:::حفل ال عتيق الحلاحله للشيوخ العقايله في مهد الذهب:::

[عتيبي مطور]

[IMG][/IMG]

تحيه عطره


واسعد الله جميع اوقاتكم بكل خير


في ليلة مميزه ورائعه ، اثبت فيها آلاد عاصم أنهم رقم صعب في كل وقت وكل حين


بالفعل شي يشعر المرء بالفخر والاعتزاز عندما يشاهد اجتماع ابناء العمومه مع بعضهم البعض


في حفل رائع وفي مكان بعيد جداً وبالتحديد في محافظة مهد الذهب التابعة للمدينة المنوره


وعلى شرف شيوخ العصمه العقايله اقام رجل الأعمال المعروف وعضو المجلس المحلي بمحافظة مهد الذهب الشيخ/ عبدالله بن علي بن عتيق الحلحلي العصيمي، وابناء عمومته آل عتيق.


وقد حضر عدد كبير من شيوخ واعيان وابناء قبيلة العصمه ، وكذلك مشاركة عدد كبير من مشائخ واعيان قبيلة مطير وقبيلة حرب وعدد من القبائل المجاورة


وقد حضر كلاً من:


الشيخ/ ذعار بن ناصر العقيلي " امير مركز ام سريحه"
الشيخ/ خالد بن محمد العقيلي "امير مركز البدائع"
الشيخ/ مشاري بن محمد العقيلي
الشيخ/ سعود بن عساف العقيلي
الشيخ/ فهد بن عساف العقيلي
الشيخ/ تركي بن ذعار العقيلي
الشيخ/ محمد بن ظافر بن محمد الشويب الحلحلي
الشيخ/غازي بن محمد بن رده أبو جباهه الحلحلي
الدكتور/ناصر بن محمد بن رده أبو جباهه الحلحلي
الشيخ/محمد بن عايض بن حمود الشويب الحلحلي
الشيخ/خضر بن عايد بن سحلي الشويب الحلحلي
الشيخ/عايض بن سلطان بن رده أبو جباهه الحلحلي
الشيخ/ حثيري بن عياد الشويب الحلحلي
الشيخ/ عبدالله بن حماد النبعاني العصيمي
الشيخ/ نجر بن عوض العسيلي النفراني
الشيخ/ مستور بن فاهد الشفيعي "شيخ الشفعان من العصمه"
الشيخ/ حمود بن حسن بن خيشوم
الشيخ/ غالب بن زيد ابو كتيفه
الشيخ/ نقاء بن حسن بن خيشوم
اسد النباعين الشاعر/ عبدالله بن دخيل الله بن دهيران العصيمي
الشيخ/ رزاح بن مفرح الشويب الحلحلي
الشيخ/ ماجد بن محمد بن دهيم العصيمي
الشيخ/ سعد بن محمد بن دهيم العصيمي
الشيخ/ محمد بن مرضي الحلحلي
الشيخ/ سلطان بن عبدالله الشويب الحلحلي


وعدد كبير في الحقيقة من اعيان العصمه لا تحضرني اسمائهم وليعذروني على التقصير "جل من لا يسهوا"
وكذلك حضر عدد كبير من شيوخ وأعيان قبيلة مطير وقبيلة حرب وشيوخ القبائل المجاوره وعدد من اعيان وكبار محافظة مهد الذهب
وكذلك حضر عدد من ابناء قبيله عتيبه المتواجدين في تلك المنطقه والذين شاركوا ابناء عمومتهم في حفلهم ووقفوا معهم في ماقفهم.


وقد قامت قناة "المرقاب" بتغطية الحفل إعلامياً وسوف تقوم بنقله قريباً بإذن الله


وقد ألقى الحلاحله حداه ترحيب بجميع الضيوف القاها الشاعر مطلق بن محمد الحلحلي


[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يامرحبا مليـون بالضيفـان=مليون مع مليـون ترحيبـه
ترحيبة عنوانها الصفطـان=مافيـه لاشـك ولا ريـبـه
ترحيبة تقطع ضمى الضميان=عنوانها الصفطان والطيبـه
واثني الترحيـب للشيخـان=ابناء الرجال اللي لهم هيبـه
عيال ناصر جدهم شجعـان=من لادرى بالعلـم يدريبـه
اهل خيـل تنـزل الميـدان=والفعل طيب يـوم اماريبـه [/poem]


وبعد ذلك دخل وفد قبيلة حرب وقد قام أحد شعرائهم وهو الشاعر/ محمد بن حامد العوفي بإلقاء حداة قال فيها:

الأوله سلام للي من سنين ومن سنين ومن سنين امصادقينه
كل القبايل من حروب ومن مطير ومن عتابه عارفينه
ولحضر والبدوان في قلوب الصغار من الكبار مسجلينه
لجله وفي لأهل الوفاء لجله نقي لأهل النقا ذاك العصيمي من عتابه عزوته برقا ليا جات العزاوي

والثانية راع العلوم الطيبه يجزى بطيب
اليا دعانا نستجيب احروب عملتنا ثمينه
حنا الحروب اهل النقاء واهل الوفا
ما نعطي الصاحب قفا والطيب لاهله حافظينه
جينا لعبدالله علي وابشر بنا يابو علي
ياللي سقيت الاولي موقفك حنا محتمينه
لأجلن الاول قال له قول وصدق
يقول من صادق ثلاثه ما خسر
صديق مال وطيب والثالث ليا جات الدعاوي


