السراط المستقيم

[علي العازمي]

قصيده للشاعر الكبير المعروف والشارك معانا في المنتدى
وهو الشاعر فواز علي سريع الروقي عسى ان تنار على اعجابكم
والقصيده لم تطرح من قبل جديده
اخوكم على العازمي


ياياناصر المسلم
يـاللـه يـاعــالـم بـغيـبــي ومـافــي -- يـامبيـنٍ زيــن الطـريـق ونظيـــره
يامسهل الصعبات تصبح ولاشي -- إنصــر لعبــدٍ نصـركـم يستجـيــره
ياللـي بيــدك الحكـم تـامـر وتنهي -- وكل صعبةٍ بأمـرك تعــود يسـيره
يالمنجـي الفازع وتمنـع وتعطــي -- يـارازق اللـي بـالخلاء حام طيــره
يـامنجــد المظلـوم لن قـام يدعـي -- ويـانـاصـر المسلـم بـليـا ذخــيـــره
يـامـوعـد بـالخيـر وبالخير توفـي -- سهل طـريـق اللـي حياته كــديــره
اللي يلـوعـه لايـع الميت والحـــي -- ماهـو بحـي وجـور غيـره وزيـره
ينـوح بالـوجـدان وينـوح بالـــوي -- وينـوح بالكتمان وســط الجـزيـره
عمره ضياع وفارق الشمس والفي -- والهــم والغــربـال دايـم يــديــره
أمسى ضحيه من عمل ذاك مع ذي -- وضاقت به الآفاق حتى البصيره
يجــر ونـاتـه شـــبه حــال مزري -- والنفــس يـامـولاي شــبه الكسيره
لن ماجبرت النـفس دنياي وشهـي -- مال السعــد فيـها عيـونٍ سـريـره
ومال المذاق الحلو مشرب ولاطي -- ويبقى شـرابـي من بيار المريـره
أعيــش بالحرمان وأنـوح واشكـي -- وعليك اشكي شكـوتٍ لي كبيــره
لن مانصرت العبـد يموت مضمي -- محروم والمحروم هـــذا مصيره
راح العمر واشوف بالعين ووحي -- وألقى الضياع موقفٍ لـي خفيـره
قاسـيــت فالـدنيـا والايـام تمضــي -- وصبرت صبرٍاللي تضد المغيره
أداري إهمومي أداري لجــرحــي -- وأرجي فرجك اللي وصلنا قريره
مظلـوم والمظلـوم للـرب يـرجــي -- إقبل دعاء المظلوم وأعلن مطيره
وداو الجروح اللي ألمها كما الكي -- وبرد خفــوقٍ داخله كالسعيــــــره
وإلطف بحالٍ حافها الضيم والغي - وهون على المظلوم طول المسيره
ممسيت يـوم الناس تهجـع وتمسي -- ولاجاورت عيني عيـونٍ سفيــره
دنيا التعاسه باركه وســـط قلبــــي -- والقلب من شكواه يـرثي ضميره
وظلم العداء سواء على القلب عدي -- وكل فاجـرٍ قلبي تسمع صفيــره
طالت سنين الضيم وسنين وجدي - وصاف النهر يبست جوانب غديره
مالي ملاذن كـود وجهك لنصري -- ومنـك الفـرج يـاخالق المسـتديره
يـزيـد همــي دون نقصـان همـي -- وسـيف الهلاك مشهـره من جفيره
دنيا القهـر والغبن في وسط حدي -- مثــل الملك والحال عنــده اســيره
وهـــم الصــدر يالله كاشن ونقدي -- ليـن أمتلى صدري همـومٍ كثيـــره
أزريت عن شـيل الحمل زاد حملي - والعون يامولاي منـك اسـتجيــره

الشاعر :
فواز علي سريع الروقي

[علي العازمي]

تبي ردو د

[الدويــــش]

يعطيك العافيه ياخوي /علي العازمي
على هذه القصيده
وصح لسان قايلها

[إبن ثعلي]

لاهنت ياعلي العازمي على نقل هذه القصيدة الجميله وصح السان الشاعر فواز الروقي