قصيدة ملحمة الشرارات التاريخيه

[ساري نجد]

[align=center]السلام عليكم ورحمة الله وبركاته
اولا اود ان اشكركم على هذا الموقع الرائع وعلى القائمين عليه ،وأود ان تقبلوني صديقا لكم .
هذه مشاركتي الاولى معكم وامل ان تنا اعجابكم.
هذه قصيده للشاعر الكبير عايد بن رغيان الورده الشراري من فخذ العزام وهو شاعر معروف وقديم وعاصر كوكبة من الشعراء الكبار خصوصاً في عام82هـ بإذاعه الكويت (ركن الباديه) واهم الشعراء الذين عاصرهم وعمل معهم شاعرنا خلف بن هذال محمد الخس والشاعر مفرح الضمني والشاعر غازي المعنى وأهم الشعراء الذين عايشهم وكان اشدهم تأثرا به هو الشاعر مانع بن دنبوح العجمي،لا اود ان اطيل عليكم ولكن هذا نص قصيدته المسماه بالذلول والتي تعتبر ملحمة الشرارات ،وبعد البيت رقم 44 ينتهي وصف الذلول الشراريه الاصيله ويبدأ موضوع القصيده الذي اسكت الكثيرين وجعلهم يندمون اشد ندم على مجاراة عايد[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]

قلبـي يـزوم وزود طيشـه بـلانـي= وطير النيا يمكن رجع عقـب ماغـاب
2 تــوه قضـيـب وزادبالأكفخـانـي=سبقه قصيـر وماقعـه دون مقضـاب
3 قلـت الفـرج بالقافـيـه واكتبـانـي=دام القلـم مطـواع والحبـر سـكـاب
4 ياراكبـا مـن فـوق بنـت العمـانـي=حـول الربـاع وتـو ماشقّـت النـاب
5 فيهـا مـن العيـرات رقـم الثمانـي =محفوضة التاريـخ ميـلاد واضـراب
6 بنـت القعـود اللـي يفـك القرانـي =مرباه شـط النيـل مرتـع ومشـراب
7 ضريبتـه بالعيـش صعـب المجانـي =تدفع لنا غصبـا علـى قـوم غصـاب
8 يشهـد لنـا راعـي نفـي بالاغانـي =وحمود ناصـر وبـن ملحـم وحطـاب
9 عيونهـا جمـر الغضـا الشلهبـانـي= فـي جورتـاً مابيـن كيـراً وشبـاب
10 فقـس العلابـي ثـم عكـف الاذانـي=راس الخبير اذا وقف واصلـح الكـاب
1 مبرومـة الفخذيـن والـزور بـانـي=بينـه وبيـن اكواعهـا قفلـة البـاب
12 شيب الشواغـر مـع مميـل الثفانـي=عراضا مرادفهـا كمـا قـار ديـراب
13 الصيعـريـه للـعـصـا مـاتـدانـي =ولاهي من اللـي يشعبونـه بمشعـاب
14 تلمـح مذانـب عينهـا الخيـزرانـي= هاجت وماجت ثم ساجـت بضبضـاب
15 عقب الربـخ سـاج الحقـب للبطانـي= شابت مرافغ بطنهـا والحقـب شـاب
16 ان درهمت بك مـع سمـاح المتانـي=وحان المسا والدرب عثعـث ودبـداب
17 يزيدهـا شـوف الـظـلام جفـلانـي =كـن السعـارة ينهشـنـه بالانـيـاب
18 تزلف على اللـي سيرهـا بروجانـي=فريد من سرب القطـا شافهـا عقـاب
19 وكـل مـا قربهـا زادهـا بالجنـانـي =تزيد مع لفح الهـواء والهـواء هـاب
20 حـدا نظـر خشمـا عفـر مشفقانـي =حصا وبر كـن النحـر بـاب خشـاب
21 تقـدم علـى السرحـان بالهـوذلانـي =ينزّى الحصا من خفها تقـل مشهـاب
