قصــه وقصيــده.../شاب خطب بنت عمه المليونير .../

[khalid"AL:mokaty]

[color="red"] بسم الله الرحمن الرحيم .../[/color]

السلام عليكم ورحمة الله وبركاته .../

كيفكم يالربع .../ دايم عودتكم على العيــار الثقيــل > مافــي كلام.../

اليوم جايب هالقصه مع قصيدتهــا جداً جميله واعجبتنــي وحبيت انقلها لكــم.../


وهي تحكي عن معانات الشباب في وقتنا الحالي
فغلاء المعيشة مرتفع للقمة والشباب بدون وظائف
ونسبة العنوسة ارتفعت الى 70%
فالشاب يرغب بالزواج ولا يستطيع الزواج الا من اقاربة
ففي شاب فقير تقدم وخطب بنت عمه المليونير


وتفاجاء الشاب أن عمة
زود علية الطلبات فقال القصيده:


سبحان من يرزق بتوع الملاييـن -------------- الرازق اللي ما يخيب الرجـا بـه



لي عم عنده معـرضٍ للصواليـن ----------------------- أموت واعرف بس من وين جابـه



وإذا سألته قـال بعـت الدكاكيـن ------------------------ ما يدري إني ما هضمت الإجابـه



الشاهد إني رحت له قبـل يوميـن --------------------- في قصره العامـر ودقيـت بابـه



قال ارحب ارحب عدّ ورد البساتين --------------------- يا مرحبا باللـي لفـا يـا هلابـه



قلت البقا عـدّ النفـل والرياحيـن --------------------- يا شيخ شمل اهل الكرم والذرابـه



قال اسلم الله يحفظك لي من العين ----------------- وآمر أوامر حضرتـك مستجابـه



قلت الصراحة طالبٍ قرب غاليـن ---------------------- ودي تزوجنـي كريمتـك يـابـه



ثنّى وقال اهليـن والله وسهليـن --------------------- والكون ترخص لجل عينك رقابـه



لكن ترا عندي شـروط وقوانيـن --------------------- قلت اشرط اشرط يا حبيب الغلابـه



قال أولاً مهر العروسـة ثمانيـن ---------------------- غير الرسوم وغير حق العصابـه



والثانية عمك يبي منـك سبعيـن -------------------- رسم الأبـوّة والنسـب والقرابـه



وام العروسة حقها منـك ستيـن ------------------- عشانها ست الحسـن والمهابـه



واخوانها كلن يبي منـك خمسيـن ------------------ عداً ونقـداً تنـدرج فـي حسابـه



وخواتها الخمس اعطهن من ثلاثين ---------------- عشان تتوثـق عـروق النسابـه



وتجيب طقم عيار واحد وعشريـن ---------------- وخاتم من الماس المصفى ترابـه



واكياس متروسة كعوب وفساتيـن --------------- ألوانهـا واشكالهـا مـا تشابـه



وموتر بسواقـه وفيـلا بدوريـن ------------------ أثاثهـا مـن بطرتـه ينحكـابـه



واحجز لنا قاعة بقصر السلاطيـن --------------- واحجز بهـا رقاصتيـن وربابـه



وامنع دخول اهل اللحى والبزارين ------------- واعزم أميـر المنطقـة بالنيابـه



هذي الشروط اللي على بالي الحين ---------- وذكرني اللي ما حسبنـا حسابـه



قلت اذكر الله يا عـدو المساكيـن --------------- واستغفـره لا يبتلـيـك بعـذابـه



الظاهر إنك منت عارف أنا ميـن ---------------- أنا لو ارقا فـوق متـن السحابـه



ما جبت حتى نص درزن مواعيـن --------------- واضحك بكيفك واعتبرهـا دعابـه



شروطكم هذي شـروط المجانيـن -------------- شروطكم شغـل ابتـزاز ونهابـه



شروطكم تقصم ظهـور البعاريـن --------------- شروطكـم همّـن وغـم وكآبـه



شروطكم والله سيوف وسكاكيـن -------------- تذبح بنات المجتمع مـع شبابـه



وين الرضا والعطف واليسر واللين -------------- اللي ذكرهـا الله بمحكـم كتابـه



وين الصفات اللي أمرنا بها الديـن ------------- وين اختفى نهج اهل النبي والصحابـه



يا عم جعل اللي خلقنا من الطيـن ------------ يرد عقلك مـن خطـاه لصوابـه



ويجعل نصيبي عند غيرك قل آمين ----------- ويحسن عزا الصابر ويجزل ثوابه



قال انت لو فكرت تفكير صاحيـن ------------- ما شفت في مجمل شروطي غرابه



حنا بعصـر العولمـة والمزاييـن -------------- ماهوب عصر الفلسفة والخطابـه



الناس تسعى للرتـب والنياشيـن ------------- وانت اهتمامك بالشعـر والكتابـه



والشعر ما ينفعك لو هو دواويـن ------------- ما دام جيبك مثـل بيـت الخرابـه



يا بوك لا تسمع كلام المصاخيـن ------------- واسأل مجرب عاش في وسط غابه



قلت الله اكبر يا محـرر فلسطيـن ----------- من يسمعك يحسبك ذيـب الذيابـه



تراك شايب راس مالـك رياليـن -------------- والبنت ما تسوى جنـاح الذبابـه



قال انقلع مالت على وجهك الشين ---------- لا عاد اشوفـك عندنـا يالزلابـه



قلت ابشر ابشر لكن الباب من وين ---------- واقفيت من عنده على صوت بابـه


الله يخلف عليهم.../

تحياتـــي لكــم: خــالد المقــاطــي.../

[عالية الشان]

