التكاتف معزه والتفرق دبور : قصيدة ترحيبية

[جهز الهرس]

يا الله اني طلبتك يارحوم ٍ غفور
..................تغـفرالذنب عن منهو عليك اعتماده
عبدك اللي سجدلك تحت عرشك شكور
.....................يعبد ك وانته اللي تستحق العباده
يطلبك ترحمه يوم البعث والنشور
........................ترحمه يوم كل ٍ يحتسب للافاده
يوم كلش مسجل فا السنه والشهور
.............ماخسر من على مطلب ارضاك اجتهاده
وبعد ذكرك وشكرك صارللشعردور
...................شاعر ٍقال شعره من قريحة افواده
قال شعر ٍ منقا مثل طلع الزهور
...................مثل نبت الخزامى والنفل فالحماده
مايبا الشاعرالناقد يحصل عقور
....................ينظم ابيات شعره مثل نظم القلاده
الذهب ندري انه سلعة ٍ ماتبور
................يكسب اللي يبيع ومن شراه استفاده
مرحبا با الضيوف وكل زايريزور
.....................عد ماهب ذعذاع النسيم اببراده
عبري يا شعور وغردي ياطيور
...................با لفخروالموده والفرح والسعاده
نحمد الله تبين كل ماب الصدور
.....................كل زراع زرع ٍ قام يجنا حصاده
خلو العود الازرق لا النشامى يدور
...................وقبله البن الاشقر زودو في قناده
حفلنا نحمد الله زاد با النورنور
........................كل مازاد نوره قلت يبغا زياده
زاد نوره بربع ٍ ما لحقهم اقصور
......................كل واحد بفعله في يمينه شهاده
ربعي الاد مرشد من ذخايراصقور
......................عزوتي يوم كل ٍ قام يقدح ازناده
رجلنا فيه ثقل وفيه دم ٍ يفور
.....................نوب فينا جنون ونوب فينا ركاده
شلفنا ما توقع غيروسط النحور
...................ضربها في عقيد القوم واللاجواده
فا الزمان القديم اللي رحاته تدور
...............من سلم من صباحه ماسلم من هجاده
ربعي اللي لياجات اللوازم احضور
..........................نارهم يوم تالع ما تعودرماده
نشكرالحاضرين ومن يغـيب معذور
..................يمنع الضرف رجل ٍ مايحصل مراده
والمواقف تبين كل رجل ٍ غيور
.................والردي في رقاده ماصحا من ارقاده
ياخذ الحق وافي كل رجل ٍ صبور
...........................والمعاند يعاند مايفيده اعناده
ما يفيد التغطرس والريا والغرور
................كود ذنب ٍ عـظيم وضعف عقل ونقاده
والتواضع يخل الرجل دايم فخور
....................والمكا نه لاهلها والفخر والرياده
علمتـنا التجارب من قديم العصور
..........................يستفيد الفهيم ولا تـفيد البلاده
التكاتف معزه والتفرق دبور
.........................خلو الراي واحد لايصيرانفراده
وانتوكل على الله في جميع الامور
.....................وكل شيا ً على الله حلته وانعـقاده
من تسمع بنمات الكذوب الفجور
.....................صارعقله ومخه مثل مخ الجراده
خالف الراي عن ربعه وصار معثور
....................مثل من يلطم عيونه بشوك الكداده
مايعرف الورود ولايعرف الصدور
.................ضاع في ليل ٍ اسود مظلم ٍ به سواده
والختام اسمحولي ياطوال الشبور
..................اسمحولي ترى معناي واضح قصاده
يا الله انك تكافينا جميع الشرور
..................ياعظيم ٍ رزق خلقه ومحصي اعباده


جهز بن مسيمير الهرس

[رشيد الكسر]

صح لسانك ياابن مسيمير

جزله من راس جزل


تحياتي

رشيد الكسر

[قوت القلوب]

صح لسانك
ياالهرس
قصيده
جزله
لاهنت

[عبدالله المرشدي]

صح لساااااااااانك

يابن مسيمير

كفو كفو

ابدعت ابدعت

لاهنت

تحيتي لك

[عادل العتيبي]

الله الله الله



صح الله لسانك ملايين ولاتكفي




لاهنت على هذا الأبداع

تقبل تحياتي

[ناصر بن سعدي]

الشاعر القدير ..


جهز الهرس ..

صــح لسانك مليون..


قصيــده وافيه من وافي وفي ربعٍ وافين ..


يستاهلون آلاد مــرشــد ..


وتقبل خالص تحياتي ..

[المـاشي]

[align=center]جزله من جزل

صح لسانك مدد بلا عدد

بيض الله وجهك

لاعدمناك

كل الود[/align]

[عــمـــر]

[align=center]صح لسانك

وبيض الله وجهك

لاهنت [/align]

[ابن مسلم]

صح لسانك

وبيض الله وجهك



ونعم بالمراشده بدون قصور بباقي القبايل

[فهيد مقعد الرويس]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياخذ الحق وافي كـل رجـل ٍ صبـور=والمعانـد يعانـد مايفيـده اعـنـاده
ما يفيد التغطـرس والريـا والغـرور=كود ذنب ٍ عظيم وضعف عقل ونقـاده
والتواضع يخل الرجـل دايـم فخـور=والمكا نه لاهلهـا والفخـر والريـاده
علمتنا التجارب مـن قديـم العصـور=يستفيـد الفهيـم ولا تفيـد الـبـلاده
التكاتـف معـزه والتفـرق دبــور=خلـو الـراي واحـد لايصيرانفـراده [/poem]

صح السانك

ياجهزقصيده

من الروع ماقريت

تقبل تحيتي وتقديري