شــاركــ :. أكمل القصيدة السابقة

[صقـر عتيبـة]

:11612_1210249319:

الفكرة سهلة جدا جدا

هذا جزء من قصيدة وعلى العضو اللي يرد بعدي أن يكمل بقية القصيدة مع ذكر أسم الشاعر وموضوع القصيده

[grade="8b0000 ff0000 ff7f50"]او يعلن عجزه ويترك اللي بعده يكملها[/grade]

من يكمل القصيدة يحق له يكتب جزء من قصيدة يختارها هو

ومن ياتي بعده عليه بإكمالها

وهكذا

[grade="8b0000 ff0000 ff7f50"] نتمنى عدم كتابة الرد الا بعد اكمال القصيدة السابقة[/grade]

[poem=font="simplified arabic,5,darkred,normal,normal" bkcolor="darkred" bkimage="backgrounds/15.gif" border="double,5,darkred" type=0 line=0 align=center use=ex num="0,black""]
في لساني من الحيـاة مـرار= هوعن السر هل أزيح الستـاره
في فؤادي من الحيـاة صقيـع= بعد نبض الهوى ووهج الحراره
وصحابي وكل ربعي كسالـى= فـزت بالهـم بينهـم بجـداره
جئت مـن عالـم بعيـد بعيـد =ورأيـت منمقيـن الحضـاره
ويعبثـون ويرسمـون شقـاءً =وبقـاء بحنـكـة ومـهـاره
يلعبـون ويخسـرون غـبـاءً =وريـاء ويلحسـون الخسـاره
يحرقـون عباءتـي وثيـابـي =وشبابـي ومعبـدي بشـراره
والطريق الـذي تألـق نـوراً =كلما طـاب يقفلـون مسـاره [/poem]

[خيّال الهيلا]

فكرة جميلة أخوي صقر
ولاهنت يالكريم


القصيدة بعنوان :
ثقوب في خيمة العنكبوت ..


:


في لساني من الحياة مراره
وعن السر هل أزيح الستاره
في فؤادي من الحياة صقيع
بعد نبض الهوى ووهج الحراره
وصحابي وكل ربعي كسالى
فزت بالهم بينهم بجداره
جئت من عالم بعيد بعيد
ورأيت منمقين الحضاره
ويعبثون ويرسمون شقاءً
وبقاء بحنكة ومهاره
يلعبون ويخسرون غباءً
ورياء ويلحسون الخساره
يحرقون عباءتي وثيابي
وشبابي ومعبدي بشراره
والطريق الذي تألق نوراً
كلما طاب يقفلون مساره
والزهور التي يفوح شذاها
في الزوايا وغيرها في الصداره
كم رسمت مشاكلي وهموم
ـيفوق كفي وجئتهم للزياره
ثم صاروا على الطريق رماداً
وفساداً وخسة وقذاره
ياحبيبًا على المحيط أراه
ينثر الحب والهوى والإثاه
وعليه قصائدي حالمات
في حياءٍ وقد أضاءت مداره
قد نسيت مرابعي ودياري
ومداري ومانسيت دياره
إنه الروح في الحشاشة تسري
إنه السحر والسنا والطهاره
لا تلمني بحبه لست أدري
في لساني من الحياة مراره

.. مطلق الثبيتي ..

/

من مبتدأ العمر حتـى يلفـظ انفاسـه
يمر فـي مرحلـة تكثـر زوابعهـا.

أول حياة الفتـى مشـوار وعساسـه
مسافة في عجـاج العمـر يقطعهـا.

وثاني حياة الفتى تدريـب ودراسـه
تصعب ظروف الحياة وينشغل معهـا

أكمل القصيدة مع أسم الشاعر ؟

[صقـر عتيبـة]

جميل تفاعلك مع القصيدة و وفقت في أكمالها

أشكرك كثيرًا على تفاعلك المميز

والله لا يحرمنا منك ولا من ردودك


تقبل تحيااااااااااتي

صقر عتيبة

[نايف تراحيب]