وقد رد الحلاحلة عليهم وقد القى الحداه بناخي الحلاحلة الشاعر المعروف/ محمد بن قبلان القثامي

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الاوله يامرحبا ياحرب ترحيبه وفاء ننقى لكم السمينه=الله يحي من حضر عند الطلب ونقول الله لايهينه
اهل الفزاعات والعادات والوقفات وحصونن حصينه=بعد دعيناكم وشرفتم محل الاد عاصم يابعيدين النهاوي
والثانيه سلمكم الله والصداقه بيننا تبقى عراويها متينه=حنا عتيبه من مواقفنا نعز اللي يقدرنا ويحرم مانهينه
لطامة العايل ونرسي في المواقف مثل ماترسي السفينه=فعايل غنا بها التاريخ وان طال الزمن يحكى بها راوي لراوي[/poem]


ثم بعد ذلك بداء الحفل الخطابي بآيات من الذكر الحكيم ألقاها الشيخ/ عيد بن نايف بن عتيق


ثم كلمة ترحيبيه لرجل الأعمال وعضو المجلس المحلي بمحافظة مهد الذهب الشيخ/ عبدالله بن علي بن عتيق الحلحلي

ثم ألقى الشيخ/ سلطان بن عبدالله الشويب الحلحلي كلمة الحلاحله رحب فيها بالضيوف وشكر آل عتيق على حسن حفاوتهم واستقبالهم وكانت كلمة رائعه من أجمل الكلمات في ذلك المحفل المميز


ثم بعد ذلك القى الأستاذ/ بدر بن فالح العتيبي قصيده نيابه عن والده.


ثم ألقى الشاعر/ عبدالمحسن بن محمد بن مصلط ابو جباهه قصيدة ترحيبيه قال فيها:




[poem=font="simplified arabic,4,black,normal,normal" bkcolor="transparent" bkimage="" border="none,5,gray" type=1 line=0 align=center use=ex num="0,black""]

هاض الضمير اللي للأمثـال مشتـاق=مثايـل يـطـرب لـهـن النشـامـى
من هيض فيض اخترت للطرس ما لاق=نـوادرٍ تـشـرح كثـيـر الكـلامـا
عـوبٍ شرايدهـن رفيـعـات الأذواق=شـردٍ كمـا حليـا فقـوح الأدامــا
واسترسل الخاطـر وضاقـن الأوراق=مـن كـل حـدبٍ فوقهنـه تهـامـى
مشاعـرٍ مـن شاعـرٍ للعـلا تــاق=يتعب على جـزل الفعـول الجسامـى
متخالـطٍ فيهـا مـن الطيـب تريـاق=وأزكى من عطور النفـل والخزامـى
في محفلٍ يجمـع عريبيـن الأعمـاق=علـى الكرامـة جامعيـن الكـرامـا
حفلـة بنـي عمـي ولانـي بمـتّـاق=عقـب اندبونـا طيبـيـن المقـامـا
حلة بنـي عتّيـق رفيعيـن الأخـلاق=بيـضٍ لهـم فـي عاليـات العـدامـا
ذخايـر اللـي ذكرهـم بالمـلا فـاق=حلاحـلـة ومـورديـن السـهـامـا
يا مرحبا مـع كـل نسمـة ورقـراق=بضيوفنـا مـن حـد شـرقٍ وشامـا
ترحيبةٍ مثـل أبلـج الصبـح شعّـاق=وأحـلا غنـا مـن راعبـيّ الحمامـا
واعـداد همّـال همـى عقـب بـرّاق=واعداد مـن كّبـر وصلـى وصامـا
باللي لهـم مـع قمّـة المجـد ميثـاق=حازوا مـن المجـد الرفيـع السنامـا
معدلين العُـوج يـوم العَـوَج ضـاق=لضيـا مواقعهـا صليـب العظـامـا
البيت مـا يبنـى بـلا طنـب ورواق=وعمودنـا عاصـم رفيـع المقـامـا
قبيلتـي فيـهـا التمـاديـح تنـسـاق=النعـم مكسبنـا مـا بيـن الأنـامـا
للضيـف ريـف وللمعاديـن تـفـاق=عوايـدٍ تـذكـر لقـطـم الحـزامـا
والحمد لله مـا دخـل بغـض وفـراق=مــن بينـنـا وصـلـة رحـــم
في ظل ربـي مغـدقٍ خيـره اغـداق=ومـن ثـم ظـل معطريـن الحسامـا
بارق هلا العوجا علـى العـز خفـاق=نمشي على حسـب الأمـر والنظامـا
ما همنـا قـومٍ علـى كـذب ونفـاق=اللي تقص مـن اللحـم ثـوب خامـا
نقالـة الهرجـة وسيعيـن الأحــداق=طـبـع اللـئـام تـوّرثـه للئـامـا
مجنا غـراب البيـن بالكـذب نعّـاق=يطمن ليا شاف أشقـر الريـش حامـا
وختامهـا واعـداد مـا لاح بــرّاق=على النبـي أزكـى صـلاة وسلامـا [/poem]

ثم بعد ذلك ألقى الشيخ الشاعر/ غالب بن زيد ابو كتيفه قصيدة قال فيها:






[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يابو علي قريحتي صايـم لهـا عـدة شهـور=والليلـه الليلـه تحقـق عيـدهـا وافطـارهـا
يابو علي وصّلتني دعوتك وابشـر بالحضـور=لا تستهم مـن الامـور كبارهـا وصغارهـا
الكبد تبشر بالـروى والعيـن تبشـر بالـذرور=والناس تبشر بالفعول اللـي تشـوق انظارهـا
دعوتك ماجتني على شان العشـاء ولا الفطـور=دعوتك تعنيني وانا اعرف بعدهـا واسرارهـا
ياهاجسي لو سمنت الاعـذار مانتـه بمعـذور=دعوة بني عمّي بعد جتني وجـب محضارهـا
دعوة بعيدين النظر دعـوة طويليـن الشبـور=ربع ٍ تقدرني وانـا حـرص ٍ علـى مقدارهـا
عوارف ٍ من روسها يوخذ من الاشـوار شـور=عيّـات دون احلالهـا واموالـهـا وديـارهـا
ياهاجسي ياهاجسي مانته بضاري ٍ بالقِصـور=دوّر على اللي تتعب الشعـار واخـذ خيارهـا
لا تاسم الا كل عوباً ما تشـوف مـن الغـرور=مـا كيّفوهـا عالـم السـاحـه ولاشعـارهـا
اضرب لها دوّْ الخلا وارقب لها مثل الصقـور=اللي على روس الشواهيـق الطـوال اوكارهـا
تكفى وانا خابرك راع العمله اللـي مـا تبـور=لو يرتخي سعر الذهب مـا يرتخـي مسعارهـا
اما تجي الفكره بكر وارضي بها ذوق الحضور=ولا بـلاش الله يبـارك فيـك مـن تكرارهـا
اما رقيت بها الجبل ولا سبحـت بهـا البحـور=شـمّ الجبـال وصيدهـا والغبّـه ومحـارهـا
الشعر ديوان العرب نبض المشاعـر والشعـور=وخلاصة افكار الرجـال اللـي تعـد افكارهـا
الشعر قطفٍ من زهر والشعر نحت ٍ من صخور=الشعر عملـه نـادره فـي وزنهـا وعيارهـا
وباسمي وباسم اللي لهم فوق المهار القحص دور=سمو الشيوخ اللي عسى ربـي يمـدّ اعمارهـا
واسم الرجال اللي تواجدهم يزيـد النـور نـور=سـلام ياربـع ٍ تقابـل بالشحـم خطّـارهـا
ياهل الفعول اللي تنومسنا على مـر العصـور=وياهل الوجيه اللي تبشر بالسعـد مـن زارهـا
وياهل الرماح اللي ليا ناشت معاليق الصـدور=على قِبَل تظهر فـواد الرجـل مـع مظهارهـا
ياذخر جدّي يا دروع الجنب وحـزام الظهـور=لا غيّـم البـارود والعـذرا رمـت بخمارهـا
انتم يـالاد الحلحلـي يامرويـة حـد البتـور=صلب العظام ليـا كسرتوهـا بلـش جبّارهـا
يوم الهنادي تعتقـب والخيـل والبنـدق تثـور=في ساحة ٍ يحجب سنا شمس النهـار غبارهـا
قدام ابو تركـي يقيـم العـدل ويمـد الجسـور=ويوحـد الاشتـات والفتنـه يطفـي نـارهـا
لولا الفعول الغرّ ماغنّيـت بالصـوت الجهـور=بين الجموع اللي تبـا بكـره تذيـع اخبارهـا
والمبـتـداء والخاتـمـه يالله يالله ياغـفـور=عفوك ليا جتـك النفـوس محملـه باوزارهـا [/poem]


ثم بعد ذلك القى الشاعر/ محمد بن فنيس الحلحلي قصيدة قال فيها:



[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

مرحبا يآل العقيلي عريبين الجدود=مرحبا في حلة تفتخر برجالها
مرحبا عداد ما لاح برق وهب نود=في حلال عامر والسعد يبرالها
مرحبا بضيوفنا مرحبا في حلال جود=في حلال آلاد عاصم يظل ظلالها
مرحبا في مرحبا مرحبا بكل الوفود=ابن علي قالها وكل عصيمي قالها
النشاما كل ليل لها عيد يعود=وليلة الجمعة لنا عيد هل هلالها
يوم جينا الحفلة اللي تشع بها العقود=عارفينن عمها عارفينن خالها
ما يسد اللازم الا قويين العضود=مثل عبدالله برك للحمول وشالها
الجمل يشتال حمله ولو انه ضهود=فوق متنه ينقل خفافها وثقالها
ابن علي وافي ولا على الوافين زود=المراجل والمدايح شرب فنجالها
حنكه عوده عليها وهوه في المهود=ثم عشقها واحتوى دقها وجلالها
طيب للطيب باذل كل الجهود=وان حصل فيها شرابيك هو حلالها
عاقل ما يستمع في النمايم والحسود=طيب رأس وطيب ساس كم جزيلة نالها
من نصاه بلازم له يبى يرقى سنود=وان لفوه أهل المواجيب طّيب فالها
والحقايق والوثايق تثبتها الشهود=لي شهود في جنوب الدير وشمالها
الولد دايم وراء هقوة عزاته يزود=وان حصل طاريه بالطيب يشرح بالها
واشهد ان الطيب ما يجحده غير الجحود=الجحود اللي يذم العرب وافعالها
وكل طيب يا عسى الله يديمه في الوجود=واعرف ان الطيبة ما نعيش الا لها
وان تذكرنا زمان تشب ابه الزنود=يوم دورات الرحى فال الله ولا فالها
يوم ركض الخيل يشبه لزلزال الرعود=وقوم تنطح قوم بسيوفها وسلالها
والمشاكل دايره منها يصحون الرقود=ذا قتيل للأعادي وذا قتالها
لي عزاة تردع الخصم لاهاب الشرود=عن نحانا كل قوم يزيد جفالها
لآد عاصم عزوتي ما يبوقون العهود=ولوم محازمنا قطم صغرها في جالها
يا عتيبه كلبونا لدولتنا جنود=دون حد بلادنا سهولها وجبالها
يا عزاتي يا عتيبه جنود ابن سعود=مرخصين أرواحنا لو يجي مجالها
والقبايل كلها لو يجي يوم الصمود=تحتمي ميقافها وحدودها واحلالها
وقتنا هذا نعم وامن وطب للكبود=تضحك ايام السعد للعرب وليالها
نحمد المولى على اوضاعنا سهود مهود=ثبتوها آل السعود جمل الله حالها
كل قول يختمه ريح مسك ودهن عود=ويا صلاة الله على اللي الضلالة زالها [/poem]



