|
َ,َ,َ,َ,َ, والجادل اللي تلّت المعلوق َ,َ,َ,َ,
بسم الله الرحمن الرحيم
السلام عليكم ورحمة الله وبركاته
متواضعه أتمنى أن لا تُنقل للمحاولات : )
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لكم عليّه فالقصيد احقوق=والحق للي يطلبه سقناه
حنا ليا منا نزلنا السوق=الغالي اللي داخله خذناه
وحنا على بدع القصيد نشوق=ولنا الفخر مضمون لا قلناه
ما نذكر إلا فايتٍ موثوق=ولاَ ذكرنا حاضرِ شفناه
الكذب ما له فالقصيد ابروق=الكذب برقٍ ما أحد يبغاه
والكذب كنّه ملبسٍ مشقوق=أقلّ شئ إن العرب تشناه
ولاَ مدحنا اللي نظرهم فوق=أصحاب صيتٍ واصلٍ لأقصاه
نمدح رجالٍ فعلهم مفروق=اهل الوفا واهل النقا والجاه
مانمدح الجاهل ولا المطفوق=اللي يغثّ المستمع بحكاه
ولاّوصفنا كايدات النوق=الطفّح اللي للعرب مشهاه
ذودٍ عليها الغارب المفهوق=اللي سواها هيّنٍ مشراه
لها غلا يسوى غلاة الموق=والشعر فيها يفتخر بإلقاه
لا ربعّت بأرضٍ بها زملوق=لا شافها راع السهم ينساه
ولا شافها المهموم غصب يروق=الهم عن قلبه غصب تجلاه
والجادل اللي تلّت المعلوق=من دون رحمه بالجسد وأعضاه
لو كان به منصب لأهل الذوق=ماغيرها من جيلها تزهاه
في ليل حبٍ ما وراه اشروق=أحب شوفه وأفرح بمسراه
هي القمر ما مثلها مخلوق=فيها قصيدي يتعبنّ اخطاه
واهنيّ من ضمّّ الجسد برفوق=والعاذل اللي مبلشه ما جاه
ثم ذاق من صافي شهدها ذوق=من منجمٍ فيه الشهد ما أحلاه
تشفي غلايل قلبه المحروق=اللي تمللّ من عنا دنياه
والختم ما أبغى قلبي المسروق=ويا ليت تاخذ هالجسد وياه
[/poem]
|
| 
|
12-16-2007, 08:55 AM
العرض العادي
