(( ياسعود ياعزوتي يازين مفرعها ... يوم استدارت وانا واقف تطالعني )) متواضعة أخرى

[الــســلــيــس]

[align=center]الأخوة والأخوات الكرام

السلام عليكم ورحمة الله وبركاته

أتت بنفسها ولم أدعيها أقبلوها كما أتت ...........[/align]





[align=center][align=center]ياسعود ياعزوتـي يازيـن مفرعهـا*****يوم استدارت وانا واقـف تطالعنـي
ثم غطّت الي تبيّـن لـي بمسفعهـا*****عجله تبي عن قرار البعـد تمنعنـي
والدمع من عينهـا حجّـر بمدمعهـا*****وتقول ياغايتـي وش لـه تودّعنـي
وضاقت علي الوسيعة مـع مراتعهـا*****والهم من كاسه الصافـي يجرّعنـي
غصبٍ على قلبي الملهوف أودّعهـا*****أشيا كثيرة علـى ممشـاي تدفعنـي
خوفٍ عليها مـن الدنيـا تلاوعهـا*****وانا نصيبي واعرفـه مـا يشجّعنـي
واخاف من كلمةٍ تاصـل مسامعهـا*****من واحدٍ هرجته تقـول لـه دعنـي
ونفسي سلوم العرب والديـن تمنعهـا*****لاجيت ابي وصلها عيّت تطاوعنـي
صدّيت عنها واشوف الوضع مجزعها*****ماتدري أنه بعد بالحيـل مجزعنـي
واقفيت عنها وانـا روحـي أدافعهـا*****واشوفها من بعد ما اقفيـت تتبعنـي
أنا أدري انه حنيـن القلـب يدفعهـا*****لكنّ خوفـي عليهـا قـام يردعنـي
وشهور مـرت ولا زارت مرابعهـا*****قلّي عن غيابها ياسعـود وش يعنـي
ياخوك روحي ضنى الفرقى ملوّعهـا*****وكبدي من البارحة ياسعود توجعنـي
يالله ياخـالـقٍ نفـسـي ومقنعـهـا*****ياعالـيٍ تنظـر لحالـي وتسمعنـي
يـا واحـدٍ كـل بيبانـك مشرّعهـا*****يالله طلبتـك بلامـاهـا تمتّعـنـي [/align][/align]




[align=center]وسلامتكم جميعاً[/align]

[إبن ثعلي]

صح السان السليس قصيدة جزله ورغم قدمها لم يتسنى لنا قراءتها غير اليوم