[align=center]مع فائق التقدير لــ ابو فهد[/align]
[poem=font="Simplified Arabic,5,blue,bold,normal" bkcolor="white" bkimage="" border="double,10,green" type=2 line=0 align=center use=ex num="0,black"]
عديت ياسعدون راس الينوفي=واسهفت روحٍ ماتروم السهايف
وقفت فالهامة وطوّل وقوفي=لين اكتمل فالعين فلم الحسايف
ايه آه .. ياذكرى المجاريح روفي=ترى التوجد للمولع كلايف
يزمي له الماضي وعينه تشوفي=حقايقٍ ماداخلتها الوهايف
تودع ودايعها العدايل جنوفي=في شوف من واشع خشوم النوايف
شوفٍ يرق لشوف حال الطيوفي=يامن يبلغني بليغ الوصايف
اللي عليه مزايمتني ظروفي=ولافيه من يودع ثقالي خفايف
والحب يوهن مرهقين السيوفي=ودايم صويبه فالطويلة مهايف
يسبل سبيله من حشاه القنوفي=وتطرخ بشبله فالطويل الهفايف
وان جا ظلام مفرقات الحلوفي=والليل مرخ ٍ من سواده سفايف
لجلج رزيمه في جنوب الكهوفي=كنه رعد صيفٍ مزونه زهايف
عرضت له اطياف الحبيب العيوفي=وانهى جماله في حدود التزايف
شيخ البنات مخضبات الكفوفي=اللي عليه عبار قلبي عطايف
شوفه بلغ حد التناهي بنوفي=لين أسرجن شم الضمير العفايف
هذي ترى حالي وهذي وصوفي=الحظ ماخلا لمثلي خلايف
لاواه .. يانار ٍ توقد بجوفي=فيها انت ياسعدون ويش انت شايف
يالهرس أنا من دون غاية شفوفي=تزمي قصادير السراب وتنايف
لحيت بك ياللي بالاوجاب توفي=لحة طريح مصقلات الرهايف
تاطاه صم الخيل وطي الخفوفي=وعليه عقبان المراقي تضايف[/poem]
[align=center]فاروق بن فهد الكسر[/align]
| 
|
08-07-2008, 06:31 PM
العرض العادي
