[poem=font="simplified arabic,4,black,normal,normal" bkcolor="transparent" bkimage="backgrounds/18.gif" border="double,4,gray" type=0 line=0 align=center use=ex num="0,black""]
مـــل قـلــب هـــزه الـهــم والـهـاجـوس هــــز=وارتجـف عرشـه وزلـزل وجـا فيـه اهـتـزاز
عـقـب ثلثـيـن مـــن الـلـيـل فـــز الـقـلـب فـــز=مـثــل فـــزة واحـــد واطـــي كـســرة قــــزاز
كــن بأقـصـى ضـامـري ياجمـاعـه نــار قــز=والـضـلـوع يلـوعـهـا مـثــل ضـــو البـوتـقـاز
وكــن فــوادي مــن عـراويـه بـأمـواس يـحـز=من همومـي والهواجيـس فـي صـدري حـزاز
عـقـب ذا يـاراكـب الـلـي عـلـى الغـايـه بــرز=جـمـس شكمانـيـن تــوه جـديـد آخـــر طـــراز
يعجـب السـواق لـي مــا عـطـا حــزم الـجـرز=وأن تـحـرك يـقـرب الـبـعـد ويـشــق الـغــراز
مــن ديــار البـعـد قـلـب الـعـنـا صـابــه قـلــز=ومــن ديــار البـعـد عــز الله ان القـلـب جــاز
الــغــدا لـــــي ســهـــل الله بــدايـــات الـمــلــز=ثــم يشـيـك مــن محـطـات مـوقـفـة الـحـجـاز
وغـادر الديـره مـع العـصـر يــوم انــه جـهـز=وأنتلـه مرفـوع بالوصـف كنـه أريــل جـهـاز
والعـشـا حــول السلـيـل مــع المـغـرب نـجــز=حـايـفـه غـمــر شـقــردي وعــادتــه الـنـجــاز
ثـــم تـحــرك والـدريــول يـلــز الـرجــل لـــز=طـــول لـيـلـه راح كـلــه مـسـاقـط واجـتـيــاز
والـونـيـت يـشـجــع الــلــي يـحـبــون الــلــزز=لـو يقـحـص ويــل طـلـع مــن الـقـاع ارتــواز
ينطـنـخ ويـشـوش ومــن المخـاطـر مــا يـكـز=شـايـف بـعـض الـعـرب كنـهـم عـنـده عـفــاز
لا أشرقت شمس الضحى لي الونيت بكل عز=واقــف فــي وســط ديــرة بـنـي عــم عـــزاز[/poem]
| 
|
07-24-2009, 11:00 AM
العرض العادي
