(( باب الخزانة ))

[عريمان السبيعي]

ردي على قصيدة من أحد الزملاء
عسى أن تنال على استحسانكم

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مرحبا من هاجس الشعر وضميره = بالرفيق اللي فتح باب الخزانة
خابرٍ ماله مع الطاروق سيرة = مير عقب اليوم صح الله لسانه
هاضني خطك يشافي دون غيره = من فصاحة ماقريت ومن بيانه
وهالني ماقبل الابيات الاخيرة = بيت عمس الراي واللي من وزانه
الزمن مثل الرحاة المستديرة = والبشر فيها على حسب الديانة
لو تهيالك على نفس الوتيرة= الله اعلم وش ورى ذيك البطانة
لاتدقق في الصغيرة والكبيرة = مشّها لاهنت من باب الميانة
والخطأ وارد من كبار العشيرة= خل ناسٍ مالها فالكون خانة
كل منهم في الخلا يشعب بعيره = يحسب إنه لابدا عنتر زمانه
وان نصحته فالخفاء ياخو منيرة = ماتقول ألا ذبحت أغلى خوانه
كان راع الذود مايسمع شويره = راعي الظان اتركه يحتاش ظانه
والنشاما ماتبى غير الستيرة = ماخلقها الله على الجاهل حصانة
لوماتاخذها تجاه الطيب غيره = ماخذت في المجتمع قدر ومكانة
وانت فالدرب الوعر عينك بصيرة = لو أقول الدرب وينه قلت عانه؟[/poem]

[ناصر بن سعدي]

حجــز ملكي ..

1


لـ القراءه والترحيب بعد طول الغياب ..

[عادل العتيبي]

وان نصحته فالخفاء ياخو منيـرة
ماتقول ألا ذبحت أغلـى خوانـه
كان راع الذود مايسمـع شويـره
راعي الظان اتركه يحتاش ظانـه



الله الله الله


صح الله لسانك مدد



جزله من راس جزل


لاهنت وتقبل تحياتي

[ناصر بن سعدي]

شاعر سبيــع الغلبا


الشاعر القدير

عريمان السبيعي ..


لله درك وكفــى ..


وصــح لسانك لــين ترضى ,,


درر من جــزل ,,


كان راع الذود مايسمـع شويـره
راعي الظان اتركه يحتاش ظانـه
والنشاما ماتبـى غيـر الستيـرة
ماخلقها الله على الجاهل حصانـة
لوماتاخذها تجاه الطيـب غيـره
ماخذت في المجتمع قدر ومكانـة
وانت فالدرب الوعر عينك بصيرة
لو أقول الدرب وينه قلت عانـه؟


ياسلااام ..

نص وافي من وافي ..

ولاتحرمنا جديدك ..


وتقبــل خالص تحياتي ..

[كان موجود]

[align=center]عز الله هذا القصيد اللي يسمى قصيد ,,
صح لسااااااااااااااااانك الين ترضى ..

ابداع ما وراه ابداع واسترسال رائع بحق ,,

تحيتي واعجابي بما قدمت ..[/align]

[عبدالله المرشدي]

الشاعر عريمان السبيعي


صح لساااااااااااااااانك

انت مبدع ولاتكفيك

تحيتي لك

[فهيد مقعد الرويس]

[align=center]عريمان السبيعي[/align]

[align=center]صح السانك

وعتلاشانك

قصيدة من النوع الفاخر

ننتظر المزيد من الابداع لاهنت

تقبل اطيب تحيه[/align]

[المـاشي]

[align=center]الشاعر القدير

عريمان السبيعي

صح لسانك صح لسانك صح لسانك ولاهنت


روعه وابداع وجزاله




تقبل فائق الاحترام والتقدير
[/align]