عجيب امر هولاء النسووووووة ..ماذا يردن منا؟؟

[عبد الاله محمد]

نيرااااااااااااااان
هداج
ردود في غاية الجمال
ومداخلة رائعة
فشكرا على مروركم العطر
واليكم رابط هذا الموضوع
وانا الان مع
نيرااااااااااااااااااان
وطبعا ضد بعض العرب:D
بس ماهوب كلهم:)
http://www.otaiby.com/vb/showthread.php?s=&threadid=904

[الهواوي000]

مشكور اخوي ابو عتب
موضوع في غايت الروعه000
وبيض الله وجهك عليه






ولكم تحياتي
الـــــــــــــهـــــــــــواوي

[عبد الاله محمد]

تسلم يالهواوي
وان شاء الله
تحقق اللي في بالك
ويرزقك وانا معك
اللي تجرح
وبرضه تدواي
كل عاشق
وكل هواوي
وبيض الله وجهك

[نيران]

وخرووووووووووووووووووووووووووووووووووا

هه هه هه جايه ركض هاهاها
عمو هداج اول شي عادي قول نيرانوه مثل ماتبي تمووووووون

نرجع لمحور حديثنا

قرب بفهمك
اول شي ان الرجال له حدود اذا بغى يتمتع بحياته وثانيا يعني مايقدر يتمتع فيها مع عياله وزوجته اجل ليه متزوج

وثالث شي الله قال اللي يبغي يتزوج اكثر من وحده لازم يعدل وماعتقد في رجال يقدر يعدل

ودام الله حلله يجمع بين الحريم بالزواج بس بشررط العدل وهو موقادر يعدل

الافضل يسد حلقه ويعد عند المره وعياله

ورابع شي اله ماقال اترك المره والعيال وروح تونس مثل مالك حق هي بعد لها حق عليك
وخامس شي احنا مانعترض على ان الرجال يطلع يتمتع ويقضي وقت حلو بس بشرط ان هالوناسه بحدود ويكون يخاف من الله
وبصراحه اكثر الرياجيل (موكلهم علشان لاتقولون لاتجمعين)مايراعون الله بهالشي ويسوون اشياء ماحب اذكرها( انتم رياجيل وعارفين) هاهاها

وبلك يسقط الحق عن الرجال ويصير مايساوي ربع ريال
ويجي جايب معاه الامراض ويعدي المره والعيال (اعوذبالله)
واخر شي احب اقول عمو هداج لاتنسى ان في حريمات قايمين باهلهم احسن من الف رجاال
وفي رياجيل في بيوت لو كانو موموجودين احسن
وفي رياجيل زينه
وطبعا في حريمات بعد
يعني المعاده متكافئه من الطرفين:D
......................................
لاتعصبون الاعتراف بالحق فضيله هاهاها هاكم هالورده باي عموووووو

[هداج تيما]

لالالا

نيرانووووووووه

أنتي طينتيها صح

لكن بقولك شي

أولا:ـ إنتي ذكرتي إن الرجال يروح برى ( يسافر) ويجيب معه أمراض

في هذه معاك ألف حق , بس مسالتي نفسك عن السبب الرئيسي

اللي جعل الرجل يسافر ويجيب أمراض.

أناأقولك لأن زوجته الله يسلمها ( طايحه في كبده) ماتفهم شي في معنى وتقديس الحياة الزوجيه, بس أهم شي ودني السوق وجبني
وأشتر كذا وفعل كذ.

حب, رومنسيه, موسيقى هادئه في جو هادئ, غناره مخفيه في جو شاعري.

أتحدى أي سعوديه تفقه في الأمور ذي شي.

وفي الأخير تبين الرجال يصبرون عليكم

لا وفوق هذا كله لسانها إللي صايرن كنه منشااااااااااار

هذا هوالسبب اللي يجعل الرجل يسافر للخارج , ويجيب الأمراض على قولتك

مع إنني أدري أنك تقصدين بالامراض تلك الامراض التي تتعلق بـــ(

أههههههههههه) واللبيب بالإشاره يفهم.

