غلاب بن ود يرد على الخس

[راعي الدهماء]

رد الشاعرالكبيرغلاب بن ود بن مروي الثبيتي العتيبي على قصيدة الخس









يابوخلـف حناعوانـي وجيـران
وسلومنـا عيـب انتجاوزحماهـا
نجهل ليا حان الجهل والغـا شـان
ونرفا خمـال المعرفـه ونحماهـا
يوم انها بالرمح والسيـف شامـان
وعبرود ضيقـة الحناجـر لغاهـا
حريبنـا مايهتنـي ويـن ماكـان
وصحيبناعنـه الجمـوع انحداهـا
واليوم صرنا كلنا ربـع واخـوان
في ظـل حكـام يـذري ذراهـا
اخوان نوره موفيـة كـل ديـان
ال السعود مزبنـة مـن نصاهـا
البارح انته ليت مانتـه بسكـران
كلمتك هز الكون منكـر صداهـا
عبر القناه اللي من اطراف دسمان
بثت على الشاشات موجـز نباهـا
بسم الكويت العاصمه واسم خيطان
ترسل رسايلهاعلـى مـن بغاهـا
ناقشت لك قضيـة مالهـا شـان
ولالك صـلاح يامحمـد وراهـا
قضية ماتـت علـى مرالأزمـان
وارواح اهلها عرشت في سماهـا
يامابعدها كان مـن كاينـن كـان
في دولة الصباح هـي وحدداهـا
سواد وجه ٍ باقي ٍ مـرالا زمـان
علـى وجيـه ٍ سـود الله الحاهـا
عشزين عام وعشرمن دون نقصان
الا سنه وش فيك تبحـث خفاهـا
اخطيت يامحمد خطـا كبربـرزان
ورميـت رميـة رامـي ماقداهـا
وانته غني عن ضحكة افلان وفلان
ياشـاعـر خطيـتـه مارفـاهـا
مدري جهل ولا معه مس شيطـان
ولا ان عـادات القبايـل نساهـا
ولا ان له مع غزو الأحزاب جدان
و فصيلتن تذهب ويولـد حلاهـا
والا ان له في عالم الكون عـدوان
وبالهمز واللمز ايتطـاول علاهـا
والمشكله شاعرمقـدر ولـه شـان
وقولة نعم وقت اللـزوم ايحماهـا
امحشمن عن كـل زلـه وبهتـان
عندالرجال اللي يعرفـون طاهـا
ومشيمـن مابيـن شيـب وشبـان
لكـن ثـارة بندقـه فـي خباهـا
ون كان قصده من قضية جهيمـان
هزيبـة العتبـان هـي وحلفاهـا
ماهيب عيب العيب يالخس من هان
نفسه وخلا بلـس يفشـح علاهـا
والعيب في قول على غير برهـان
وبوق القصيره من عيال اقصراها
والعيب في قولة حرامي وجابـان
وخيانة الميثاق بيـن اعمـلا هـا
وتجاهل المنكر اليا بان من شـان
لقمة حرام تحـرق اللـي كلاهـا
اللي لها في محكم الهـدي عنـوان
ودلايل يومـن بهـا مـن قراهـا
عن مال قارون وعن اطماع هامان
والعنكبـوت وبيتهـا فـي ثراهـا
وقوم ضحايا عاصفة موج طوفان
عصـت نبـي الله ولا الله هداهـا
ويابو خلف ماعودن الا ابه دخـان
ومن فتش عيوب الخلايـق لقاهـا
وحنا نصد عن الخطا عفو واحسان
وليا عتـت نقـول تبـت يداهـا
وليابتلينـا والبـلا موعـده حـان
معطي كراب ايداه ياخـذ ملاهـا


]



الشاعرالكبيرغلاب بن ود بن مروي الثبيتي العتيبي

[كان موجود]

مكرره :)
لاهنت