صباح الخير..يسعد هالصبـاح وياصبـاح الخيـر
من شفاهك صبـاح الخيـر تطلـع سكـر زيـادة
صباح القهوة الحلوة صباحك فـي عيونـي غيـر
صبـاح العشـق لاغنـت علـى طاريـه ميـادة
صبـاح القامـة اللـي لاتثنـت ماتبـي تبـريـر
تهز عروش كل الغيـد .. وتبقـى لحالهـا غـادة
صباح أحلا دلـع وأحلا غنـج لـه داخلـي تأثيـر
صباحك وش صباحك ماعـرف وصفـه وأبعـاده
صباح يشـل تفكيـري وأحلـق خـارج التفكيـر
صبـاح ٍ مايبـي موعـد يجـي دايـم بميـعـاده
فديت الوالديـن اللـي لفوابـك مابهـم تقصيـر
لفوا بالفتنة الا ( الفاتنـة ) للقلـب وأمجـاده !!
تعالي طيّـري سـرب ٍ بقلبـي يعشـق التطييـر
تعالـي سيـدة عـرش الخفـوق وقمـة أسيـاده
تعالي حرري قلـبٍ مـن همومـه يبـي تحريـر
حلف ماتسكنه عـذرا سـواك ومعلـن حـداده !!
تعالي مهرة تحـوّط خفـوق وترفـض التسويـر
مثل ماحـوط الإغريـق قلب(حصـان طـروادة )
تعالي بشّـري عاشـق ياكـل الخيـر والتبشيـر
يبي بشرىوصـال أبلاأنفصـال ويعلـن أسعـاده
تعالـي فرحـي شاعـر يبيـك وخانـه التعبيـر
تلعثم ضاعت حروفه لقـى فيـك أسعـد أعيـاده
وانا شاعر ولي حرفي واجيد الوصـف والتصويـر
ابا اوصف مـن جمالـك مايسرالعشـق واجـواده
فديـت الغـرٌة اللـي ليلكيٌـة قـمـة التٌحيـيـر
بها من ظلمة الليـل العتيـم اللـون وأحيـاده !!
تجي بـأول جديـل ٍ ينقسـم قسميـن ثـم يثيـر
جنـون الغيـرة العميـا بجـد الجيـل واحفـاده
تحتها جبهتك أو مطلع الشمـس وضيـا التنويـر
على تقويس حجـان ٍ تجـي كحـلا كـذا سـادة
تحتها رموشك الغـدرى سهـوم ولاتبـي تنظيـر
تشكّـل (دائـرة برواز)لاأحلا عـيـون صـيـادة
تحتها سلة السيف (الخشم) سيـفٍ بـلا تشهيـر
شهيقـه (طلسمـة ساحـر) زفيـره جـن ورٌادة
هنا توتٍ سكن وسط الشفايـف وأعلـن التبذيـر
بدا ينسـج بـذاك اللـون الاحمـر نـار وقٌـادة
بعدها دبلة الخطبة خـذت مـن مبسمـك تدويـر
ولكـن مبسمـك لـه جاذبيـة تفضـح عـنـاده
يـزوٌد جاذبيـة مبسمـك صـوتٍٍ يـرد الطـيـر
يشـك أن البشـر تأخـذ مـن التغريـد تـرداده
مراية جيـدك السحـري تعاتبنـي تبـي تقريـر
نست مـن زيٌـن الالمـاس يـوم التـم بقـلادة
بعدهـا بتـرك التفـاح يتكـلـم بــلا تكـديـر
يبي يُنشد علـى كيفـه وانـا استمتـع بإنشـاده
على خصرً تهصّر بـه يشـح بعسـره التيسيـر
وأحسٌ الجمع يصبـح بـه مثنٌـى يكـره إفـرداه
يشيله ساقـك المدمـج أو المبـرم لـك التخييـر
على راس القدم عشرالاصابـع ضمـت أحـاده !!
خلص بوقف ؟ بلاش أوصف( قليلي )يشبه التكثير
وصفت ولا وصلت لوصف يجمع عشـق وريـادة
أنا ماأبي سوى ( موضوع واحد ) أي (فقط لاغير)
أبى أعلن للفـرح موعـد وأجـدد عيـد ميـلاده
فديتك ياعسى قلبي وصل مسكـك وعـاف الكيـر
وارقص سكـر زيـادة علـى نغمـات ميٌـادة !!
//
عندما لا تعلم نفس .. كيف ترتوي .. ؟
من روح .. سكنت روحها
فهي .. تشتاق
ولكن .!
(( بصمت ٍ مـؤلـم )) .!
.
| 
|
05-31-2009, 10:24 PM
العرض العادي
