:D:11612_1210249319:
هذي القصيده للشاعر المعروف ولد عمي ضاوي بن عايض العصيمي
وارجوا ان تستمتعوا بها
وانا شخصيا احب هذه القصيده وخاصه اذا سمعتها بشريط القنص وحيث ان القائها بطريقة الحدا
والفريد بهذه القصيده انها تصف الطير وفعوله وطريقة هدده وشجاعته
نتركم مع القصيده :
ياقلم بألحان سجل وصف ضاوي *** لاتزيد ولاتنقص في كلامه
شاف شي(ن) هيض القلب الشقاوي *** نعنبو من يلحق العاشق ملامه
عاشق اللي ماتقربه المناوي *** حلم صقار(ن) كبيرات حلامه
نادر(ن) نوعه لكل الزين حاوي *** مايوصف به غير برجال الزعامه
مثل اخو نوره اليا جت العزاوي *** الامام اللي ينومس في مقامه
حر(ن) اشقر ريش للعلايا شفاوي *** يوم شالوا برقعه شفت القرامه
شفت فعله ماروالي كل راوي *** مشهد(ن)يكرم عن افلام الندامه
شدني لمشاهده وانا هواوي *** قمت اتابع معركة عنف وصرامه
معركه بين الحبارى والنداوي *** هو يبا الصيده وهي تبا السلامه
يوم جاها من علو الجو هاوي *** كوبرت له ثم لمسها حسامه
ناشها رمح مثل رمح العطاوي *** او سهم مزيد اليا طش العمامه
وارتفع ثم جالها بالشر ناوي *** وهي تدرق من ثمامه في ثمامه
صايده وقت القى ماهوب ياوي *** صاعها به ثم جعل فيها علامه
ضيعت من ضربته كل الهقاوي *** وسلمت له طايعه وادرك مرامه
كافحت لاكن جاها امر(ن) سماوي *** مضرم(ن) في قلبها نشب سهامه
وحايلوه اهل المدايح والسناوي *** ولاخذوها لين حطو له حمامه
اخر بيت هذا شغلنا بالحبارى لابغينا ناخذها من الطير عشان نعلم طيورنا الثانيه
وان شاء الله تعجبكم وتنال اعجابكم
مع تحيات _صقر عاصم_
| 
|
03-07-2009, 01:39 PM
قصيدة الشاعر ضاوي العصيمي بالطير ,,,,,,
العرض العادي