22 صفـق الهـواء بجنوبهـا بصفحانـي =صفقات معصيراً على صـوب مـزراب
23 دقـات قلبـه بالضـلـوع الحـوانـي= ضرب الدفوف بعرس تلعـات الارقـاب
24 مزبـان مدمـيـاً بعـيـد الطنـانـي= لحـم ودم وروح وتثيـر الأعـجـاب
25 بالـشـد لاتـرغـي ولا مضبحـانـي=مثل الهنوف اذا استحت عنـد خطّـاب
26 وأن مـس حبـل شدادهـا بالمثـانـي= تبدي الرضا بسكـات بعيـون عتّـاب
27 ترطـن رطيـن مترجمـن طرطمانـي=شاف المحـرك عاطـلا فيـه لـولاب
28 تشـدى لشاحوفـا بعـيـد المـوانـي =حس الخطر من زورقـا جـاه قـراب
29 شاف الخطر بالعيـن والمـوت دانـي =وتـو البحـر ماهـاج والبـزر كبـاب
30 الجـم راكـد والمسـيـر ركـزانـي=صفق المراوح بالبحر صفـق مغـراب
31 مارافقـت قـفـلا ولاهــي بـوانـي =ولا شدهـا راع الزمامـيـل حـطـاب
32 ولا دربـوهـا ملاعبـيـن الغـوانـي=عفـر النظـر مايركبـة كـل ركـاب
33 مرباعهـا بيـن العـلـم والجـرانـي =ومقيضها بالهـوج والبـرق معـزاب
34 في ضـف نجعـا يكسبـون الرهانـي=أن صار يومـا بيـن مـروي ونـداب
35 ركـض النعامـه بالحفـا والليـانـي=وحبل الرسن مايقضبـة كـل قضـاب
36 مايشتـريـه التـاجـر المربحـانـي=أيضـا ولا تهـدى علـى كـل طـلاب
37 تشبه عـوارض ساقهـا الشيشخانـي =وسـم السليـم بنصفهـا كنـه الـداب
38 يـوم الحرايـب والعـدا مـن زمانـي=مدربينـه بيـن غــزوة ومـطـلاب
39 نلحـق عليهـا راكبيـن الحصـانـي= وصفـرا يكضمـن ألأعنـه بالأجنـاب
40 ماقلـت فيهـا عـيـب للمودمـانـي= الجيش هن والخيل من ضمن الأسـلاب
41 ومن قـال عيـب قلـت فيهـا مثانـي =على الخبير المبتـدي ذكـر الأسبـاب
42 دليلهـا واحــد مــن الكوكبـانـي=الجدي ولا سهيل كـان القمـر غـاب
43 حطـت نحرهـا فـي سهيـل اليمانـي= ولو شفت اثرها قلت مضـراب نشـاب
44 من ساس ضمّر جـرد ماهـن بدانـي= تلفي لشمـر مـن مشاهيـر الأقطـاب
45 أهـل اللحيسـا فـي كبـار الصيانـي =أرداهـم اللـي للغنـم تقـل قـصـاب
46 يقلطـون العيـش مـع فطـح ضانـي=وعذرا سمينـا فـوق كلماتـاً عـذاب
47 يستعملـون الهـيـل والزعفـرانـي= فـي دلـةٍ يطـرب لهـا كـل شـراب
48 الهيـل هنـدي والمسمـى أسبـانـي =وقهوة عـدن فنجالهـا كنـه خضـاب
49 غلبـا بطايـن جوخهـا الأرجـوانـي =كم شيخ شغميما غـزى يمهـا وتـاب
50 راع المطـيـة عـارفـا بالمـكـانـي =يرفـق لـه العنـوان مـع كـل دراب
51 ببـلاد سنجـاره عليـهـا الأمـانـي=وعند الحسينـي لـه تحيـة وترحـاب
52 الأشعـل الفيصـل عفيـف اللسـانـي=قول الكلام بلطـف مـن ضمـن الأداب
53 قـل السـلام وشيـر لـه بخضعانـي =وقـل التحيـة يازبـن كـل منـهـاب
54 أحلى مـن السمـن العريـب العدانـي =ومن درة الخلفة على بيـض الأنيـاب
