يابوي عطني شماغك بلثمه واحتمي به..

[نظره خجوله]

صبآحكم/ مسآئكم . . ورد {







}..~







أتركْـم مع القصيدهـ

:

:

يابـوي جعلـك للبقـا والمكاسيـب

عمري بدونك يالذرا ويش أبـي بـه



يابوي تسأل عـن شفـاك المراقيـب

طلعـة سواتـك للنّوايـف غريـبـه



ليه المرض مايعرف الزّين والعيـب ؟

مايـدري انـك للمخاليـق هيبـه !!



أبسألك وش به غزا وجهـك الشيـب

والقلـب لايـع والنواظـر شحيـبـه



وش بك تحاتي لانوى الموت تغريـب

تخشـى علينـا بالليّالـي الكئيـبـه



خذ دلّتك واركى على مسنـد الجيـب

وعطني شماغك بلثمه وأحتمـي بـه



ونروّح لأرض ٍ بها العشب والطيـب

وتسمع كـلام ٍ يالغـلا تحتفـي بـه



يابـوي بنتـك لاانحكـى بالتّجاريـب

كل ٍ يشـق لهيبـه الصّيـت جيبـه



يابوي ماني من سـوات المخاريـب

اللّـي تجيـب لعليَـة القـوم خيبـه



وماني من اللّي لامشت حفّها الرّيـب

أنـا مـن اللّـي مايدنّـس حليـبـه



مرفوع شاني عـن غـرام المكاتيـب

وأكبر من انّنـي أرتضـي بالحبيبـه



أنـا غرامـي لاابتـدوا بالتّراحـيـب

نفوس الأوادم فـي وجـودي رحيبـه



وان كان زينـي فتنـة ٍ للمصاويـب

أحـط وجهـي بالحريـق ولهيـبـه



زيني أبيعه وأشتري سمعـه الطّيـب

اسم ٍ ينومس بالصّـروح الـذ ّهيبـه



وان كان عندي ( بالحلا) شي ٍ اصعيب

عنـدي جـدود ٍ مارضـت بالغليبـه



دموع القبايـل فـي لقانـا مساكيـب

كـن المقابـر لاحضـرنـا قريـبـه



خضّبت لك كفّي من العـز تخضيـب

ورفعـت راسـي للنّجـوم الصّعيبـه



والله لأسـدّك بالفعـول المصالـيـب

والله لأشيلـك بالرخـا والمصيـبـه



طلع المعالـي ماانحكـم للشّواريـب

بنت ٍ وأناطح فـارس القـوم طيبـه



وياشيخي إبشـر لوتـدور الدّواليـب

بنتك إلا منّه عـوى الذّيـب ( ذيبـه)

:

:

إن شآء الله عجبتكم








دمتم بطيب {

[نايف تراحيب]

وياشيخي إبشـر لوتـدور الدّواليـب

بنتك إلا منّه عـوى الذّيـب ( ذيبـه)




8

8


ان شاء الله انك ذيبه


قصيده راقيه ومن النوع الجميل جداً


شاكر لك طرحك اللذي راق لي


ابدعتي يا [ ذيبه ] :)



نايف العتيبي

[ރالزيــاديރ]

عتيبيه أصيلة سلمت يمناك على الأختيار الجميل

قصيدة رائعه

تحياتي لك

[نظره خجوله]

المشاركة الأصلية كتبت بواسطة [ نايف العتيبي ] وياشيخي إبشـر لوتـدور الدّواليـب بنتك إلا منّه عـوى الذّيـب ( ذيبـه) 8 8 ان شاء الله انك ذيبه قصيده راقيه ومن النوع الجميل جداً شاكر لك طرحك اللذي راق لي ابدعتي يا [ ذيبه ] :) نايف العتيبي

الله يسلمك اخوي نايف وان شاء الله اني ذيبه بنت ذيب..:o


الله لايحرمني تواجدك الجميل بين صفحاتي..

[نظره خجوله]

المشاركة الأصلية كتبت بواسطة الزيـــادي عتيبيه أصيلة سلمت يمناك على الأختيار الجميل قصيدة رائعه تحياتي لك

يا هلا بك اخوي العزيز حياك ربي بين صفحاتي..

شكرا لهذذا التواجد الرائع..

[ملكة الأحساس]

[align=center]ابيات جميله وذائقه شعريه رائعه

يعطيك العافيه عتيبيه على الاختيار المميز

كل الشكر لكِ[/align]

[نظره خجوله]

المشاركة الأصلية كتبت بواسطة عاشقة عتيبه [align=center]ابيات جميله وذائقه شعريه رائعه يعطيك العافيه عتيبيه على الاختيار المميز كل الشكر لكِ[/align]

الله يعافيك ويسلم لك غاليك ..

شكرا لحضورك..