نقل الحرار الصيرميه نواميس

[شيخ الشيوخـ]

السلام عليكم ورحمة الله وبركاته

نقل الحرار الصيرميه نواميس
...............وعماش نقله يلحقه زود نوماس
حرٍ فرق بين الحرار القرانيس
............... فرقه عليهن فرق لولو من نحاس
ابلج نداوي من حرارٍ فواعيس
.............. يزها بياضٍ فالنحر مثل قرطاس
سلايل الفارس مواكير فريس
............. وكل اصلٍ عروقه تعود على الساس
عماش مجنا الاصل ساسٍ وتاسيس
................ مجذوب من عرقٍ مغذيه قرناس
له في بلاد الفرس وكر ومراميس
............... وكر الجبل ماخالطه وكر الاطعاس
ماكر حرارٍ مايطوله مفاليس
................... مايقدره ياكود ناسٍ على ناس
مقيسٍ طوله مع العرض تقييس
............ ابيض نحر واحمر ظهر كاشف الراس
لاماز عمره للقشر يسبق ابليس
................... كنه معلق جاك سابح وغطاس
ماهوب كفاخٍ تخمه وساويس
............... اركد من اللي فالمحاريب جلاس
لاتل سيره والحباري مراويس
................ يقلط كما يلقط على الحرب فراس
واليا طلع ماراح طلعه هماريس
...................... متوكدٍ لو دونها قطع الارماس
والطير ماينقاه ناس ٍ هداريس
...................... الطير ولعه والهوايات مقياس
واليوم يبلون الصقاره برابيس
...................... كل ٍ غدا حجـّام ومقلع اضراس
ياعنك نقل الطير عقب المحابيس
................... يشفي صدى قلب ٍ من الوقت حساس
ويازين هده في خلا مابعد ديس
.................... لامن بدا راعي الحطب ينقل الفاس
وذكر الحيا ماعاد يبغى عواسيس
..................... الروض فيه النبت من كل الاجناس
هذي الحياه اللي تزيل الكوابيس
........................... لاناقل ٍ هم ٍ ولا فيه هوجاس

للشاعر / خالد بن مدعث الدوسري

شيلة / مهنا الدلبحي العتيبي

[youtube]http://www.youtube.com/watch?v=-Qa6FEm5Dwo[/youtube]

[khalid"AL:mokaty]

الله الله .../ صح الله لسـان الشـاعر وتسلم انامل النــاقل مشكوووووووور يالغالي.../


لاهنت وتقبل اعذب التحايـــا مع مروري,.../

[» عبدالعزيز «]

₪ ₪

صح لسسان خالد مدعث ,,
ويسلم صوت مهنا ..
ولاهنت ياشيخ الشيوخ ..

₪ ₪

[سلمان]

يا سلام



صح لسان خالد مدعث

ويسلم مهنا على شيلها

وتسلم يا شيخ الشيوخ على جيبتها لنا


لاهنت يا الغالي

[اصايل]

صح لسان شاعرها


وصح صوت شايلها


وسلمت يمين ناقلها


لاهنت

[شيخ الشيوخـ]

مقاطي
عبدالعزيز
سلمان
أصايل

ياهلا ومليون هلا

[رايـق]

شيخ الشيوخ

اختيار راقي ونقله مميزه

تسلم يمناك