ثم بعد ذلك ألقى الشيخ/ خليف بن سرور المطيري قصيدة سلام وتشريف قال فيها:




[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلام يا لآد عاصم يالرجال الكرام=واللي تشرف بدعوتها وضيفانها
من المطيري يسوق الشكر لأهل المقام=عبدالله بن علي يشكر على شانها
ولابن العقيلي تحية صدق معها احترام=شيخٍ لقومٍ صنوف المجد عنوانها
وآلاد شجعان في المجاوب بدر التمام=تحدثت عن فنون الفخر ركبانها
وصلوا على المصطفى عداد وبل الغمام=وعداد من طاف بالكعبة على اركانها [/poem]
ثم بعد ذلك ألقى الشاعر/ سلمي بن خليف قصيدة للشاعر/ خليف بن مطر المطيري قال فيها:




[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جينا نشارك بالشرف والمروة=تقدير للضيفان واهل العزيمة
جمعتنا لجل المحبة وخوة=ولك علينا حق شيمة وقيمة
لو اتمنى ما تجي بالمنوة=مبروك ما سوت يمينن كريمة
يابو علي مقداركم بالعلوة=علاقة الابوان معكم عظيمة
واليوم حنا أخوان مافيه لوه=نيه على ما قيل نيه سليمه
ننهج على السنة ودرب النبوة=وحكماً بشرع الله عسى الله يديمه
صارت صداقة عقب هاك العدوة=اهل الوطن واهل الجواز المقيمة
الملحد اللي مطفٍ الله سوه=قضو عليه اهل العقول الحكيمه
حكامنا آل سعود حكمة وقوه=الله مسلطهم على أهل الجريمه
انا عضيلة من مطير السموة=اهل الفعول المعجزات القديمة
تختم بذكر مكون الكون توه=سامك سماها وارضها مستقيمة
صلوا على رسول الهدى والأخوة=على نبيٍ للهدى والغنيمه [/poem]




ثم بعد ذلك القى الشاعر/ سلمي خليف بن مطر المطيري قصيدة قال فيها:


[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اشعلت فكري بالقصائد وغنيت=واسهرت عيني للوجيه المسافير
وصخرت قافي بالمعاني وسويت=سويت ما يرضي جميع الجماهير
وجتني بيوت الشعر بيتٍ ورى بيت=ولا اختار منها الا الجزل واترك الغير
وانا ليا مني تزهلت سديت=وقت اللوازم ما تفيد المعاذير
وجينا نشارك حفلت اللي لهم صيت=اصحابنا عتيبه الرجال المناعير
وجتني عزيمتهم وفالحال لبيت=عندي لهم فالقلب حشمة وتقدير
ومن شانكم يا أهل الكرامه تعنيت=تستاهلون الطيب في كل تعبير
وسارت خطاي من الغلا شوفني جيت=يا ولد برقا شوفتك طلت الخير
وانا اتشرف يوم للحفله ادعيت=في حلت اللي ما تحسب المخاسير
وجاين بمثل عزوتي لا تعزويت=ولاني مطيري كان ما امثل مطير
الرأس يشوش ويرتفع كل ما اوحيت=اسم المطيري كالسيوف البواتير
ناقف يلوا اخامنا أكبر عفاريت=ما همنا عنتر ولا سالم الزير
وعن موقف أهل المعرفة ما تخليت=امطير تاقف فالمواقف طوابير
والنعم في كل القبائل لهم صيت=قوماً ليا جات اللوازم نواحير
وفي مدح ربعي والقبائل ما وفيت=والمعذرة منكم ليا صار تقصير
وانا ادعي الله كل ما اصبحت وامسيت=الله يوفقنا على خيره وخير[/poem]


ثم ألقى الشاعر الشاب/ عبدالله بن عبيد بن مساعد العصيمي قصيده قال فيها:



