الشعــر موقــف !

[سلطان بن ربيعان]

السلام عليكم ورحمة الله وبركاته

اخواني واخواتي

من العايدين قبل الزحمه , وكل عام وانتم بخير

ارجو ان تقبلوني عضوأً بينكم


وارجو ان تقبلوا مني هذه القصيده

اخوكم \\ سلــطان



[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشعر موقف وأكثر العمر وقفـات=ومن لاتجمل بـه وطتـه الملامـه

اما رقابه فـوق روس الطويـلات=ولا حدر به مثـل فـرخ الحمامـه

سلاح ذو حدين في كـل الأوقـات=ان مارفـع قدره يقـل احترامـه

مكيال في كف العقـول الرزينـات=وكل ٍ على ماقيـل وزنـه كلامـه

ومن لاحبك معناه في عرض الأبيات=اخير مـن ذكـر الهزيـل انعدامـه

وانا قصيدي لاغزا الفكـر بسكـات=أرخـى هماليلـه سـوات الغمامـه

يشدني له شي فـي داخـل الـذات=وان صرت ما مسيه اصبح امامـه

ديموم شعري لو نزل با السـروات=حول على الساحل واغـرق تهامـه

ارفع مقامه عن طمـان الهزيـلات=والبّسه ثـوب الشـرف والفخامـه

رقيت به اعلـى الجبـال المنيفـات=وبنيت قصر ٍ مثل قصـر اليمامـه

ونقيت من بكر البيـوت الجزيـلات=واخذت من فحل المعانـي سنامـه

واقيـم ابعـاده بـكـل القيـاسـات=وافرش على دربه من الزل خامـه

يا الله تجملني بها الوقت بـا الـذات=فا الموقـف الـي زايـد ٍ احتدامـه

في حق ربعي ياجزيل الشعر هـات=هات النوادر واترك الهـا علامـه

قوم ٍ لهم في صرح الامجاد رايـات=ولبسوا لباس الطيب لبـس العمامـه

ليا ارتفع هامات من فـوق هامـات=احس انـي اطـول الخلـق قامـه

زدنا على هقوات الابطال هقـوات=حتى غدينـا بشاهـق العـز هامـه

عتبان يـوم ان الليالـي عسيـرات=عدونـا مايهتنـي فــي منـامـه

صغيرنـا ماينفطـم بـا المـلـذات=على الشجاعـه والشهامـه فطامـه

وكبيرنـا يسعـى لمرامـه بهمـات=لو هو ورا سهيل اليمانـي مرامـه

وخوينا يامن مـن الخـوف مابـات=وياسعد منهو بـا الملاقـا حزامـه

ويديننـا مـن المـكـارم نـديـات=تجود ماجـاد (الذويبـي) بطعامـه

حنا سيوف الدين وقـت المهمـات=اليا اشتبه بيـن الحـلال وحرامـه

ماننحني للوقت وصدوف الازمـات=نـزود لازادت عليـنـا صـرامـه

تاريخ غز ٍممتلـي بـا البطـولات=من قبل ابو زيد الهلالـي.. (سلامه)

ابا افتخر وانثر من الشعـر باقـات=ومع كـل بيـت ٍ اذكـره ابتسامـه

ومن لامني او شك في كل مافـات=يدس راسه با الثـرى كـا النعامـه

وتبقى القبايل شامخـات ٍ عزيـزات=وكلـن لحقـه خابـرن اقتسـامـه

والله يعـز ملوكـنـا والقـيـادات=هم فخر لشعب السعـودي وسامـه

اهل الكرم واهل العدل والمسـاوات=في حكمهم عاش الجميـع بكرامـه

وختامهـا عـدد نجـوم المجـرات=وعد انبلاج النور عقـب الجهامـه

صلو على المختار بازكى الصلوات=شفيـع كـل الخلـق يـوم القيامـه[/poem]

[ابن مسلم]

1

سلطان بن ربيعان

حياك الله

بين إخوانك

وصح لسانك

وبيض الله وجهك

وتقبل تقديري واحترامي

[قوت القلوب]

سلطان بن ربيعان حياك الله
وصح لسانك على القصيده الجزله

[نادر النمر]

يامرحباااااااااااااا الوووووووووف ياسلطااااااااااان ..,,,

ومن الفاااايزين قبل الزحمه وبعدها بعد :)


وصح السااااااااااااااااااااانك ملااااااايين ..,,,


وبيض الله وجهك ..,,


ونتظر المزيد من بوووحك هنا ..,,


كل التقدير وجل الاحتراااااااااام ..,,

[الدماسي 2007]

[moveo=left]بدون مجامله

كامله

وشامله

ونبارك لك قبل الزحمه بحلول العيد اعاده الله على الجميع باليمن والمسرات[/moveo]

[نسمة غلا]

اللهم صلي على سيدنا محمد وعلى آله وصحبه وسلم


صح لسانك اخوي سلطان


ابيات قمة في الجمال والروعه

ننتظر دائما جديدك

[عبدالله المرشدي]

[align=center]سلطان بن ربيعان


صح لسانك

وعلى شانك

ابدعت لاهنت

وحياك الله

تحيتي لك[/align]

[رشيد الكسر]

ابن ربيعان


صح والله لسااااااااااااانك

ولاهنت على الجزله


تقديري

رشيد الكسر

[البارع]

سلطان ابن ربيعان........صح لسانك لين ترضى

وحي ابو الجزاله كلها لك كامل احترامي وتقديري يابن الشيوخ...

[ذيب الينوفي]

ابن ربيعان من الفايزين وكل عام وانت بخير


ومرحبا ومسهلا وحياك الله وحيا ماجبت



قصيده قمه في الجزاله