C)(c للشعــــــــــر# وقفــــــــــات C)(c

[بنت* عتيبة]

[frame="5 50"][align=center]جمر الغضا في وسط قلبي تشبه
نارٍ حطبها يابسـات المعاليـق
كـاسٍ مليتـه بالوفـا لاتكبـه
خلّه يبلل بالوصل يابس الريـق [/align][/frame]

[ota]

تفداك روحي .. يا مفارق حبايبك
وفداك عمري .. راحتي وابتهاجي
كان الجروح اللي بقلبي سبايبك
انت الذي بارجي حنانك وأناجي
طيفك إلى ما زارني كيف أعاتبك
يا ساكنٍ وسط الحشا ..ومتلاجي
أنت العذاب .. وكيف أنا بك .. اعذبك
يامن جرحت القلب .. جرحك علاجي
الله حسيبك قمت أنا أحمل مصايبك
وأنا الغريق وحاملٍ هم ناجي
وداعة الله .. والسّلامة تصاحبك
حلفت ما اعقد في وداعك حجاجي

[ota]

قـــــــال ماشــــــــــوف بــك آثـــــــــار دم

قـلـــــت وان كـــــان في ذاتي الـنــــــزيف

قـــــــال مابــــه نـــــــزيفٍ مــن عــــــــدم

قـلـــــت وان خـــان بي اغـــلى حـــــبـيـب

قـــــــال وهــــــــــم بـنـيـتـه وانهــــــــــدم

قـلـــــت ماعــــــذبك يـــــــوم الـفــــــــراق

قـــــــال درب وتـمـشـــــــيـه الـقـــــــــــدم

قـلـــــت مابـــه ســـوى جــــلدك شعــــــور

قـــــــال غـيـــــره فـــــلا حــــــس بالــــــم

ياوســـــيـم النـــاس لـــو قـــلبك وســـــيـم

واكـــــــرم النـــاس في غـيـــــر الكــــــــرم

عـنـــــدك الظـــــلم عـــــــدل في الهــــــوى

واعــــــــدل العاشقــــــــين اللي ظــــــــــلم

انـت لــــو كـان في حــــــــبك حـــــــــــــياة

كـان خــــــلى حـيــــــاتـك لـــــــــه طـعـــــم

اتعــــــس الخــــــلق مــن يرجي هــــــــواك

مااضيـــــع النبـــــض في قــــلب الصــــــنم

[بنت* عتيبة]

[frame="9 50"]دنياك حلوه لاتهمك ظنونك
لاخير فيها كان خان القدر فيك
وش نفعها ياقبلة الخلق دونك
لعلها(؟؟؟؟)دنياك تبكيـك

حرام اشوف الدمع يملا عيونك
يامالي قلبي من الحب وشفيك

تقول حظك ياحياتي يخونك
وش قولتي في حظي اللي عجز فيك

ترى شجوني زودتها شجونك
خذ قلبي العب به لعله يسليك[/frame]

[بنت* عتيبة]

[poem=font="Simplified Arabic,4,deeppink,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
ما بقالي قلب يشفع لك خطيه **** ذوبته جروح صدك و الخطايا

صاحبي بالله لا تعتب عليه **** العتب ما عاد تاسعه الحنايا

كل جرح فات لي منك هديه **** وش بلاك تخاف من رد الهدايا

الله اكبر كيف مالك مقدريه **** وكل ماتحمله من همي بقايا

لا تمنيني سراب المهمهية **** القراح اليوم ما يروي ظمايا

و ان غدا للحب في قلبك شظية**** وش يقول اللي غدا قلبه شظايا ..!![/poem]

[بنت* عتيبة]

[align=center][/align]

[ota]

لاطعون الشوق لا جروح الولـه
في جحيم العيد ما باقـي مزيـد
ما بقى في القلب عرق ٍ تسألـه
هو لقى للدم نبضات ووريـد ؟
هو بقى في اليتم فقـد ٍ يذهلـه
عن ذبوله وانت في قلبه وحيد ؟
عن تواريخ العـذاب المرسلـة
عن شتات الروح وهموم الجليد
عن دفاي وبردك اللـي مزعلـه
عن سعير البعد وعقوق البريـد
عن ضياعك في الدروب الموغلة
في سفرها الخانق الطاغي العنيد
عن دموعي .. كل شي ٍ تجهله
أو تعرفه كلمـا قهـري يزيـد
عن جنوني وهات باقي السلسلة
كل ما يطري من الحزن الجديـد
ما اظن الشعـر يقـدر يوصلـه
لو يذوب الكون بدموع القصيـد
ما اظن حتـى خيالـك يشملـه
لو رمى بشته على الافق البعيـد
باختصار .. الصدق بعدك بهذلة
لا افك الصوم لا عيـدي سعيـد

[بنت* عتيبة]

[poem=font="Simplified Arabic,4,silver,bold,normal" bkcolor="transparent" bkimage="backgrounds/1.gif" border="none,4,burlywood" type=0 line=0 align=center use=ex num="0,black"]
ما بقى في القلب عرق ٍ تسألـه
هو لقى للدم نبضات ووريــــد ؟ [/poem]

[ota]

