أبعدوهـــــــــــــــا عنـــــي

[فهد بن فهم]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابعـدوها عن عيوني قبل ماموت بسببهــا"="ماقدر أشوف الهنوف اللي مغربلني غلاهـــا

غربلت روحي تزايـد مع تغنجها عطبهـــا"="أتظاهر بالجلاده ليــن وصلـت منتهاهــــا

إنتهتبي في عيونٍ كل مايرمـش هدبهــــا"="ترتخي عينـي غصيبه لين أطالع في حشاهــا

ليـن اشوف اللبه اللي ماتفكك من نشبها"="ينعكس منها الشعاع ويعمي عيونـي سناهــا

القمرمنها وفيها كن يرجع له نسبهــــا"="الله أعلـم عن نسبها بس من لونـه عطـاهــا

وآه ياشطن المحاجر كنها تعلن غضبهـــا"="كنهـا تآمر وتنهـى من تنوشـه مـا عصـاها

لو تجمّع جيش الأمـه وإتحد لا ماغلبهـا"="لدةٍ وحـده ويرجـع يطلـب الله ثـم حمـاهــا

وغرةٍ لو مالجديلـه بعض مرات إتحجبهــا"="كـان قلت الله يبيحـه قلبي اللي في رجاهـا

وكيف اوصفهـا شفاياً كل ماهجسي قربهــا"="تبعده عنها الحراره ليـن مايلحق مداهــا

جمرةٍ تشكي لجمـره مـا يكفيهـا لهبهــا"="كل جمره قبل الأخرى ودها يغلب لظـاهـــا

كيف ماموت بسببهـا والله المعطـي وهبهـا"="كل معنى من جمالـه صانهـا وأكمل حلاهـــا

لين صار الزيـن منها والحلى عوّد لقبها"="لقبوها بالمليكه تنفـرد عما سواهـا

إنشدوهـا عن عذابـي وإنشدوها وش طلبها"="كانهـا تبغـى حياتـي قلت ماتطلب فداهــا

وإنشدوا قلبٍ عشقهـا وإنشدوا حظٍ جلبهـا"="ليـه يخفـون الحقيقـه لين صوبنـي هواهـا

قصتـي ياهل المحبه من قراهـا من كتبها"="من كتبهـا لايذكّـر لانساهـا اللي قراهـــا[/poem]

[إبن ثعلي]

صح السانك يافهد قصيده رائعه جدا
تحياتي

[فهد بن فهم]

حياك ابن ثعلي

اسعدت اخوك بتواجدك

شكرا لك

[بنت* عتيبة]

صح لسانك فهد على ها الابيات الرائعة والمعاني الجميلة

[فهد بن فهم]

هلا ببنت عتيبه

حياك

نورتي القصيده بطلتك طال عمرك

فشكرا لك

لاهنتي

[اخو من طاع الله]

قصيده رائعه اخوووووووووووي
تسلم يمينك ونشوف جديدك قريب
تحياتي

[سليل سيوف]

[align=center]صح لسانك ولاهنت

متابـــــــــــــــــــــــــــــــــع ,,






دمت كما تحب[/align]

[الجوووري2]

ابعدوها عن عيوني قبل ماموت بسببهـا"
"ماقدر أشوف الهنوف اللي مغربلني غلاها




صح لسانك اخوي


ابدعت يالغالي



اشكرك


اختك


الجوووري

[النـايــــــف]

صح لسانك اخوي فهد بن فهم



وبيض الله وجهك يا الغالي


معليش تراني عدلت في توقيعك


ومن شروط المنتدى ممنوع وضع روابط لمواقع اخرى


تحياتي لك ،،،،،،

[طالع]

قصتي ياهل المحبه من قراها من كتبهـا"
"من كتبها لايذكّر لانساهـا اللـي قراهـا

هذا بيت القصيده يابن فهم

والقصيده رائعه من انسان رائع