1_ ما مدى علاقتكـ بالشعر؟؟!!
الشعـر بحر . شاطئه ملح أجاج وأوسطه عذب ..
الشعـر موهبة أكتسبتها بالإطلاع .. راودني حلماً وأصبح حقيقة
وإن شئت أسميتها وراثة .
2_ من هـو شاعركـ المفضل؟!!
في الجزالة الشاعر / خلف بن هذال
في العذوبة الشاعر / حامد زيد
في السهل الممتنع / محمد بن فطيس
3_ ماذا تفضل الشعر النبطي أم الفصحى ؟!!
افضل الشعر النبطي .
4_ متى تشعر بأنك بحاجة ألى الشعر ؟!!
في كل لحظة لأنه أصبح كمتنفس لي .
5_ هل تتابع قنوات وبرامج الشعر ؟؟! أذا كنت كذلك فما برنامجك وقناتك الشعرية المفضلة لديك ؟؟!
برنامج نقض وفتل وبرنامج بدون مجاملة .
وقناة المرقاب وقناة الصحراء هي الأفضل .
6_ أعضاء في منتدي عتيبـــــــــه. تعجبكـ ذائقتهم الشعريهـ؟؟!
بالنسبة للشعراء فهم كثر في منتدى عتيبه ولله الحمد شعراء وشاعرات أتابع قصائدهم أول بأول وأستفيد منهم .
من أتابعهم هم من تعجبني قصائدهم .
7_ أعضاء في منتدى( عتيبـــــــــه) تتوقع من خلال مخالطتك لهم ومعرفتك لشخصياتهم أنهم شعراء ؟؟!
أخاف اذكر شعراء وأنسى البعض . ولكن الشاعر الحقيقي هو من يكون مقتنع بما يكتب قبل غيره .
8_ بيت شعر يحضركـ داائمــآآ؟؟!
[poem=font="simplified arabic,6,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا أحمد الله يوم أنا من عتيبه = درعي عن أيامٍ كثيرٍ حسابها [/poem]
9_ قصيدهـ تعدهـآ من اروع القصاائد؟؟!
نصيحة الشريف بركات لولده
[poem=font="simplified arabic,6,tomato,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرقب بالصبح نطيت راقيك =ما واحد قبلى خبرته تعــلاك
وليت ياذا الدهر ما أكثر بلاويك =الله يزودنــا السلامه من اتلاك
يللى على العربان عمت شكاويك= وليت يا دهر الشقا ول مقواك
ولا يوم ها الكانون غاد شبـابيك= تلعب به الأرياح من كل شبـاك
يا مالك اسمع جابتى يوم أوصيك =واعرف ترى يابوك بآمرك وانهاك
وصية من والد طــــامع فيك= تسبق على الساقه لسانه لعلياك
أوصيك بالتقوى عسى الله يهديك= لهـــا وتدركها بتوفيق مولاك
الله بحق أجــدادك الغر يعطيك= مرضاته مع ما تمنيته أمنــاك
احفظ دبشك اللى عن الناس مغنيك=اللى إليا بأن الخلل فيك يرفـاك
واعرف ترى مكه ولاها بناخيـك=لو تشحذه خمسة ملاليم معطاك
اجعل دروب المرجلة من معانيك=واحذر تميل عن درجها بمرقاك
لاتنسدح عنها وتبغينى أعطيك=جميع ما يكفيك ما حاصل ذاك
أدب ولدك إن كان تبغيه يشفيك=واستسعفه من بعد مرباه بالاك
اما سمج واستسمجك عند شانيك=ويفر من فعله صديقك وشرواك
وإلا بعد جهله ترى هو بياذيــك=لو زعلت أمه لا تخليه يــالاك
واحذر تضيع كل من هو ذخر فيك=معروفه لاتنساه وأوفه بعـرفاك
ترى الصنايع بين الأجواد تشريك=اليا طمعت بغرسهــا لا تعداك
واحذر سرور بغبة البحر يرميك=ولاعنده أفلس من تشكيك وأبكاك
واوف الرجال احقوقها قبل تاتيك=لا توفيه بالقول فالحق يقفــاك
وهرج النميمة والقفا لا يجى فيك=وإياك عرض الغافل إياى وإياك
تبدى حديث للمــلا فيه تشكيك=وتهيم عند الناس بالكذب واشراك
واليا نويت احذر تعلم بطــاريك=كم واحد تبغى به العرف وأغواك
واحذر شماتت صاحب لك مصافيك=واليا جرى لك جارى قال لـولاك
ولا تحسبن الله قطـــوع يخليك=ولاتفرح أن الله على الخلق بداك
الضيف قدم له من حين يلفيــك=مما تطوله يا فتى الجود يمنــاك
أكرم اقباله فإنها من شواديـــك=وابذل له المجهود مــادام يعناك
احذر تلقى الضيف مرقن علابيك=خله محب لك صديق إذا جــاك
وأوصيك زلات الصديق إن عثا فيك=مازال يغطاهـا الشعر فاحتمل ذاك
راعه ولو ما شفت انه يراعيــك=عساك تكسر نيته عن معـــاداك
واحذر عدوك لو ظهر بى يصافيك=خلك نبيه وراقبه وين ما جـــاك