[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اقدحي يا نار في روس الفتايل=واستعيري لمعة النجم ولهيبه
والوسام الأبجدي صيد الأوايل=في شروق الوقت ولا في مغيبه
والرجل ما يكشفه غير الصمايل=لو يدور للفخر مثل الذهيبه
حي منهو فاللقا يابس بلايل=وفي لزومه لا وقف له يندعي به
ربعي عتيبه متعبه الأصايل=لا غدى كل يماري في صحيبه
ولو اخيل البرق في عرض المخايل=ربعي عتيبه متعبه النجيبه
مرحبا في مرحبا والشك زايل=في محل الطيب والنفس الرحيبه
مرحبا بشيوخنا والراس طايل=مرحبا في مرحبا والجمع هيبه
يالعقيلي يا عريبين السلايل=في حضورك يفخر الطيب بطيبه
ذكركم كالشمس في عز القوايل=عز للعاني وللعايل مصيبه
باذلين الطيب في شتا الوسايل=ومن يودي العلم ملزوم يجيبه
يا هلا فيكم يا كساب النفايل=يا عتيبه يا عتيبه يا عتيبه
في محل الحلحلي وافي الخصايل=لين الجانب فكاك الطليبه
ريح عود وريح بن وجرم حايل=ورحب صدر وفرحة ماهي غريبه
جمعكم في حلته مفرح وهايل=من بعيد الناس والا من قريبه
العصيمي وقفته بين الحمايل=فرقها فرق البعيده والقريبه
العصيمي ما يجيها بالتحايل=بندقه نيشانها وسط الضريبه
قلتها والله يعدل كل مايل=في زمان غثربو صافي قليبه
الزمان اليوم سواله عمايل=والشجيع اليوم حظه منتويبه
مير تقوى ربنا كل الدلايل=ومن توسل غير ربه ما يثيبه
واسمحولي والمعزه والأوايل=من عتيبه من عتيبه من عتيبه[/poem]


ثم بعد ذلك القى الشاعر المبدع/ محمد بن قبلان القثامي (بناخي الشوايبه من الحلاحلة من الشجاعين من العصمه) قصيدة قال فيها:







[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
للمقامات الرفيعه مـن قصيـدي الـف ليلـه=كـلّ لحيـه مانـقللها وتعـطـا منزلتـهـا
من اهجوسٍ تفتح اقفـال البيـوت المستحيلـه=جيت اوردها بعد حطيـت وسمـي برقبتهـا
الهجوس اسجها والفكـر فـي الّـلازم دلِيلـه=بعد جات اغلا البيـوت النايفـه ومناسبتهـا
مرحبا ترحيبـةٍٍ ترقـا علـى راس الطويلـه=عند من يسبق نباهـا0 قبـل تقديـم اقهوتهـا
مرحبا عداد مازمجـر مـن القبلـه مخيلـه=والقصيده والبيوت اللي حوتنـي 0واحتوتهـا
بالنيابه عن عيال العـود متعبـت الاصيلـه=مرحبا بشيوخ قـومٍ فـي المعالـي مرتبتهـا
مرحبا في مرحبـا حييـت ياشيـخ القبيلـه=مرحبابـك والقوافـي والتحيـه مفردتـهـا
مااتنقا وآتخير فـي السّمـان وفـي الجزيلـه=غير لصحاب الاشده والرّجال اللـي حمتهـا
محزمي ياذعار0 ماجيـت اتغنـا بالهزيلـه=الجزيله في حضـورك والمشاعـر حركتهـا
يشهد الله 0ماتكفـي نعـم فـي حقـك قليلـه=والمدايح في طلبها ماأنثنـت عـن لازمتهـا
ياسلايل من قدح بالزنـد فـي راس الفتيلـه=والكبود اللـي بشلفـاه اطعنتهـا0 وشلعتهـا
باليمين اللـي لهـا تاريـخ ماعاشـت ذليلـه=كم كم وكـم كـم مـن الشـوارب جندلتهـا
في نهارٍ فيـه قطمـان المحـازم 0ترتكيلـه=عـزوةٍ لـك0 ماتِغيّرهـا مناهـج عولمتهـا
في زمانن فيه كـلٍ قـام يومـي بالصقيلـه=والعرب ماعاد يِعّرَف هرجها مـن تمتمتهـا
والحقيقـه0 مايغـط المـاء هيالـك يالنثيلـه=الحقايق بيّنـه واهـل الصحايـف سجلتهـا
ماورى سود النوايا0 غيـر علقـم حنظليلـه=تنكشـف لوباألّحِيـل قِـدمَ الأوآدم دمدمتهـا
وآتشرف يوم اصافح راعي اليمنى الفضيلـه=وطيبتٍ تفرض على من لايعرفـه سلطنتهـا
للعقيلـي0 ياالجماهيـر الغفيـره صفقيـلـه=ماعلينا مـن مجانيـن الزمـان وعنجهتهـا
قلتها بسمي وانا مانـي علـى خلقـه وكيلـه=كلمةٍ منـي شهـاده0 والجماهيـر اسمعتهـا
جيت اشارك 0مع خوالي0 شاعر وعابر سبيله=مايغط النورمـن مبـدا القصيـده لآخرتهـا
من سلايل عسكر البارود ورجـال الصميلـه=ربعـي الآد القثامـي والقبايـل خابرتـهـا
والشهاده0 مـن ولـد قبـلان والنيّـه نبيلـه=بعد جات مناسبتهـا واتضـح وسـم رقبتهـا
واعذرونا0 في القصوروبارك الله في القبيلـه=والتحيـه والسـلام ورحمـة الله خاتمتـهـا [/poem]