55 مـن واحـدا يسـألـك يالترجمـانـي =عمـا ذكرتـه باليمامـه بـالأعـراب
56 ان كنت تعرف صنفنـا مـن الدوانـي =استـر علينـا يستـرك رب الأربـاب
57 قلـت اللحـاوي بيطـري بالزمـانـي =يجبر كسور كروش يوم السهم صـاب
58 أسألـك عـن قـولا نشرتـه دعانـي= أشره عليك ورد في صـدق وأيجـاب
59 مـن نجّـح الدكـتـور بالأمتحـانـي= وفي اي معهد دارسـا علـم الأطبـاب
60 عسى شهـودك مـن بعـاد العوانـي= أو الشهـادة عندكـم وســط دولاب
61 مـن قـال قـول يدعمـه بالبيـانـي =ولا عليـه الحـق يلـزم ولـو غـاب
62 سبيتـنـا وأعطبتـنـا بالـهـوانـي=مسبةً تبـرى الحشـى تقـل تيـزاب
63 والسـب شـوك الكبـد منكـم كوانـي=مسمارها حامي علـى عـرق صبـاب
64 وان كـان حضـك يحتملهـا ثـوانـي=تلقـاه قدامـك وانـا خاطـري طـاب
65 عقلـي ثقيـل وحجتـي فـي لسانـي=ماعـاد نخضـع للأسامـي والألقـاب
66 نصبـر لهـا دام الـذي كـان كانـي=ولا نبادلك في منطـق فيهـا الأنشـاب
67 لعـل انــا ماشوفـتـي بـالأدانـي=وأدراك عن قول تـرى فـلان كـذاب
68 مانـي بشيمـات العـرب مسـردانـي*ندري الحضوض ونحسب القول بحساب
69 احسـب خطايـه واقتصـر بمشيانـي=اخـاف زلات القـدم يــوم نـرتـاب
70 وكـلام جهّيـل الـعـرب بوبهـانـي=ملح البحر وان جـاه زوم البحـر ذاب
71 ولـو قـال دواس الشعيلـي معـانـي=ساعـدك بالدقـه علـى وتـر لعـاب
72 يـالأجـودي ماشيخـنـا مشبهـانـي=حتـى يعالـج خيلكـم عندمـا تصـاب
73 هـذا اللحـاوي يالسنافـي ضمـانـي=زعيم كلب ويعرفـه عكـف الأشنـاب
74 قـرمٍ صميـدع قاطـعـا صيرمـانـي=من خلقتـه مـالان راسـه للأرهـاب
75 ينطـح نحـور مربـعـات القطـانـي=نطح الزناتي خيـل ابـا زيـد وذيـاب
76 ومـن صـار قفـو حصانـا بالعلانـي=عليـه لايامـن مضاريـب الأسعـاب
77 وان كنت تطعـن فـي نسبنـا ترانـي=اعطيـك علـمٍ بالمراجـع والأنسـاب
78 حنـا عـرب وساسـنـا بقحطـانـي=مكتوب في صافي الذهب بأوسط الطاب
79 فـي شجـرة الأمـه بهـاك المكانـي=مكتوب بالبـردي ومنحـوت بهضـاب
80 كلـب ابـن وبـرة جدنـا وشهوانـي=مركـز قضاعـه ماسكينـه بالأطنـاب
81 وفي دومة الجنـدل لنـا رمـز ثانـي=اسـم صنمنـا ودّ فـي راس مرقـاب
82 تركـع لـه ارقـاب العقيـد اركعانـي=وكيـدر الكنـدي بنـا فيـه محـراب
83 وان كان ربـك مصطفيـك اصطفانـي=الفـرق بالتقـوى والأعمـال بكتـاب
84 وشرار مهـو اسـود وطـيّ بيضانـي=ولا جدنـا صقـرا ولا جـدك عقـاب
85 آدم ابــوك وهيكـلـك مـودمـانـي=وحوّا احملت بك عن طريقه بالأخصاب
86 وانـا شريكـك فـي نسبهـم ولانـي=من كوكبٍ ثاني علـى الارض طبّـاب
87 وأراك يالمـمـدوح كـمـا تـرانــي=سنـا بسـن ونشلـع النـاب بالنـاب
