهم شي ما يقعدون على اظافري >>>ليش متعبه نفسك وتحطين مناكير

واذا جيت ابي اشرب ماء لازم اشربه شوي شوي يعني اقعد ساعه وانا اشربه (جغمه جغمه ) حتى اكثر الناس تسالني اللي معك عصير >>>لا تلومينهم

وفيني عاده شينه لازم اشم يعني اي شي لازم اشمه ليش مدري حتى لو كان توي جايبته من الحبل لازم اشمه وخواتي متاذيات من هالسالفه

واذا كنت مركزه بشي تلفزيون على النت واحد جاء سالني ما انتبه عليه واذا ازعجني اصارخ بوجهه غصب عني وهالشي مسبب لي مشاكل

وفيني عاده اذا جعت لاخر درجه اظلع يعني اعرج ههههههههههههه ليش مدري >>>تمثل دور البائسه ههههههههههه

الى هنا كفايه اكمل بعدين

[سلمان]

اخاف

ادخل في ذا الموضوع كل يوم ثم اطب من سطح بيتنا ولا اشرب كلوركس من مدري وشسمه النفسيه



عندنا في المكتب عرفتوها الوحه ذي الي يحطون عليها اوراق ويجيبون مشابك ملونه يثبتون الورقه فيها
الي تجي في المساجد والمدارس وشسمها ( الظاهر لوحة اعلانات )

هذا ياطويلين العمر

من يوم عرفت مكتبنا كل يوم لادخلت جمعت المشابك ذي الي كنها ابر

وجلست العب على الوحه ( يوم متحمس مع العالمي واكتب نصر يوم يجيني جنون العضمه واكتب سلمان يوم اكتب اسامي الخلق )

المهم الوحه ذي محلل والدينها حتى سموها عندنا لوحة الملحس لانها صارت عاده عندنا

يعني القا واحد كاتب فهد با المشابك اروح افرقها واكتب سلمان اجي اليوم الثاني القا واحد كاتب في شي ثاني




وبس

ماودي اكثر عليكم


( بس صراحه لاحظت شي

بنت شمر اجل لاجعتي تعرجين ههههههههههههههههههههههههههههههههههههه

هههههههههههههههههههههههههههههههههههههههه( يضحك مره ثانيه مايدري وش يقول بس حاله مستعصيه )


وسيوف


لاتطمني خالتك صاحيه

ماتسولف مع عمرها الى من الدها والتخطيط بس لاتحمس واجد ثم يجيها مويه صحه

[غلا الجعده]

[QUOTE=شذى العصمه;835459][center][font="simplified arabic"][size="3"]
غلا الجعدة

يا حياتي شكل جايك من مزحهم رعب ..

تعالي شوفيني ياصبري صبراااه

مره اخوي سحبني من سريري ع الأرض

ليييييييين وسط الصاله

< ماسكها من طرف القميص

يسحبني ع البلاط ويقول وخروا جاكم الهريفي

قد شفتي اخ يقوم اخته كذا

يا اختي انا شفت دفاشة / بس زي اخوي ماشفت

اذكر من ذاك اليوم يوم سحبني جلست اسبوع ماانسدح ع ظهري

ما الومك و الله ..

الحين لاقرب اخوي مني مسكت يدينه حتى لو ماسوا شيء

والا نقزت من مكاني تقول شايفه جني

ههههههههههاي والله تخيلت شكلك قطعتي قلبي الله يعينك انا لو اخوي يمزح معي كذا ياويله

مره عمي مزح معي قال سلمي على رأسي انا عمك
أنا لو سلمت ماراح ينقص مني شيء بس عناد مابي أسلم على رأسه
عاد عمي ذا عليه مزح مدري وش يبي ياهو ثقيل مزحه
المهم قلت له ماراح اسلم واعطيته ظهري <<< ماشاء الله وين الذوق
ويشدني مع شعري ماتعورت كثر ماحسيت اني انهنت << اذبحيهاولا تشدين شعرها
وتشوفين الدموع أمطار امطار مو دموع
وأخيرآ هو اللي سلم على رأسي طبعآ من نفسه مو انا اللي قلت له<<<ونعم فرحانه بعمرك

[بنت شمرالطنايا]

المشاركة الأصلية كتبت بواسطة شذى العصمه الناس اذا جيت تسولف تطالع بـ عيونك تطالع بـ يدينك وحركاتها تطالع بـ خشمك / خدك .. ضرسك اليمين .. تطالع بـ الأرض الغريب العجيب .. وحدة من صديقاتي لا جاء أحد يسولف معها تطالع بـ قصته ( الغرّة ) أغرب حالة مرت علي .. تسبب للي يسولف معها أزمة الواحد يحس إن بشعره قمل و الا بلىآ أحس السالفة تطير مني و السبه بحلقتها بقصتي بالله تخيلوا الوضع أحس اني قاطعتها والسبه طبعها الغبي الله يصلحها

الله يقطع ابليسك يعني فيه ناس تطالع بالقصه عاده توي دريت والله
مره كنا معزومين على عشاء وكنت اسولف مع وحده وكانت تطالع لقصتي انا شكيت بعمري قلت معقوله شافت شي بشعري معقوله انا مقموله وانا مدري بس شعري ما يحكني
المهم طول القعده وانا فيني وسواس ان فيه شي بشعري وقعدت احرك شعري كل شوي وامسح فيه قلت اذا فيه قمل يدخل داخل لا يفضحني عند العرب
ويوم رجعنا اختي تقولي وش فيك قطعتي شعرك بس تمسحين فيه قلت بقلبي ما تدرين يمكن اطلع مقموله

اثر الدبه فيها عاده

المره الجايه اذا شفتها بهاوشها سوت فيني وسواس >>>تبي تصفقها تصفيق

[حنين الليل]

والله ضحكت من قلبي ياعبدالعزيز على حركت الرمش هههههههههه

امــــــا انــــــــا فيه عاده مرررررررررره متعبتني اذا احـــد زعلنـــي او زعـلــت مـــن شـــي
اكــــــل اي شــي والله العظيــــــم حتى لـــو ما احبــــه مــــن جــد عـــــــاده سيئــة
ادري الحيـــــــن كــلكـم بتضحكــون عليـــه الله لايبليكـــم