قم وأترك الشغل فرضك يافتى صلـه (جديده)

[ولد غابي]

أبيات جديده

عسى أن تنال أعجابكم .... وتتبعون مافيها إن شاء الله

وهي وصية لأبني ((بدر)) حفظه الله

[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="groove,4,gray" type=2 line=0 align=center use=ex num="0,black"]
قم وأترك الشغل فرضك يافتى صله=الفرض إله وقت وأشغالك تناساها
فرضك ترا حبلك اللي يرْبِطِك بالله=جوّد بيمناك حبلك وأوْثق إعْراها
حافظ على الفرض والسِنْه لها مِله=إلها منازل رفيعه كان تبغاها
ركعاتها عشر وإلها زود وأفطن له=أثنا عشر سَـنّها المعصوم سواها
والخير دقه وجله يافتى كله= ثنتين قبل الفجر يذّن ومحلاها
ياسعد رجلٍ حفظها سعد منهن له=له منزله عند ربي فاز بأعلاها
وإن كان تبغى مع الحسنات زودٍله=أحفظ جزيل السوربالليل وأقراها
الله ذكر كل حسنه عشر يبرن له=وزود علاها ميه في سبع تبراها
(يابدر) هاذي وصية وأذهن الزله= وصاك مخلص وأبوك أعطاك سلواها
أحفظ وصاتي وفرضك يافتى صله=عساك ممن يفوز اليوم وأتلاها

سفر مشعان العتيبي
[/poem]

وســـلامتكم

[ابن عاصي]

صح لسانك أخوي غابي

على هذه النصيحه


تقبل تحياتي

[حسام هوازن]

صح لسانك

يــ ولد غابي


ودمت بألف خير

[فهد العايضي]

صح لسانك يابوطلال

والف لاهنت

والله يخليلك بدر وإخوانه ويصلحهم

[اخو من طاع الله]

صح لسانك وتسلم يمينك اخووووووووووووي
تحياتي السلاح

[إبن ثعلي]

صح السانك ياولد غابي نصيحه مميزه
تحياتي

[النـايــــــف]

صح لسانك يا ابوطلال


وبيض الله وجهك يا الغالي


تحياتي لك ،،،،

[فهد بن فهم]

صح لسانك يابو طلال

وحفظ لك الله كل من تغلي

شكرا لك

[طالع]

ابو طلال صح لسانك

ابيات حكمه لله درك


اخوك

طالع

[(اجمل احساس)]

الله يسلمك

ابيات رائعه

وصاحبها اروع