عموما قلتي ولا ماقلتي ( نيرانووووووه) (ههههههههههههههه)

نحن حبانا الله عز وجل في أكثر من آيه في القرآن الكريم, وفضلنا عليكم

لأنكن جنس (ناااااااااااعم)

باااااااااااي


نيرانوووووووووووه

ومثل ماأسلفتي ( الحق مايزعل) والإعتراف به فضيله

[الهواوي000]

انتم الي جنيتم على انفسكم
وتحملوا مايجيكم
انا بصراحه ماني متزوج ولاعشت الحياة الزوجيه وعايش عزوبي ومريح بالي لاقلق ولاهم يحزنون تدرون ليه اكيد ماتدرون لأن المشاكل الي سمعتها من المتاهلين والحياة الماسويه الي عاشوها كرهتني في الزواج 000
ومن المشاكل الي سمعت:
اولا: انه في مشكله مع زوجته ماتبي تعيش مع اهله 00 انا ابي اعرف ليه ماتبي تعيش مع اهله عارف وش الرد تبي تقولون انها تبي الاستقرار في بيت لها ما اختلفنا بس الازواج الي معيشين زوجاتهم مع اهلهم انا واثق ان الفتره هذه فتره ماقته اي بسبب الضروف الماديه او ضروف اهله لأنه مايقدر يخليهم لكبر او لضرف اخر000
ثانيا:انه في مشكله مع زوجته تبي تعيش قريبه من اهلها 00 ليش توافقين على الزواج من اصله وانتي ما تقدرين تستغنين عن اهلك الزوج ما يبي منك الاتقدير لضروف او ضروف عمله تصور ان زوجته من الرياض وعمله في منطقه في الجنوب او في الشمال والزوجه طالبه ان تسكن في الرياض لا ولي مزينها انها منحاشه عن اهلها لاوفوق كزى طالبه الطلاق
ثالثاً:انه في مشكله مع زوجته ماتبي اهله وجماعته يزورونه00 طيب ليه مقطوع من شجره ماتبين احد يزوره والعذر حقها ماتبي احد يوصخ عليها البيت
رابعاً:انه في مشكله مع زوجته تبي تصيف كل سنه جارج المملكة00 طيب ليه يمكن الزوج
مايقدر على المصاريف حتى المصيف داخل المملكة مايقدرعليه يعني يالله ميش اموره بالده
وخرتها يتطلقون
خامساً:انه في مشكله مع زوجته تبي خادمه ومربيه للعيال وسواق00 وشلون تبينه يوفر هل طلباته واهو يقصد في زواحه والراتب 2000 ريال الله يعينه عليها
(هذه المشاكل الي نقلوها متزوجين حاصله عليهم) وماخفيا كانا اعضم وغيره وغيره وغيره0000000000
الزوج مايطلب امور ماهي في الوجود كل الي طالبه انه اذا رجع من الدوام وفتح باب البيت لزوجه في استقباله بابتسامه بكلمه حلوه بشي من الرمانسيه تنسيه تعب اليوم كله وقلق المراجعين0 يبي منها معرفة الاوقاته لمفاتحته في اي موضوع عندها ومتى يكون زعلان او راضي مشاركته همومه ومشاكله نهاية الاسبوع تكون مجهزه نفسها لتقضي معه جو عائلي يتذكرون ايامهم الحلوه او انهم متفقين على الخروج سوا في مكان عام او عندا احد العائلتين والمشاكل الي تحصل بينهم ماتطلع خارج البيت لانها اذا طلعت مستحيل تنحل ويكون للزوجه حريت الراي كماله ويكونان متفقين على نضام حياتهم اذا كانت الزوجه موظفه 0000 هذا مايريده الزوج وماتريده الزوجه 0000

والان اهلي يلحون علي بالزواج وانا اقول:
انا وشلون ابي اتزوج والمرتب مغارالفين00 انا وشلون ابي اوفر منه وصرف على روحي
اذ لقيتولي زوجه ترضى تعيش معي انا موجود 00000000000000
والسلام


[ALIGN=CENTER]ولكم تحياتي[/ALIGN]

[عبد الاله محمد]

رائع رائع جدا جدا
بس عطني وقت
وارد عليك
واشوف رد بعض الناس;)

[نيران]

:Dهاهاهاها
عمو هداج شلونك
جدي ابوسعود يقولك يازين كلامك بس لايكثر

وانا اقووووول

وش هالنشبه:D

إنتي ذكرتي إن الرجال يروح برى ( يسافر) ويجيب معه أمراض

في هذه معاك ألف حق , بس مسالتي نفسك عن السبب الرئيسي
السبب الرئيسي انه عينه زايغه مثل ماذكرنا من قبل

ماتفهم شي في معنى وتقديس الحياة الزوجيه,
ارد على كلامك عمو هداج انت البنت كانت في بيت ابوها قطه مغمضه ماتعرف شي المفروض رجالها يعلمها اذا قصرت بشي مو يروح يدور برا

بعدين مو كل الحريم كذا في حريمات خوش ناس بس رياجيلهم مثل ماذذكرنا سابقا (اعويناتهم زايغه)

حب, رومنسيه, موسيقى هادئه في جو هادئ, غناره مخفيه في جو شاعري.