صح انا قلبي ابيض بس مانـي سفيـه
كثر مزحي طبيعـه بـس ماهـو خبـال


صاحبك يوم يسكـت ماظحكتـي عليـه
مااظحكوا به منكسـة الغتـر والعقـال


جايّـه تظحكيـن وتستهينيـن فـيـه؟
واحـدٍ مايعـدّ الا مـن اذكـى الرجـال


عيب اقول اني اذكى شخص واني نبيـه
بس كذبه تمـر ّ بـدون الاحـظ محـال


صاحبـك فاقـد امالـه وغاسـل يديـه
يوم قلتي : (احبـك) فـي ثلاثـة ليـال


اصبري واستشفي واشعـري واعرفيـه
ثم ّ قولـي احبـك بعـد طـول الجـدال


قلت حب ٍ من اول نظـرة ٍ قالـت :ايـه
قلت مـدري لكـن الشـك بـك لايـزال


يوم شفتك تمثـل بـاء ن قلبـك نزيـه
وادري الحب في عينيـك لعبـة عيـال


طابق الدور بس اللـي توصلـت اليـه
طحت من عين شخص ٍ يحسبك راس مال


يحسبـك راس مـال وشـاف مالايبيـه
يوم شفتك معـه فـي موقـف ٍ مايقـال


تقـل مرسلنـي الله موقـف ٍ واحتريـه
احتري منك زلـه لـي شهـور ٍ طـوال


كان موقف رومنسـي عاطفـه تحتويـه
ممتلـي بالمشاعـر مفعـم ٍ بـالـدلال


يحسبك هايمـه بـه يحسبـك تعشقيـه
مادرى انـه ظعيّـف لـك بدالـه بـدال


ودي أّلقى سبب مقنـع وعـذر ٍ وجيـه
بـس ذنبـك يعجّـز شامخـات الجبـال


ماانكر انك جميلـه مااختلفنـا (اوكيـه)
بس بعد الخيانه ويـش ابـي بالجمـال


هنـت ماعـاد لـك بالقلـب ماترتجيـه
ولاعد يشدّنـي حكـي القـراح الـزلال


خافق ٍ شاف طعنـه منـك لاتـر تجيـه
المحبـه يميـن وحـس قلبـك شمـال


انتهينـا بـدون اقـول وتقـول لـيـه
لاتقوليـن لـي كبـوة جـواد وتـعـال


كـان تلعـب بحبليـن انتبـه يانبـيـه
فيه غيرك تـرى يلعـب بعشـرة حبـال

[ota]

[frame="10 80"][align=center]ياوجودي وجد شاعر ماتحقـق لـه مـراده الزمن حطم طموحاته وتاهـت بـه دروبـه
وجد من حده زمانه ماعرف طعـم السعـاده ضاعت أسنينه وربعه من حواليه اغدروبـه
ماورثـت الـى العزيمـه والتحـدي والأراده من رجالً سطـرو تاريـخ مثلـي يفخروبـه
قالهـا شاعـر علـى الله أتكالـه وعتمـاده والوفاء وصدق ولأخلاص من اكبـر عيوبـه
ماتوقف في مسيره لـو تعثـر بـه جـواده ومارضى بلهون لوناس اخضعوله وارتضوبه
ورياده نصب عينـه مايجـي دون الريـاده والطموح الي تمنى له يعـن القلـب صوبـه
وأنت يلي ماورثـت الـى الغبـاوه والبـلاده لو درى القله بعيبـك الأغلبيـه مـادرو بـه
والله أنـك لـو حلمتـه ماتعديـت الوسـاده الزمن وجهه شمـال وأنـت يممتـه جنوبـه
لو صحيح العقل يرقد ثم يصحى مـن رقـاده (كان ماشيدت قصر الوهم طوبه فوق طوبه)
ولو صحيح أن الدراسه قد تفيد أكبـر افـاده كان مثلك فالدراسه قد بنـاء ثامـن عجوبـه
ليكون الأمر بيدي لأمنحـك اعلـى شهـاده في التخلـف لأن مثلـك مايكفينـي رسوبـه
المصيبه يوم ترضى في هلك حـرب الأبـاده وأنت شايف كل لحظه.. ينتهك ستر العروبـه
والمصيبه يوم رجـلاً مايدافـع عـن بـلاده ويتحول في مساره مـن شروقـه لاغروبـه
ضقت من كثر التأنـي والتصبـر والركـاده وضقت ذرعاً بلعواقب والمخاطر والصعوبـه
ولا أنـا ماعـدت قـادر اتحملهـا زيــاده وضعي الي ماسمح لي.ليس خوفي من عقوبه
ماشغلني حكي عفراء او دلع سلمى وغـاده ولا ..مثلي في شبابه يغوي البنـت اللعوبـه
عزتي للي شراتي مات حلمـه فـي مهـاده وأحتسب اجره على رب السماء ماشق ثوبـه
جل غفار الخطايـا رحمتـه تغشـى عبـاده أتوسـل ليـه يغفـر ماتقـدم مـن ذنوبـه
يرزقه فضـل التصبـر والتحمـل والجـلاده عبده الي رافع أيده لسمـاء ويقـول توبـه[/align][/frame]