88 وأن كنت تقصـد بأرضنـا بالسنانـي=أسأل عبكلي ليـش يمشـي بمصـلاب
89 جانـا معـه غضبـان هـو والدمانـي=وضرب الهنادي كنهـا لعـب طرنـاب
90 وحصل اخو عليا على السـاق شانـي=وخلا بعض ربعه وهـو راح منصـاب
91 امضـى حياتـه مشيتـه بعرجـانـي=ولا يصلـح الحـداد عظمـا بسكـراب
92 وابن رخيـص اللـي نخانـا عيانـي=جيناه في شلـفٍ شطيـرات وحـراب
93 وجبنا لـه المجمـول صافـي الثمانـي=بنت الشمالـي يـوم عيـا بالأحبـاب
94 بيـت العيـاده مـن كبـار المبـانـي=نخبرك عن نسله الى قيل مـن جـاب
95 ومن حـط بقنيطيـر بـزر الاومانـي*عقيـد شمـر بيـن منكـف وكسـاب
96 حيثه هجـم عقـب العهـد والأمانـي=في ساعةٍ تصعب علـى كـل مرعـاب
97 الشلـف فيـهـا كـنـه الديدحـانـي=من دم عصمـان الشـوارب اذا سـاب
98 زادن علـيـه المتـرفـات انعيـانـي=مثله فقيـد ومثلهـن شـق الأجيـاب
99 في راس ودعه مدفنـه الصمصمانـي=من خوف لاياتيـه نسـر ولا غـراب
100 نكرم كريـم القـوم لـو كـان فانـي=ولا همنـا بأفعالنـا قــول هــزاب
101 ولـو تسـأل الهربيـد قولـه كفانـي=من اللي جـرى ببـلاد كلـب وكـلاب
102 بأيسـر مكيحيـلا بـحـد الطمـانـي=يوما جرى لعساف فـي قيـض لهـاب
103 شيـخ السويـد مزهبيـن الـردانـي=مع دربهـم تلقـى الحواريـن ذهـاب
104 أغواهـم الضـمـران والقحويـانـي=وبرقا يغـرد طيرهـا بيـن الأعشـاب
105 وغزوهـم اللـي يقطعـون الشطانـي=ولا صح لأسماعيـل وسعيـد مهـراب
106 ومن سبب الشيخـه علـى المكلمانـي=حتـى يشبـة بالفـرزدق وزريــاب
107 ومن زهـب سويلـم بسمـح ودهانـي=من بعد منعه وأطلقـه عقـب ماطـاب
108 صميدعـا بالحـرب ماهـو هـدانـي=قاد السويـد لحربنـا مثـل الأسـراب
109 ولو تسألون عبيـد مـن راح عانـي=لعل يلقـى أخـوه مـن بعـد الأتعـاب
110 فـي سهلـة تبعـد عـن مريغـانـي=حروة ثمـان ايـام للنضـو مسحـاب
111 بديـرة منزحـة الـعـدا بالطعـانـي=يردون حوض الموت كان الردي هـاب
112 حـول يـرد الخيـل واصبـح يعانـي=من جرح سيفا صار له فـي مضـراب
113 واقفن بربعـه حـرد شـوف العيانـي=وأبا الكحل خلا الشويـب وهـو شـاب
114 وعبيـد ماجـانـا بقلـبـه حنـانـي=ألا عـدوٍاً يـاخـذ الـنـاس نـهـاب
115 لـو كـان مسلـم مذهبـه شقلبـانـي=مثـل البـوادي مـن شبابـا وشيـاب
116 جـرد علينـا بالسـيـوف المحـانـي=بأربع جموعـا كاملـة خيـل وركـاب
117 على الشقيـق وكـل قاصـي ودانـي=يعرف نتايجها على حصـان الأطـلاب
118 وكـروش جتنـا مـنـوة بالتمـانـي=فـي ساعـة مابيـن بايـع وجــلاب
119 فيصـل طلبهـا ثـم شيـخ قحطانـي=وسلطان تركيّا رضانـا بـلا غضـاب
120 وحنـا خذينـاهـا عيـانـا بيـانـي=غصبـا بـلا طيـب بسيفـا وجلبـاب
