[poem=font="Simplified Arabic,5,darkred,bold,normal" bkcolor="transparent" bkimage="backgrounds/45.gif" border="none,4,gray" type=1 line=0 align=center use=ex num="0,black"]
يــــطـــربني المــســـيار بارضٍ خليه = دارٍ حياء شوق الرجال الطحاطــــيح
ياجـــــعلها للســــيل صـــبح وعشيه = من وبل همال المزون المــــراويــــح
من وبل وســــــميٍ تظافت رفـــيــه = ولاصـــــافــقــنه عاتياتٍ من الـــــريح
واليا أســـتــقل وصارللمزن فــيــــه = يهل عبرات الســــحايــــب مشــاويح
وينـــهل مــن غــــر المــزون برديــه = بســـيلٍ يجـــرح صامل الارض تجريح
ويمطرعلى هـــاك الفيـاض العذيــه = ويــطلـع زهرها مثل نـــــورالمصــابيح
ويسوق لــــه راع الغـنم والمـطيه = بـــعــد علــوم اهــل الوجـــيه المفاليح
قالـــــوحــياء مـــاصـــارمثله وزيه = والــعلم للـــظـفران شــــارة وتــلمــيح
يازين سج الرجل فيـــها شـــويه = مشيٍ ورى شــــقح البكار المــضــــائيح
هذا طراة الـــــروح ياهل الحميه =ايضـــاء وطبٍ للـــقلــــــــوب المجـــاريح
سج القدم على ثرى ارضٍ طريه = يــبعــد هـــمــومن للظمائر مـــــدابيــــح
مع الفجوج الشاســـعات النقيه =اخـــذبها عــن ضــيــقـــة البال تصــــريح
في تختخٍ خالٍ تــطارد حلــــيه =شوق وطرب لهل القلــــوب المشــــافيح
بالعـــون يجـــذبني لها جاذبيه = ونـســــمــة هــــــواها للظــمائــر مفاتيح
وابعد عن اصحاب العلوم الرديه =اللي ســــوالفـــهـــم سوات الذرانـــــيح[/poem]
| 
|
03-27-2008, 10:49 PM
العرض العادي