ثم بعد ذلك القى الشاعر/ محمد بن حامد العوفي الحربي حداة الحروب

الأوله سلام للي من سنين ومن سنين ومن سنين امصادقينه
كل القبايل من حروب ومن مطير ومن عتابه عارفينه
ولحضر والبدوان في قلوب الصغار من الكبار مسجلينه
لجله وفي لأهل الوفاء لجله نقي لأهل النقا ذاك العصيمي من عتابه عزوته برقا ليا جات العزاوي

والثانية راع العلوم الطيبه يجزى بطيب
اليا دعانا نستجيب احروب عملتنا ثمينه
حنا الحروب اهل النقاء واهل الوفا
ما نعطي الصاحب قفا والطيب لاهله حافظينه
جينا لعبدالله علي وابشر بنا يابو علي
ياللي سقيت الاولي موقفك حنا محتمينه
لأجلن الاول قال له قول وصدق
يقول من صادق ثلاثه ما خسر
صديق مال وطيب والثالث ليا جات الدعاوي

ثم بعد ذلك جاء موعد الإبداع مع اسد النباعين الشاعر/ عبدالله بن دخيل الله بن دهيران العصيمي وقد القى قصيدته الأولى قال فيها:

باسم القبيلة والمعزب مرحبا ترحيبة باللي لفاء
ياللي لفيتنا وجيتونا على وضح النقا
انتم ترى يا حرب اهل الوفا وانتم ترى هل الطيب وأول من بدى
وحنا ترى للضيف ريف ونذبح الحايل وهذا المبتدأ
عز الرجال بدينهم ثم بالسلوم الطيبة بالمدن ولا بالقرى
هذي سلوم اللي لا منه حكم يحكم بعدل ولا يميل
وخليف من روس الرجال اللي عزاويه تجري من سرى
آلاد عباد ان ذكرناهم نبي نذكر مطير اللي يردون البرى
مطير حمران النواظر مشبعين الطير والسرحان لامنه عوى
وربعي عتيبه هم هل الطالات عادتهم يلبون النداء
دون العقيده والوطن رجالهم روحه فداء
تاريخهم يشهد على ما قلت صح ابلا خطاء
هذا الصحيح وكل ما قلته ببرهان ودليل

ثم ألقى قصيدته الثانية بعنوان "يا ملكنا عشت عشت" قال فيها:





[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

من هجوسي يا سلامي من ضمير صادق=للرجال أهل الوفـاء والقـدر والجاهيـه
وعد ما هلت مـزون ولاح فيهـا بـارق=مرحبـا بـك يالعقيلـي شيخنـا وتحيـه
والتحيه للحضور بحفلنـا اللـي شـارق=شارق نوره سـوات الشمـس بالظهريـه
في محل ابن عتيق وكـل شـي موافـق=والعلـوم الطيبـه فيهـم مـن الجـديـه
ربعي اللي فعلهـم لجـل القبيلـه سابـق=للمواقـف ثابتيـن ويحتـمـون الهـيـه
يوم تجريد السيوف وضرب رمـح زارق=دارهم من فعلهـم بأمـر الولـي محميـه
لعتزوا بالجد الأول كـل خصـم يفـارق=هيبة منهـم يخـاف يصيـر لـه مثنيـه
من ركون عتابه اللي كل شخـص واثـق=واثق بالله ويدعـي فـي صـلاح النيـه
والشريعة فـي بلدنـا حكمنـا ونسابـق=بالتطور كـل دولـه لـو مـن الغربيـه
والملـك عبـدالله اللـي شايـل بالعاتـق=هم شعبـه ليـن صـاروا مالهـم نديـه
بالتميز ليـن صرنـا للسحـاب انعانـق=والأمـن ببلادنـا وأمورنـا مقضـيـه
يا ملكنا عشت عشت وكل شعبك عاشـق=عاشق شوفـك وحبـك بالقلـوب الحيـه
ومن هجوسي يا سلامي من ضمير صادق=للرجال أهل الوفـاء والقـدر والجاهيـه [/poem]

ثم بعد ذلك طلب رجل الأعمال وصاحب الحفل الشيخ/ عبدالله بن علي بن عتيق الحلحلي من الشاعر/ عبدالله بن دهيران قصيدته وعرضة قبيلة العصمه في المزاين وهي القصيدة المشهوره والمعروفه "سلالة عاصم" الذي قال فيها:







[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياسـلام الله سلامـن وافتخـر بالابـه=لابتن يـوم المزابـى رجلهـم ماهابـي
واسمعوا قولي هذا ثـم اكتبـوه اكتابـه=من لسان اللي حضر في ماقفه ماغابـي
يوم ابن نبعان قـال القـول ثـم غنابـه=لاجل ربعي بادين في عالـي المرقابـي
عزوتي يـوم المغـازي دولـة حرابـه=تحتمي الماقف بفعل وترهـب الاجنابـي
خصمهم لاجت دعاوي مايقـول الجابـه=لوتسنـوى لـه بفعـل يعتبـر كذابـي
وصفهم بين القبايـل مثـل اسودالغابـه=من نصاهم باللـوازم كاسبـن ماخابـي
العقيلي راعيـن للحفـل مـن ترحابـه=من حضر في ماقفه واللي تاخـر هابـي
شيـخ مـن جـده وعـز الياتعزوينابـه=يشهد التاريخ واللـي يعـرف الانسابـي
من سلايل عاصم اللـي ينتمـي لعتابـه=يوم لضيا في يمينـه وثـق المضرابـي
راعي الدرمه واخذها ليـن كلـن هابـه=غصب خلوها رجـال تفتـل الاشنابـي
فعل جده فـي تغـوث موثقـن مخلابـه=مع شريف الطايف اللي جمع الاغرابـي
والقبيلـه عزهـا باللـي يشـرع بابـه=دون ربعه للخصـوم يكشـر الانيابـي
مثل اخو شيخه محمد يوم جـات طلابـه=يحتمى ربعه مـن الاجنـاب والاقرابـي
يردع الي معتـدي ولايحسـب احسابـه=لااعتزى يزمي كما ضلعن طويل ونابي
ونعـم يـالاد العقيلـي فعلكـم فزنابـه=ابنوا البيـت الكبيـر وشـدو الاطنابـي
قولنا قـول الصحيـح ولاتراجعنـا بـه=للوطن عسكر جنـود وننبـذ الارهابـي
وعاش ابومتعب ملكنا اللـي تفاخرنابـه=رافع الهامـه زعيـم مجـري الهيابـي
وعاش ابوخالد قضب سيف العدل بنصابه=قائد القوات حامـي الديـن والاعرابـي[/poem]

ثم بعد ذلك ألقى الشاعر/ مشرف بن تراحيب المقاطي قصيده قال فيها:



[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

حنا هل الجود والسيفين والنخله=حنا هل الطيب حاضرنا وماضينا
نواصل السير والمركب على مهله=بقيادة اللي بكل الحب حاوينا
عبدالله المجد والتاريخ يشهد له=عاهل بالامجاد يشبعنا ومروينا
حكيم راي وسياسه الكل ينصب له=ليا تكلم يهز الهند والصينا
تاج الزعامه زعيم العرب رشحله=وحد قلوب العرب في مؤتمر سينا
والله ليبطن حمّل مانجبن مثله=صقر العروبه بكل الخير غاطينا
ولي عهده يجيد الحل والفتله=حكمه سياسه على كل الميادينا
سلطان بحر العطا كلاً شكر بذله=بحر العطا ما عرف مرسى ولا مينا
بالجود فايض اشبهبه نهر دجله=سلطان وجه السعد ريف المساكينا
الجيش بقيادته والعلم وجه له=درع الوطن بعد رب البيت يحمينا
وارضٍ ربتنا وضمتنا مهي سهله=بأرواحنا للوطن حنا مفادينا
اللي يساوم بحب الدار من جهله=ما يعرف انه على حبه مربينا
من لا حمى فيه عله ما رجع لهله=اما حميناه جعل تشل ايادينا
نفدى الوطن قبل بالعز نهدفله=والموت لجله بعد ماهو مكفينا
حب الوطن في العتيبي عوده وشبله=من عهد عبدالعزيز من وقت ذالحينا
يوم انتخى بالقبايل كلها جتله=لبة على الفور من حضر وبداوينا
ما همنا من عثوا في ارضنا ختله=في دمه الغدر ينبض في شرايينا
حنالكم قالها لو طالة الرحله=كلام قايد حكيم من الحكيمينا
من خان عهده يابو متعب وجب قتله=لا صار مفسد وخان العهد والدينا
في خاين الدار والله ما نبي مهله=خله بذنبه وحنا الله يعافينا
حنا لها وان نخانا داعج الكحله=دون الحرم والوطن للموت شارينا
ليا غاب حاكم وراثه يخلفه نجله=على الوفا والعدل بالحكم ماشينا
من عهد عبدالعزيز لحد ذا الوهله=يالله عساهم لحكم الدار باقينا
وانهى العتيبي كلامه نقضه وفتله=ويالله من الغدر والارهاب تحمينا [/poem]


ثم بعد ذلك القى الشاعر/ محمد بن مطلق العصيمي قصيده دينيه رائعه جداً للأسف أننا لم نتمكن من الحصول عليها بسبب ان الشاعر كان يحفظها ولم يأتي بها في ورقه ، ولكن سوف تُنقل ان شاء الله على قناة المرقاب.

ثم بعد ذلك ألقى الشاعر/ عبدالمحسن بن محمد بن مصلط ابو جباهه الحلحلي العصيمي قصيدة وطنيه بمناسبة شفاء صاحب السمو الملكي الأمير/ سلطان بن عبدالعزيز حفظه الله ولي العهد ونائب رئيس مجلس الوزراء ووزير الدفاع والطيران والمفتش العام، وتعيين صاحب السمو الملكي الأمير/ نايف بن عبدالعزيز حفظه الله النائب الثاني لرئيس مجلس الوزراء ووزير الداخلية قال فيها:





