أرقابنا تذبح بشتى السكاكين

[صقار الجزيره]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يادار من عقب الترف والبساتين=تصرخ بك رياح الزمان المحيله
من عقب ماكنتي ذرى كل مسكين=اليوم حالك يوحش القلب ليله
صاروا هلج اغراب بين الميادين=مأسورتٍ روح الر جال الاصيله
نجنح عن السكه وناقف ذليلين=أذل من ربد النعام وجفيله
ونطلب فتات العيش من الغريبين=نرجى رحم عدوان تشعل فتيله
ونرضى المذله خوف قطع الوريدين=درب الكرامه صار صعبٍ نجيله
صرنا غثاء السيل من جفوة الدين=أخف من ريشٍ على كتوف سيله
حب الحياة وحب جمع الملاين=نزل بنا حب الهوان وسبيله
تفرض علينا كل عشيه قوانين=حتى غدى الممنوع رأس الفضيله
السيف يمنع من جميع الميادين=ألا على العرضات يسمح نشيله
والغرب قبله من يريد النياشين=تخلع عليه الاعطيات الجزيله
أرقابنا تذبح بشتى السكاكين=ولحدن يكفكف دمعنا عن مسيله
يادار حزني من بكا الفراتين=ومن يوم فكد العاديات وصهيله[/poem]

[ناصر بن سعدي]

إخــوي


صقار الجزيره

صــح لسانك ...


قصيــده جزلــه ..


ولكن ماعرفنا إسم شاعرها :)


ودمت بخيـــر عزيزي..

[صقار الجزيره]

صح بدنك وجزاك الله خير

[فهيد مقعد الرويس]

[align=center]صح السانك

ياصقار الجزيره

واسئل الله ان يرفع الظلم عن المظلومين

وينصر المستضعفين في كل مكان

تقل اطيب تحيه[/align]

[صقار الجزيره]

المشاركة الأصلية كتبت بواسطة فهيد الرويس [align=center]صح السانك ياصقار الجزيره واسئل الله ان يرفع الظلم عن المظلومين وينصر المستضعفين في كل مكان تقل اطيب تحيه[/align]

السلام عليكم ورحمة الله
اخي فهد جزاك الله خير وأقول اني
اراك منصف جزاك الله خير
انا اسمي.محمد الياسين
ارجو ان تعطيني اميلك لكي
استشيرك قبل النشر

[عبدالله المرشدي]

صح لسانك ياصقار

قصيده طيبه من طيب

والله يرحم الحال

تحيتي لك

[صقار الجزيره]

المشاركة الأصلية كتبت بواسطة عبدالله المرشدي صح لسانك ياصقار قصيده طيبه من طيب والله يرحم الحال تحيتي لك

عبدالله المرشدي
انت الطيب جزاك الله خير