أتحدى أي سعوديه تفقه في الأمور ذي شي.
وبالنسبه لهالكلام .. هاه اشوف قلبنا
باول الموضوع تقولون الرجال مو فاضي يجيب لها ورده والمرأه بطبيعتها رومانسي والحين تبون رومانسيه
والله انتم يالرياجيل الواحد مايدري اشتبون
... الله يخلي جدي ابو سعود من الاول قال لايكثر:D
.....................................
عمو الهواوي هلا شلونك شخبارك
جا دورك
1-انا ابي اعرف ليه ماتبي تعيش مع اهله انا اقولك لان ام زوجها يعني خالتها راح تخليها تكرف فالبيت تقل خدامه جديده مو بنت ناس
وطبعا راح تتدخل بكل صغيره وكبيره فحياتهم وطبعا كرد فعل عكسي راح توقف مع ولدها يعني هو المستفيد (ياذكي)
2-موكل الحريمات كذا بس يمكن رجالها مايعاملها عدل ومايراعي ان عمرها مافترقت عن اهلها ولما ضحت علشانه وابعدت عنهم ماقدر لها الشي ومطفشها بعيشتها
3-ماتبي اهله وجماعته يزورونه00
برضوا مو كل الحريمات كذا المره السنعه تدور راحه زوجها ومحد يقدر يقطع صله الرحم
رابعاً:انه في مشكله مع زوجته تبي تصيف كل سنه جارج المملكة00
جارج يعني خارج ... بعد تصليح البدليه
انتم ليه تجمعون كل الحريمات مع بعض
موكل الناس كذا المره السنعه تقدر ظروف زوجها اما هذيل متزوجين علشان الوناسه والطلعات ووالغلط انتو السبب فيه لانكم ماعرفتو تختارون هاهاهاها(افهمتكم صح .. ياعيني علي جدي ابوسعود تعال شوفني :D )

.......................
عمو الهواوي يازين هالكلام
الزوج مايطلب امور ماهي في الوجود كل الي طالبه انه اذا رجع من الدوام وفتح باب البيت لزوجه في استقباله بابتسامه بكلمه حلوه بشي من الرمانسيه تنسيه تعب اليوم كله وقلق المراجعين0 يبي منها معرفة الاوقاته لمفاتحته في اي موضوع عندها ومتى يكون زعلان او راضي مشاركته همومه ومشاكله نهاية الاسبوع تكون مجهزه نفسها لتقضي معه جو عائلي يتذكرون ايامهم الحلوه او انهم متفقين على الخروج سوا في مكان عام او عندا احد العائلتين والمشاكل الي تحصل بينهم ماتطلع خارج البيت لانها اذا طلعت مستحيل تنحل ويكون للزوجه حريت الراي كماله ويكونان متفقين على نضام حياتهم اذا كانت الزوجه موظفه 0000 هذا مايريده الزوج وماتريده الزوجه 0000
انا اتفق معاك ومثل ماتحب الناس يعاملونك عاملهم
هاهاها فهمتو والا باقي وياريت تفهم عمو هداج
....................
هاهاهاها عمو ابو عتب ياويلك اذا وقفت معاهم والله اجيب جدي ابو سعود :D

[هداج تيما]

مختلفناااااااا كلامك معقوووووول نيراااانوووه

بس خليك معااااااااااااااي

من اللي قالك إن الرجال ( شده فوق الجيم) مايبي رومنسيه

وبعدين أصلاً طبيعة الرومنسيه بمعناها الحقيقي هي للمرأه بحكم

إن المرأه هي ذات الشفافيه المطلقه وهي ذات الغحساس المرهف

وهي من تعشق مثل هذه الأمور

ولا يمنع غن الرجل يقدم لزوجته ( مايدعوها لتعلقها به كهديه)

من منطلق حديث الرسول ( ص) ( تهادوا تحابو)

لكن اللي حبيت أعلق عليه واركز فيه هي إن الرومنسيه البحته بمعناها الصحيح ( إنثويه بحته)

إذن ... رفعت الأقلام وجفت الصحف)

ونعلن النتيجه....

بفوووووووز الرجال على النساء وبفارق كبير...

وإلى مباراة اخرى

والسلام عليكم


هداج تيما

الخبر

أفااااا قصدي

الدوا دمي

حسبتني محمد الفايز ( المعلق المعروف)

ههههههه

[نيران]

والله ياعمو هداج تقحص تفحص تمحص
تجي منا تجي مناك
لا مفر نيران فايزه

وكلامي صح
انت متعصب مع الرياجيل

انت خسران

لان الديمقراطيه تفوز وتتغلب على التعصب الهداجي

بس خلاص لاتعلق
:D