[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الحمد لمدّبـر تصاريـف الأمـلاك=يا رب شكـري واستغاثاتـي إليـك
يا المعطي الرزاق من فضل حسناك=يا خالـق السبـع السمـوات بيديـك
تقبل دعاء منهو ليا ضاق ينصـاك=يا ربنا من تحـت حكمـك مماليـك
يا رب عبدك ملتجـي دوم بحمـاك=تعلـم خوافينـا ونجهـل خوافيـك
تغفر ذنوب اللي من الذنـب ناجـاك=يا معدّيٍ موسـى بحـور التهاليـك
أضفيت سترك وأفرحتنـا عطايـاك=يـا ربنـا عمـت علينـا حسانيـك
بشرى السعد عمت وجاك السعد جاك=يا دار سلطان السعـد مغـرمٍ فيـك
بشرى لها غنا حمـام علـى الـراك=بشرى شفاء سلطان عون المهاليـك
سلطان عنـوان الكـرم لا عدمنـاك=محبتك فالقلـب مـن دون تشكيـك
عقب أصدر الديوان علمـه وحيـاك=وأفـرح قلـوب بالمحبـة تواليـك
ماجور يا سلطـان والشـر عـداك=عدد مـا تنفـق بالمكـارم أياديـك
لو غبت عنا مـا نفـارق لذكـراك=تنشد عنك فـي كـل ليلـة محبيـك
وازدادت الفرحة وجـا مـا تمنـاك=تعيين نايف مـن كبـار التباريـك
يالنائب الثاني ليا أطريـت طريـاك=ارهبـت فيهـا بالسياسـة معاديـك
خططك يـا نايـف تفاكيـر وادراك=تفكير من حلحل صعيـب الشرابيـك
نايف على النايف من الطيب مجناك=درع الوطن عز الوطن من مساعيك
يا قمـة الأمجـاد والعـز يزهـاك=لا شك ما نلحـق معالـي هقاويـك
ويا دارنا جندك وزنـدك وعينـاك=مـا نلتفـت لمروجيـن التشاكيـك
ما دام عبـدالله حكيمـك ويرعـاك=درب السعـادة والمعـزة مماشيـك
يا القايـد البانـي مسـدد بمسعـاك=أرواحنـا وقلـوب شعبـك تحييـك
يا دارنـا عبـدالله الخيـر ينخـاف=شومي على العليـا تعلـى معاليـك
وبشرى السعد في وقت شوفك=وملفاكيـا اميرنـا والله يعجـل تشافيـك [/poem]




ثم كان ختام الحفل مسك بقصيدة للشاعر/ سلطان بن مسلط الحلحلي العصيمي ألقاها نيابه عنه أبنه شبل الهيلا/ عبدالعزيز بن سلطان بن مسلط الحلحلي العصيمي قال فيها:




[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مرحبا عد المطر لا هل نوّه=دنّ رعوده ويشعل بارقه
سيله يشيل اللي قدامه بقوه=سالت الشعبان منه وظايقه
مرحبا ياهل الوفا وهل المروه=مرحبا في حلة العتايقه
وعد ما خط الخطيب اللي مفوه=خطبته تعني مواعظ لايقه
وعد نسناس يشوق البال جوه=جوه الغايم هبوبه رايقه
وعد نبت زاهيٍ في الارض توه=وعد ورد فاح في حدايقه
حفلنا الليله نشوش بنور ضوه=نور ليله مثل شمس شارقه
داره رجال صناديد وفتوه=حفلهم قد نظموا طرايقه
ربعي العتبان قوه فوق قوه=يقطعون القلب من علايقه
والعدو يطفون نيرانه وسوه=شان فاله وادبرت بيارقه
من طمع فيهم يطيح بوسط هوه=ساقه الشيطان وخانه سايقه
من طمع فيهم يردونه مشوه=خاب ظنه واكثرت عوايقه
يلطمون العايل ويطفون ضوه=ويذبحون الحايل اللي فارقه
جارهم والضيف واللي منه خوه=ما يجي منهم ردى ومضايقه
ياهل الخيل الأصايل والجروه=خيلهم لا جا الملاقا سابقه
فوقها ابن حميد روّ السيف روّه=ولاعتزا العفار محد طايقه
ابلهم يحلا لها صوت المنوه=صوته يغني لها وترافقه
مد حبلك يالمعادي ثم لوه=تقصر حبال القلوب البايقه
ما يعاديهم يشوف الموت توه=يضربه رمح على مفارقه
وما يصابحهم علا واعلن علوه=صحبة العتبان صحبه فايقه
انشد ابن سعود يوم اقفا عدوه=هم جنوده هم تحت بيارقه
هم معه في بره وبحره وجوه=سجل التاريخ في وثايقه
ما يجي منهم شتيم ولا جفوه=من نصاهم ما تعوقه عايقه
قلت لي قولٍ صريح ما يتوه=تم قولي ووضحت حقايقه
مرحبا ياهل الوفا وهل المروه=مرحبا في حلة العتايقه
حفلنا الليله نشوش بنور ضوه=نور ليله مثل شمس شارقه[/poem]


وهذه بعض من صور الحفل لعلها تحوز على رضاكم واستحسانكم


تــــابـــع الــصــور

[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]




وهناك تغطيه من قناة المرقاب ستعرض في الايام القادمه

وختاماً



أتمنى أن تحوز التغطية على رضاكم واستحسانكم ، واعذروني على القصور



احترامي للجميع
منقول

[نايف تراحيب]

نقل جميل عن حدث رائع


شاكر لك اخوي نقلك المتكامل من كل نواحيه


دمت بخير


/


،


نايف العتيبي

[صقـر عتيبـة]

الف الف شكر لك

على الطرح الجميل المفصل

والله لا يحرمنا منك ولا من طرحك ....

لــــــك تــحــيــااااااااااااااااتــــي


صقر عتيبة

[إشراقات]

الآد عاصم فخر ونوماسهم يرفع الرأس ..

عسى أفراحهم دايمه ..

ونعم بالحلاحله والعقاليه وبكل من حضر من باقي القبايل ..

شكراً لك على نقل الحفل ..