بيني وبين الشاعر عبد الله المرشدي....الله يذكره بالخير,,,

[البارع]

بســـــــــــــــم الله الرحمن الرحيم...

تحيه طيبه للجميع,,,لا اريد الاطاله ولكن لابد من مقدمه,,,كما يعرف
الجميع ان للشعر موقف...وانا هنا وانتم معي جميعا اننا افتقدنا احد
اعمدة المنتدى وشريانه النابض...والذي دائما مايتحفنا بروائع القصايد
حيث اشتهربتصخير الابيات وتراى الفرائد تاتيه طائعه او مرغمه...
الا وهو شاعرنا الشاعر عبد الله المرشدي(ابو بدر)...الذي اعتزل عالم
النت بلى رجعه....لاسباب لم يفصح عنها شاعرنا... وانا بصفتي احد
معجبيه واحد(تلامذته) الذين استفادو منه الكثير لما سالت صاحبه وصديقه
والذي لايقل عنه قدرا ومنزله الى قلوبنا جميعا شاعرنا الكبيرابن مسلم
واخبرني بالخبر تهيضت بابيات اتتني باقل من خمس دقائق ,,, ووصلها
له مشكورا ابن مسلم ورد علي ابو بدر,,,واليكم القصيدتين:

واخاطب باول الشطر ابن مسلم:
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلم على هاك الشنب ياولد روق= قله ترانا مارضينا بقوله
المرشدي له منزلٍ فوق مرموق=في قلوبنا ماتنزل الناس حوله
والشوق حاديني على نظم طاروق=ابا ارسله للي عطيبه فعوله
ودوه يالشجعان في سرعة بروق=للي كسب للصيت في كل جوله
المنتدى يبكيه والقاف محروق= والشعر بعده يصعب انا نقوله[/poem]

واجاب ابو بدر بهذه الابيات:
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اهلا هلا ماطلت الشمس بشروق=بالقاف واللي مرسله مع رسوله
هاظ الخفوق وجاوب الصمت بخفوق=وارخى خيال الشعرمقدم ثعوله
وجتني بيوتن كامله مابها طقوق=فيها على جزل المعاني شموله
باب الوفا للحين ماهوب مغلوق=لكن على الرديان يصعب وصوله
يبقى الوفا والطيب في كل مخلوق=وهبه من الرحمن للي ينوله
كفبت ياسلطان فعلٍ ومنطوق=عداك فعل الشين مانته بحوله
وانا على اهل الطيب ماني بمفهوق=رجلي على درب الرجوله بتوله
لوباقو الصدقان بالعهد مابوق=اوفي ولا ارجي من وفايه عموله
حتى لواني غبت عن ناظر الموق=مقداركم في وسط قلبي نزوله
ربعي هل الطالات والخيل والنوق=اعتيبه الهيلا ونعم الحموله[/poem] وفي نهاية قصيدة ابو بدر اقول الله يذكره بالخير فالاســـــــــماء

كثير والرجال الاوفياء قليل........دمتم بود/سلطان حمد البراق

[فهيد مقعد الرويس]

[align=center]ياسلام عليك

يالبارع

صح السانك

والسان ابوبدر الله يذكره بالخير

تقبل اطيب تحيه [/align]

[ناصر بن سعدي]

إخــوي الغالي


سلطان البراق


صوت رائع .. وصدى أروع


قصيدتان في منتهى الجمال...

صــح لسانك..وبيض الله وجهك..


وصح لسان أبو بدر والله يوفقه ويسدد على طريق الخير خطاه ..


ودمت بخيـــر ..

[ابن مسلم]

صح لسانك ياسلطان

وبيض الله وجهك وهذا يدل على طيب معدنك

وصفاء قلبك ولايهونون باقس الزملاء اللي موجودين معنا

وصح لسان ابو بدر والله يسترعليه

[مراسلكم]

البارع

صح لسانك يارائع


وصح لسان الشاعر الكبير


عبدالله المرشدي


بدع وافي ورد رائع

والله يرد ابو بدر سالم غانم

[نادر النمر]

[overline][align=center]سلطان البراق وافي وافي والله يالذيب ,,

وقصيده كتبت احساسنا كلنا فيها .. وصح لسانك بلا عدد ,,

وصح لسان شاعرنا الكبير جزل القصيد ..

أمتعتونا بالجزاله .. والشعر وقصائد غاليه علينا بالمره .

بيض الله وجيهكم جميعا ً ..

ولكم مني كل التقدير والاحترام ,,

,, [/align][/overline]

[روقي قرم]

صح لسانك يالبارع

سلمت على هالجزلـه

وصح لسان المرشدي

الله يردهـ بالسلامـه وان مارد الله يسهل دربه


للطيب في قلوبنا منزال..والمرشدي نعم الصديق وابن العم

سلمت ودمت يالبارع

أطلق التحايا لك ولـه