تكفون مصدومه وبموت من الحزن

[{%نوف%}]

مراحب اختــي

اولاً : اهلاً فيك بين اخوانك ..

ثانياً أختــي لاتضيقين صدرك .. هذا إبتــلاء من ربي يوم رزقك بزوج وابو زوج وزوجة الأب مثل كذا

وإن الله إذا أحب عبدٍ إبتـــلاه ..

إحتسبي الأجر من الله ..

ويا اختــي مالك بهالدنيــا إلا زوجك .. حاولي تتقربين منه

حاولي تجلسين معه ودائمــاً كونــي هاديه معه ..

حاولي تجذبينه لك زود .. أبذلي جهد كبير على إنه يثق فيك ويفضفضلك

حاولي تحسنين معاملتك معه .. خذيه بالكــلام الزين

ترى والله الرجال يجي من اقصاه بهالكــلام .. دلعيه .. اهتمي بشكلك

خله لادخل عليك كنك عروس الحكي واللبس والبخور ..

يا اختي هذولا عقولهم متحجره وقلوبهم قاسيه ماتخاف الله ..

لا تهتمين لهم ولا تجلسين تدققين في كل صغيره وكبيره

طنشي ........ ياما تمــر علينا مواقف من اهل رجاجيلنا بس بالكتمان نداويهم ..

مايصير تلاسنين انتي وياهم .. انتبهي لبنتك ومو كل شي تشوفينه تروحين تشتكين

بنتك خليها بجنبك مكان ماتروحين هي معك وصدقيني ماراح يجيها الا اللي ربي كاتبه

ولا صار شي فيها ابوها ماراح يسكت بس انتي اللي عليك انك ماتهملينها ابد ..

وارجع واقول كلهم في كفه وزوجك لوحده بكفه ثانيه

ماهوب عيب انه يسافر .. ولا كل من يسافر يبي يجيه مرض والا يسوي الحرام

انتي كان ماقلتي خله يجيب دليل على انه مو مريض ..

ياقلبي ترا كلامك هذا يهزه .. تراها تعتبر اهانه له ..

ومن ناحية المصروف زين سويتي يوم اتصلتي في ابوه ..

اختي الكلاااام بيطوووول

اللي بوصله لك هو إنك تتقربين من زوجــــــــــــك أكثــــــــر وأكثــــر

صدقيني بيدنا يالحريم نغير حياتنا .. بيدنا نحقق اللي نتمناه ..

بيدنا نغير حتى طبع أزواجنـــا .. والله مافيه شي صعب علينا ..

بس يبيلها صبر واكثري من الدعاء ..

ولا تقولين له ولا شي عن اي مشكله مع اهله .. لا تتوقعين انه بيظلمك أنتم بينكم عشره وبينكم عيال واكيد باقي في قلبه لو ذرة حب لك

لأنه لو مايحبك ماخلاك بذمته لين الحين ولا جاب منك عيال ..

خل عندك ثقه في نفسك وثقه في حياتك إنها راح تزين ..

من الآن حطي قدامك هدف واحد اللي هو كيف تقدرين تكسبين زوجك

وانه يتقرب منك اكثر ولا يشوف غيرك ولا يسافر الا معك ولا يصدق فيك اي كلامه تنقال و ............

ماعليك لا من ابوه ولا من زوجاته .. زوريهم سلمي وسولفي واضحكي واطلعي .. زيارتك حدديها في الشهر مره

ولا يسمعون الشينه منك ابد ..

وزوجك كل يوم تجددي له كل يوم البسي شي جديد كل يوم اطبخي شي جديد

حببيه في مملكتك .. عوديه على كل شي زين .. تدلعي عليه .. تميرضي بدلع لو مافيك شي

طيري قلبه عليك .. والله كل شي في يدنا بس احنا يالحريم نمل بسرعه ومهنا صبر نبي واحد فيه كل الصفات الزينه جاهز ..

اختي اتمنى اني افدتك ولو بشي ..

والله يوفقك ويفرج عنك همك .. ويبدل حالك .. ويسعد قلبك ..

لاتستسلمين ابد ابد ابد .. والأفضل إنك ماتستعينين بأي شخص لحل اي مشكله لك من عايلتك أو عايلته ..

[ރالزيــاديރ]

لاأضيف على كلام أختي أم وليد الا أن أقول الله يفرج همك وينصرك..

[غلا العتيبي]

.. الله يعينك عليهم ..

.. للآسف ما عندي كلام اضيفه للآسف على كلام ام وليد ..

[دلع عيني]

صراحة أم وليد ماقصرتي وكلامك كله عين العقل
وإن شاء الله ينفع مع أختنا الغالية أه يا السند

[قلب الريم]

بصراحه انا بعد انصدمت من قصتك

معقوله فيه ناس كذا يسوون ببنتهم؟

لكن ما اقول الا الله يجبر مصيبتك

وينصرك عليهم والله يحفظلك اعيالك

ويعوضك فيهم خير ان شاء الله

وقلبي معاكي ومع بنيتك

والله يسمعنا عنكم الاخبار الي تطمنا عنك


ولكــمـ مني اجل التحآآيآآ واطيبهآآآ

قـــلــــ الريم ــــب

[@ عيون أمها @]

مالك الا الدعاء ودعاء المظلوم مستجاب

والافضل انك تقولين حسبي الله ونعم الوكيل

اذا قلتيها وانتي مخلصه بالنيه الله هو اللي ينتقملك وينصرك