121 وسقنـا ثمنهـا غالـيـا بالمكـانـي=صوارما من مزرعة بيـض الأتـراب
122 وطقـوا عليهـا كاسبيـن الأغـانـي=ماهـي وداعـه مـن محـب لحبّـاب
123 دكتورنـا يـذكـر قلـيـل الأمـانـي=كيف استحل كروش والجـرح ماطـاب
124 وعيـا يـرد كـروش لعبيـد ثـانـي=ولا هو بحال اللي كمـا النمـر وثـاب
125 ثـم انجبـت الصفـرا تتـل العنانـي=تل الفحل وقـت الهـدد حبـل جـذاب
126 وسلطـان تركيـا بعـيـد رمضـانـي=نـزل علينـا بيـن ذيبيـن ورحـاب
127 وقيـدت عليـه برفقـة السلوعـانـي=نضو النضاءالمعروف من نسل عيداب
128 وجانـا بدلهـا الجـوخ والجبخـانـي=ومزارعـا بيـن الزبيـار وسـحـاب
129 فـي ديـرة البلقـاء بـراس القنانـي=مسجـلا عنـد اللحـاوي بهـا طـاب
130 وأن كنت كاذب هذا انـا جيـت عانـي=عنها اخبرونـي يامـلا ذكرهـا غـاب
131 مـادام مابيعـت عـلـى مريبحـانـي=ولا مير ماتت عندكـم شقـر الأهـداب
132 ولا زقحـت مـع طايـر الحوجلانـي=تطيـر بالجنحـان ذهــاب وايــاب
133 ياحيـف خطـو المبتـدي مايـدانـي=قول الصحيح ولا دري وش الأسبـاب
134 تسعيـن جثـة طـوحـت كالشنـانـي=وأستسلـم الباقييـن فـي عدوحسـاب
135 تشهد مقابـر بعضهـم فـي صفانـي=تلقـى النصايـب وقفـا تقـل طـلاّب
136 والشيـخ طـوح جوختـه والسنانـي=ثم لاذ فـي بيتـا لنـا بيـن الأطنـاب
137 شـاف العجـوز وقـال ربـي رمانـي=وقالت بوجهي كل مـن يطلبـك خـاب
138 وأقبـل ولدهـا مـن فريقـاً مـدانـي=مثل الأسـد بيديـه حربـه وشرشـاب
139 والنـاس عنهـم تضـرب الحيـدانـي=واقفى المنيع وسربتـه فـوق هـراب
140 لو بعـض ربعـه ينكـرون الحسانـي=المدح يعطى غيرنـا وحنـا الأصحـاب
141 قلـت الحقيقـه كـان ربـي هـدانـي=فـي نوتتـاً مابيـن راوي وكـتـاب
142 من نسختينـن اعربهـن الترجمانـي=يشهد بها التاريـخ لقـراب وغـراب
143 أرسلـت لـك صـورة برفقـة بيانـي=عنهـا وتاصلكـم علـى كـور نجـاب
144 بثبـات مـانـي فـارسـا مهلقـانـي=قولـه طباطيبـا علـى طبـل طبطـاب
145 والطيب وهبة فـي رجـال الصخانـي=مهـو لحـزب واحـدا دون الأحـزاب
146 وكسب المعـارك حـظ مابـه نوانـي=مقسومـة مابيـن غالـب وغــلاب
147 وحنـا شربنـا الصافـي الريهجانـي=وعطشاننا مايشرب التـول وان شـاب
148 وابـن رشيـد أميـر ذرب البنـانـي=شيخا على شمـر صناديـد الأعـراب
149 خلفـة عطيـة مـن عيـال شهوانـي=يرسلـة البـرواد عنتـر وقـرضـاب
150 وحنـا رفضنـا طاعتـه بعصيـانـي=ومن غيرنا ياخـذ نصابيـن ونصـاب
151 يـالأخ لـو نجفـل مـن القرقعـانـي=لقيتـنـا عـنـد البـذاذيـل ربّــاب
152 والنـاس كــلا عـزتـة ماتهـانـي=وكلا على حقـه عـن الظلـم والـداب
153 وان كنت تطعن فـي كرمنـا عسانـي=اشرح لك الموضوع في بعض الأوجاب
