قصيده رثـــــــــــــــــــاء في أمي

[*المحياني*]

هذه القصيده رثاء في والدتي رحمها الله وأسكنها فسيح جناته اللهم آمين التي توفت يوم الجمعه بتاريخ 7\ 6 \1428 هـ وذلك أثر حادث بعد تأديتها مناسك العمره أثناء عودتها للرياض جعلها الله في جنة الفردوس وجميع أموات المسلمين.
ومن حقي على من يقرأها أن يدعو لها.


[poem=font="Simplified Arabic,5,black,bold,normal" bkcolor="transparent" bkimage="../backgrounds/1.gif" border="double,4,gray" type=1 line=0 align=center use=ex num="0,black"]
ياالله يامعين عبدك في جهاده = وعالم بعمال خلقك في خفاها
ترحم اللي منهين عمره وعباده = يوم جمعه راجعه والموت جاها
أمي اللي قضت العمر بزهاده = قايمه في الليل وتصلي ضحاها
طار عقلي ودمع عيني في زياده = يوم جاني علم موتتها ونباها
و ولعت في قلبي نار بلا رماده = والله المعبود ماتطفى لضاها
مات قايد جيش لاوالله قياده = القياده اللي يوصى في رضاها
أشهدني بعدها بهم ونكاده = وأشهدني ميت (ن) ليلة عزاها
صار بيتي مظلم(ن) يوحش سواده = من يلومه جعل دفنه في ثراها
راح ركن البيت يابويه وعماده = راح نوره راح روحه من خذاها
قالها اللي له شهر معلن حداده = تشتكي عينه وأعماها بكاها
ياعساها بقبرها في نور وسعاده = ضاحكه مستبشره والخير جاها
جعلها مع الرسل وأهل الشهاده = وجنة الفردوس مثواها وجزاها[/poem]

[رائد الشيباني]

مشكوررررر على القصيده الحميله

[امير الغلا]

الله يرحمها ويسكنها فسيح جناته ويرحم اموات المسلمين

قصيده محزنه اخوي المحياني

[رائد الشيباني]

الله يحم امك ويرحم اموات المسلمين

[*المحياني*]

اللهم أمين ويجزاكم خير

والله لم أكتب القصيده الأ علشااااااااااااااااااان الدعاء

مشكككككككككككككككككككككككورين

الله لايري الجميع مكروه

[الذويبي العتيبي]

[align=center]اخوي المحياني

نسال الله عز وجل ان يكتب لها الجنه

وان يغفر لها ولاموات المسلمين

اجمعين 0 ومن البر الدعا

( ولد صالح يدعو له )

فاجتهد في الدعاء وبروا آباؤكم تبركم ابناؤكم


مشكوووره وقصيده محزنه حقا

دمت بكل خير[/align]

[*المحياني*]

الأخ الذويبي جزاك الله خير

ومشككككككككككككككككككككككككككككور

[مشاعر حالمه]

الله يرحم امك ويسكنها فسيح جناته

صح السانك اخوي ولاهنت

تحيتي لك / مشاعر حالمه

[عبدالرحمن الحمد]

الله يرحمها انشاء الله ويسكنها فسيح جناته يارب

الغالمين , عظم الله اجرك اخي

والله يصبركم انشاء الله

مع التحيه

[*المحياني*]

جزاك الله خير مشاعر حالمه

ومشككككككككككككككككككككوره