قصيدة : دنيا العنا

قالـوا تعلمـت قلـت عنـاد وفـراسـه
أصارع النفس والدنيـا واصارعــهـا

ودرست في مدرسة من شيّبـت راسـه
دنيا العنا اللـي قضيفـاتٍ مطامعـهـا

تلميذهـا دايــمٍ تكـتـب بقرطـاسـه
وتعطيـه جملـة دروسٍ مايضيّعــهـا

والله عطانـا نظـر وقلـوب حسـاسـه
ناخذ علوم المعرفـه مـن مراجعــهـا

ونسايـر الوقـت ونقيـسـه بمقيـاسـه
ونوجـه النفـس بالواقـع ونقـنعـهـا

وترى حيات الفتـى مهمـا قـوا باسـه
محفوفـةٍ بالخطـر والمـوت تابعـهـا

من مبتدا العمـر حتـى يلفـظ انفاسـه
يمـر فـي مرحلـه تكثـر زوابعـهـا

أول حيـات الفتـى مشـوار واعساسـه
مسافةٍ فـي عجـاج العمـر يقطعـهـا

وثاني حيات الفتـى تدريـب ودراسـه
تصعب ظروف الحياه وينشغل معـهـا

وثالث حياة الفتى يرجـع علـى ساسـه
النقطـه اللـي بـدا منهـا يراجعـهـا

يرجع لسـن الهـرم ويضيّـع الطاسـه
ويزحف مع الأرض ويخطــط شوارعها

وليـا تلاقـت متونـه وارتخـى راسـه
ضاعت جميع العلــوم اللـي مجمّعهـا



للشاعر الكبير

رشيد الزلامي

فكره جميله وراقيه يا صقر عتيبه

- - - - - - - - - - - - - - -


ودنا نقنص وكل الكلايف جاهزه
مير غزلان المشاعر حرامٍ صيدهـا

واهني من شافها بالمحازه حايزه
يوم جاها الريح ماتلتفت لوليدهـا

من زعلها روحت عن ولدها جايزه
لو لبثها عن هواها رمت له ديدهـا

شبه صفراً بالتحدي عطوها الجايزه
في ملز الخيل كل الجوايز بيدهـا

يوم صارت بالمعاند خذتها فايزه
دربوا كل الأصايل على تقليدهــا

اكمل القصيده

[صقـر عتيبـة]

الشاعر / تراحيب بن سويلم العتيبي

ودنا نقنص وكل الكلايف جاهزه
مير غزلان المشاعر حرامٍ صيدهـا

واهني من شافها بالمحازه حايزه
يوم جاها الريح ماتلتفت لوليدهـا

من زعلها روحت عن ولدها جايزه
لو لبثها عن هواها رمت له ديدهـا

شبه صفراً بالتحدي عطوها الجايزه
في ملز الخيل كل الجوايز بيدهـا

يوم صارت بالمعاند خذتها فايزه
دربوا كل الأصايل على تقليدهــا

وكل سايس لو تعلق براس الناشزه
لو ينوش عنانها كسرت حديدهــا

واثقه وأعلى الحواجز تعلت حاجزه
مع مشاهير الرمك سجلو تخليدهـا

حقها من كل وصف الوصوف العايزه
فارس الهيجاء هدفها هواها سيدها

لو تصف مع الكواكب تكون البارزه
كن صواغ الذهب صايغه من جيدهــا

خلها تلعب ومهما تقول اللامزه
من نوتها بالمكيده تموت بكيدهـا

عذتها من شر كل العيون الغامزه
وعود الله بالسعاده عليها عيدهـا


/
/
/


دارت دواليـب الليالـي والأيــام..... وتبلّدت ياسعود بعـض الأحاسيـس

من كثر ماشفنا وعفنـا مـن العـام.... دنيًا يشيب ابها الذي يرضع الديـس

الغرب غازي للعروبـه والإسـلام...... وحنّا على الشاشات صرنا مراويس

صرنا مسارح للمذابـح والإجـرام....... وسيوفنا بعد الفخـر عـوّدت فيـس

نزحف ورى والغرب يمشون قـدّام...... مرخيـن أذانينـا للتقريـر ميليـس

مابينـا يقضـون عبّـاد الأصنـام..... ويكذب علانا هيس بن هيس بن هيس

العام كان الذبح في شعـب صـدام.... وهذا السنه بشـار جتـه التلاميـس

والله واعلم من هم اللي ورى الشـام.... أفكارهم واطماعهـم مالهـا قيـس

أفكارهم تنجـح وتخطيطهـم سـام.... وتخطيطنا يفشـل بكـل المقاييـس


أكمل القصيده مع ذكر اسم الشاعر