لاتأمنه واطلب من الله ينجيـــك=ويكفيك ربك شـــر ذولا وذولاك
شفنى أنا يــا أبوك بآمرك وانهيك=عن التعرض بين الاثنين حــذراك
إذا حضرت أطلابه مع شرابيك=اسع لهم بالصلح واللاش يفداك
ابذل لهم بالـطيب ربك ينجيك=ولاتجضع الميزان مع ذا ولاذاك
أما الشهادة فأدها إن دعوا فيـك=بين عمود الدين لاعميت أريـاك
بالك تماشى واحد لك يرديــك=طالع بنى جنسك وفكر بممشاك
رابع أصيل فى زمانك يشـاكيك=لا شاف خملاتك عن الناس غطاك
وأحذرك عن طرد المقفى حذاريك=عليك بالمقبــل وترك إللى تعداك
ثم العن الشيطان لياَّه يغويـــك=ترى إن تبعته للشرابيــك وداك
ووصيك لاتشكى علينا بلاويــك=أنت السبب طرفك عيونك بيمناك
واعرف ترى إلى واطي الفهر واطيك=ولا أنت أعز من الجماعة هذولاك
المسك يا راسى عن الذل واخطيك=واحذر تكلم يا لســـانى حذراك
والطف بجارك وقم من دون عانيك=وافطن لما يعنيك عن ربعة أحواك
يا ذيب وإن جتك الغنم فى مفاليك=فاكمن الين إن الرعـــايا تعداك
من أول يا ذيب تفرس بيــاديك=واليوم جـا ذيب عن الفرس عداك
يا ذيب عـاهدنى وأعاهدك مرميك=مرميك أنا يا ذيب لو زان مرماك
والنفس خالف رأيها قبل ترميــك=ترى لها الشيطان يرمى بالإهلاك
ومن بعد ذا لا تصحب النذل يعديك=وعن صبحة الأنذال حاشاك حاشاك
ترى العشير النذل يخلف طواريك=وأنا أرجى أنك ما تجى دون أباك
والهفوة إنك ما تجى دون أهاليك=ولاظن عود الورد يثمر بتبنـاك
والحر مثلك يستحي يصحب الديك=وأن صاحبه عاعا معاعات الأدياك
لا تستمع قول الطرف يوم يلفيك=بالكذب يقضى حاجته كل ما جاك
من نم لك نم بـك ولا فيه تشكيك=وأيلاه قد أزرا رفيقــك وأزراك
عندك حكا فينا وعندي حكى فيك=وأصبحت كارهنا وحنا كرهناك
ما اخطاك ما صابك ولو كان راميك=وإلي يصيبك لو تتقيت ما أخطاك
مير استمع منى عسى الله يهديك=النصح يـا مالك لك الله لمولاك
عندى مظنة مـا تمثلها فيك=واطلب لك التوفيق من عند مولاك[/poem]
10_ أن لم تكن شاعر/ ..هل لديكـ محاولات لكتابهـ الشعر؟؟!
الحمد لله شاعر :)
11_ أذا كنت شاعر فشاركنا بأحدى قصائدك ولو ببيت واحد ؟!!
مطلع آخر قصيدة
[poem=font="simplified arabic,6,coral,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحلم ماهو ذنب في دين الاسلام = ما حرمه ربي بسنة نبيه[/poem]
12_ هـل مر يووم تمنيت ان تكوون / شاعر/؟؟!
أيام وليس يوم والحمد لله بديت في تحقيق أمنيتي
13_ مارأيك بقسم الشعر في منتدى عتيبـــــــه؟!!
قسم رائع ويحتوي على شعراء مميزين وأتمنالهم كل التوفيق
14_ لديكـ مساحهـ بلا حدوود أمتعنا بقصيدهـ على ذوقكـ؟؟!
هذي قصيدة لي قبل مزاين أم رقيبه اول مرة أنشرها
[poem=font="simplified arabic,6,tomato,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياناوي الممشى تجهز للسفر = للديرة اللي شوفها يجلا الهموم
للمهرجان اللي بدا دون الحفر = نادى المنادي والدعاوي للعموم
جمّع هل الأذواد من بدو وحظر = خلاّ التنافس بينهم لمّا لموم
الله يعزّ الدار ويطول عمر = اللي من أسبابه حية بعض الوسوم
بعض العرب وسمه مع الوقت اندثر = واليوم وسمه من على فنس الخشوم
شهر وأنا على أحرّ من الجمر = أرقب متى يبدي من المشرق نجوم
ننصى الرجال اللي لهم عز وقدر = ربعي هل الميقاف في وقت الزحوم
عتيبه الهيلا مقابيس الخطر = دروع جنبي محزمي وقت اللزوم
برقا وروق اللي مواقفهم فخر = كل ٍ على الناموس والعليا يروم[/poem]
شكراً لكي شاعرتنا قوت القلوب على هذه الاستضافة وأن شاء الله أكون وفقت في الإجابة على الأسئلة
الضيف القادم شاعر جزل ومميز
فهيد الرويس
حياك
| 
|
06-01-2009, 04:12 PM
+ 
العرض العادي
