[align=center]
السلام عليكم ورحمة الله .
قصيدة للـشاعر / نـايف بن عرويل إعجبـتني ونقلتـها لكم .
[poem=font="Simplified Arabic,5,black,bold,normal" bkcolor="transparent" bkimage="" border="none,4,white" type=1 line=0 align=center use=ex num="0,black"]
جرح ٍ تمركز بوسـط الجـاش وابتـزه= واضهر فرايـد لهـا عاميـن مكنـوزه
ماتت وجيـه الرجـال وماتـت العـزة= واجتاحنا الـذل واعلـن للمـلا فـوزه
يا اهل المناصب وش اللي صار في غزه= يا وجيه ذل ٍ على الشاشـات مـرزوزه
شـي ٍ يوقـع بوسـط القلـب ويحـزه=مشاعر الناس مـن ماصـار مهـزوزه
قنابـل ٍمـن سماهـم مالـهـا حــزه=ماجت على اهـداف معنيـه ومفـروزة
يقتلبهـا اللـي بمهـده وامـه تـهـزه=ويقتلبها اللـي عـدل ممشـاه عاكـوزه
جمـع الجنايـز مثـل تجميعـة الجـزه=على بعضهـا جثـث النـاس مكـزوزه
رمح اليهودي بوسـط صدورنـا غـزه=وحنا عجزنـا نشيـل الرمـح ونهـوزه
اجيوشنـا فـي قبـال الضـد منهـزه=وفينا الخطايا لضلـم الوقـت معنـوزة
ياواهـي العـذر عمـر العـذر مانـزه=خرايـط الـذل قـدم العيـن مقـزوزه
من حـرك الجيـش قـل بالله مـن دزه=من سكت الشعب قلي واحكـم قـزوزه
بالله منهـو يـوز الـنـاس مــن وزه=عسى الغنايم عقـب ماصـار محيـوزه
دور السفارات وسط العرب مـن عـزه=خلا للأوغـاد وسـط ديارنـا حـوزه
مافيـه داعـي نفضـح فيـه ونـلـزه=بعض العبـارات فالأعـلام محجـوزه
ماتت وجيـه الرجـال وماتـت العـزه=ياوجيه ذل ٍ علـى الشاشـات مـرزوزه[/poem]
صح لسانك يانـايف :) . [/align]
| 
|
12-31-2008, 10:54 AM
العرض العادي