154 ميـر اسـأل الجربـا كثيـر الأوانـي=جد أبو خـوذه فـي عطايـاه وهـاب
155 هو شـاف بسيطـا بوسـط الصيانـي=البل كبار الروس من عـوج الأرقـاب
156 تسعـا سداسيـات شقحـا سمـانـي=وتسعـا رباعيـات وأيدامـهـن راب
157 لامن حطـب فـي جرهـداً سبسبانـي=ولا من هوادي ميـر للقـدر مركـاب
158 قدورا مـن المصنـع حلقهـن ثمانـي=مـن كبرهـن ماحولـن عنـد ربـاب
159 تبرك بهـن هنـف الخشـوم بركانـي=تنـزل بـكـلاّب وتـرفـع بـكـلاّب
160 تركـب علـى روس النيـاق المقانـي=مثل الهضاب ونارهـن سمـن وثيـاب
161 خامـا مـن الطابـات دون ذرعـانـي=يرمى على وسط اللهب واللهب شـاب
162 لـه بالمثانـي تــاج وعويرجـانـي=من سوق هجرا يلبسـه كـل نصـاب
163 الـنـار زادت بالـظـلام شعـلانـي=خـام العقيلـي يلتهـب دون شـبـاب
164 يومـا بعـض النـاس ياكـل شنانـي=ولبسه من أوراق الشجر هي والأعشاب
165 فقيرنـا لـو هـو مـن الفقـر وانـي=للنـار شبّـاب وللسـمـن صـبّـاب
166 طبـع الكـرم يفتـق عليـه العرانـي=لـلـزاد بــذالا ولـلـدر حـــلاب
167 مايجـمـع الحمـيـض وزعيتمـانـي=على الجراد ويخزنـه تحـت سـرداب
168 ولا يعـرف الفـردة ودخـن اليمانـي=وكـلا بمـا عنـده كريمـا اذا طـاب
169 ولا اقول زدنا عـن جمـوع الكيانـي=مثـل الرجـال وللكـرم عـدة ابـواب
170 الجـود مـن الماجـود ماهـي تمانـي=النـاس هـم النـاس والوقـت قـلاب
171 ولـي لابـةٍ لـو قـال فيهـا الفلانـي=في بندقة يرمي الهدف ميـر ماصـاب
172 وبالحـرب يـروون الغلـب بالطعانـي=وبالسلـم خلوهـا لفكـاك الأنـشـاب
173 سلطان نجـد اللـي حمـاك وحمانـي=صقر الجزيـرة لـه جناحـا ومخـلاب
174 مـن هيبتـه خـلا الذيابـه حصانـي=واسـود بقعـا لولصتلـه بـالأذنـاب
175 السـيـف والـقـران متبـاريـانـي=في بقعـة الرحمـان والظـن ماخـاب
176 يحكم بها القاضـي علـى كـل زانـي=ويطرد به الخـازن اذا كـان نصـاب
177 يعـل حكـمـه عنـدنـا سرمـدانـي=ليـوم القيامـة مابنـا كـون وحـراب
178 أرض الجزيـرة سهـلـة سمهـدانـي=من عقـب ماهـي للشياطيـن ملعـاب
179 دام الحسينـي مـن رجـال المعـانـي=ومن روس سنجاره عريبين الأنسـاب
180 يكـرم عـن اللـي مهنتـه مشنوانـي=وراع النقيلـي بيـن وارد وعــزاب
181 في اصابعـه يضـرب بوتـر الكمانـي=ويعتـز فـي نفسـه وللغيـر شـذاب
182 كـل البشـر دونـه وهـو بهلوانـي=وحط المراجـل كلهـا بـس بجـراب
183 فرعـون حـط بهيكـلـة موميـانـي=وباقي البشر عنـده براغيـث وذبـاب
184 خـلا مواريـد الـعـرب تركمـانـي=وخلا الغجر من نسلهم هم والأصـلاب
185 واذا طلبـتـه حــق زاد رمحـانـي=يقفز عن الحجـه كمـا قفـز سنجـاب