الله يعينـــــــه ويرزقـــــــه ببنت الحلال الي تقدره وتعينه.
مشكور أخوي على القصه والقصيده الي تقهر.
تقبل مروري .

[إبن ثعلي]

(تراك شايب راس مالـك رياليـن -------------- والبنت ما تسوى جنـاح الذبابـه )
ليته قال:-
ترى بنفسك ماتساوي ريالين 0000وبنتك ماتسوى لي جناح الذبابه

لأن البيت الأول قلب معنى القصيدة الجميله رأساً على عقب واحتقر جميع البنات وانا اريد المعنى يقتصر على بنته واحتقارها جاء بسببه0
واخيرا لاهنت يامقاطي قلبك ساطي على نقل القصيدة الجميله باستثناء البيت المشار اليه ولو ان فيها مبالغه واضحه
وتحياتي لك

[khalid"AL:mokaty]

المشاركة الأصلية كتبت بواسطة عالية الشان الله يعينـــــــه ويرزقـــــــه ببنت الحلال الي تقدره وتعينه. مشكور أخوي على القصه والقصيده الي تقهر. تقبل مروري .

اي والله تقهـــر..../

لاهنتـــــي على المرور ياراعية الِشـــان العطـــر .../

[اصايل]

ابوها طمااااع :)

قصيده جميله يالمقاطي


لاهنت



برايفت لابن ثعلي


من وجهة نظري ماقصد كل البنات هنا


لانه حط ((ال التعريف )) وهنا تعتبر البنت معرفه واتضح انه يقصد بنت عمه يعني تخصيص دون التعميم :)

(( حاسوا ابو القصيده

[khalid"AL:mokaty]

المشاركة الأصلية كتبت بواسطة إبن ثعلي (تراك شايب راس مالـك رياليـن -------------- والبنت ما تسوى جنـاح الذبابـه ) ليته قال:- ترى بنفسك ماتساوي ريالين 0000وبنتك ماتسوى لي جناح الذبابه لأن البيت الأول قلب معنى القصيدة الجميله رأساً على عقب واحتقر جميع البنات وانا اريد المعنى يقتصر على بنته واحتقارها جاء بسببه0 واخيرا لاهنت يامقاطي قلبك ساطي على نقل القصيدة الجميله باستثناء البيت المشار اليه ولو ان فيها مبالغه واضحه وتحياتي لك

> ابــن ثعلـــي صح السنـــانكـ يالغالي .../

ولكن يالغالي هو ما جمع هو خص يعني بداء بابوو البنت ومن ثم قال البــنت ولا قال البنات او بنت.../

شاكــر لك مرورك المشررف لي وانار وعطــر متصفحــي والذي اسعدنــي.../

[khalid"AL:mokaty]

المشاركة الأصلية كتبت بواسطة اصايل ابوها طمااااع :) قصيده جميله يالمقاطي لاهنت برايفت لابن ثعلي من وجهة نظري ماقصد كل البنات هنا لانه حط ((ال التعريف )) وهنا تعتبر البنت معرفه واتضح انه يقصد بنت عمه يعني تخصيص دون التعميم :) (( حاسوا ابو القصيده

اصــايـــــل مرورك انــار متصفحــ]: ماننحرم من هالطلــه .../

تحياتـــــي لك .../

[صاحبة السموـو]

قال انقلع مالت على وجهك الشين ---------- لا عاد اشوفـك عندنـا يالزلابـه


ههههههههههههههههههههه

والله روووعه يآخآآآلد ومشكوووور ع النقل الرآئع

[جرآح آلبرقآوي]

يعطيك العافيه يالمقاطي

اما على كلآم الاخوان فالقصيده واضحه من اولها مقصود فيها
العم وبنته ولو جاب بالاخر البنت بنتك <<فالمقصود بنت العم لآغير ..

ولو قراتوا بس هذآ ((والبنت ما تسوى جنـاح الذبابـه )) <<لوحده لفكرت انها للعاميه
ولكن ماسبق من قول الا يلحقه مايتبعه

ولآهنت اخوي المقاطي عالابيات ..

[khalid"AL:mokaty]

المشاركة الأصلية كتبت بواسطة صاحبة السموـو قال انقلع مالت على وجهك الشين ---------- لا عاد اشوفـك عندنـا يالزلابـه ههههههههههههههههههههه والله روووعه يآخآآآلد ومشكوووور ع النقل الرآئع

صــأحبــة السمـــو" اسعدنـــي حضووورك.../