186 يقول قالـو لـي وانـا اقـول مانـي=مسؤول عن قـول سمعتـه بالأكـذاب
187 ولا فيـه رجـلا جـاهـلاً بالمعـانـي=ألا الذي مربـاه مستشفـى الأعصـاب
188 لـو جيـت قصـرا عاليـا بالمبانـي=تأتيـه مـع الشبـاك ولا مـع البـاب
189 مايركـب الطيـران كـود اجـذوانـي=ولا الرجل لـه بالسهـل كـل مشـذاب
190 المـاي مايطلـع بقلـص السـوانـي=لـولا حبالـه والمحـالـه وجــذاب
191 ولا تركـب المهـره بلـيـا عنـانـي=الكـذب ينفـاه الأجانـب والأقــراب
192 هـذي فعايـل لابتـي وانـت جانـي=واللي نقص حـق الأجاويـد مايثـاب
193 وتقـول مالنـا يافتـى الجـود شانـي=عسـى لنـا عنـدك تواريـخ وكتـاب
194 وقول العـوج ياطيـر شلـوى حدانـي=يمك ولا خليـت لـي عنـك مجنـاب
195 وربطت عـن مسـة شرفكـم لسانـي=كمـا فعلتـوا والـشـرارات غـيـاب
196 ماهو بقـل عيـوب حسـب عرفانـي=الكامـل الله والبشـر يرجـع تــراب
197 كتمـت سـري لـو الأشعـل جفانـي=حيث أن قلبـي لـه علاقـه وضّبـاب
198 ولو كنت مثله كـان انـا مـن مكانـي=اكشف خفايـا خزنـةٍ دونهـا احجـاب
199 وياطاه من وسـط المـلا مـا وطانـي=مير الحيا من شمـراً صـار منشـاب
200 لـولا الخجـل مـن لابتـه والعوانـي=وخطو الكلام من الرجـل فيـه ينعـاب
201 لسقيـه كاسـا فيـه خمـر سقـانـي=وياحلـو ردت مليهـا بفـم شــراب
202 ولو قلت فـي طـي الخطـا ماشفانـي=ولا يعذرون الناس لو جبـت ماجـاب
203 ولـو اكسـي الخيـاط ممـا كسانـي=النار لو جت بالسبط جـت بالأخشـاب
204 ولـو المغنـي قـال يالـيـل دانــي=ترقص له الدنيا على الدبـك بأعجـاب
205 ومـن دش بالمحفـل غـدا مطربانـي=لو كان في ماضـي حياتـه بمحـراب
206 قلت الصحيـح وخيـرة العمـر فانـي=ويموت راس الـداب والسـم بالنـاب
207 ومن بعد هـذا لـو تجـي وتهجانـي=ماياصلـك منـي مـردا ولا عـتـاب
208 أربـط حصانـي لايـزيـد هذبـانـي=ولا نقبـل كحيـلان ون كـان هـذاب
209 مـا بالمـرادد خيـر كـود هذيـانـي=الفرق شاسـع بيـن مـادح وسبـاب
210 وعبرت من وسـط المحيـط سبحانـي=وتصعب مرافقتي علـى مـوج عبـاب
211 وصلـت خطـي للـرجـال الذهـانـي=أهل العقول الراجحه شيـب وأشبـاب
212 لـعـل فيـهـم قاضـيـا مسلمـانـي=يفك عرض هديـب مـن ظلـم هـداب
213 ويـقـدرون مجامـلـي وسكتـانـي=عنهم وانا من يلقي الـدرس بسهـاب
214 ياسيـل سلمـى لاتـزيـد طفحـانـي=ماعاد لك في ضلـع حلـوان مدعـاب
215 وختمـت لحنـي بـالأدب وقصدانـي=بأزكـى سلامـا نبعثـه يـم الأحبـاب[/poem]

[الحصان]

ساري نجد بيض الله وجهك على هذه القصيدة العملاقة للشاعرالعملاق عايد بن رغيان الوردة الشراري

ولكن القصيدة فيها ابيات مكسرة مثل هذا الشطر

99 في راس ودعه مدفنه الصمصماني

وغيره واعتقد السبب من الناقل